Yohane 12:48 - AHYERƐLƐ KRONGRON

⁴⁸ Sona bɔ ɔpo me ná onne me dwirɛ ndo nu ne, ole bɔ obua ye ndɛen ɔ; na me noa dwirɛ ne ala yeɛ okobua ye ndɛen wɔ ayieleɛ kyẽa ne ɔ.

Yohane 12:48 Iomraidhean Croise

Yesaya 53:3

Mmenia buli ye animtia, na bɛpole ye; ɔte sona bɔ ɔfale aworabɔlɛ nu ná onwuni yealɛ ɔ, bebuli ye animtia kyɛ sona bɔ mmenia nwu ye a bɛye bɛ nye bɛto buro ɔ, yeɛ yamva ye yanyɛ huu.

Mateo 10:15

Nahorɛ nu, mekã mekyire ɛmɔ kyɛ, ndɛenbualɛ kyẽa ne, amaneɛ bɔ ɔkɔto Sodom ne Gomora aseɛ ne nen, ongodwu bɔ ɔkɔto sɔ kuro ne.

Mateo 21:42

Yeɛ Yesu bisale bɛ kyɛ, “Aso ɛmɔkkenngale Ahyerɛlɛ ne le, kyɛ, ‘Nyɔboɛ bɔ suasilɛfoɛ bɛpole ye ne, ye ala yeɛ waayɛ sua ne ndweasoɛ nyɔboɛ titire ɔ. Awurade yeɛ wayɔ ɛhe ɔ, na ɔyɛ nwanwa wɔ yɛ nye so?’

Mateo 25:31

“Sona Awa ne kɔwa ye animnyam nu bɔ ye abɔfo amukoraa bɛboka ye so ɔ, na ɔkɔtena ye animnyam ahennie bia so.

Marko 12:10

Aso ɛmɔkkenngale Ahyerɛlɛ he le, kyɛ, ‘Nyɔboɛ bɔ suasilɛfoɛ bɛpole ye ne, ye ala yeɛ waayɛ sua ne ndweasoɛ nyɔboɛ titire ɔ,

Marko 16:16

Sona bɔ okole koli ná bɛkɔbɔ ye asu nen, bekole ye ngoa; nakoso bɔ onne nni ne de, bekobua ye foɛ.

Marko 8:31

Na ɔhyɛle ye bo hyirehyirele bɛ kyɛ, odi kyɛ Sona Awa ne nwu amaneɛ pee, ná maen mbanyi, asɔfo mbanyi ne ahyerɛlɛfoɛ bɛpo ye, ná beku ye, ná ye ɛlɛsa so otingye.

Luka 10:16

“Ebiala bɔ otie ɛmɔ dwirɛ nen, watie me; yeɛ bɔ ɔpo ɛmɔ nen, wapo me; na bɔ ɔpo me nen, wapo bɔ ɔsomane me ne.”

Luka 17:25

Nakoso ɔsɛ kyɛ onwu amaneɛ pee ná ɛnɛmmafoɛ he bɛpo ye koraka.

Luka 20:17

Nakoso ɔneane bɛ haa, na obisale kyɛ, “Né nzaade, ye bo kyire sɛɛ, ɛhe bɔ bahyerɛ ye kyɛ, ‘Nyɔboɛ bɔ suasilɛfoɛ bɛpole ye ne, ye ala yeɛ waayɛ sua ne ndweasoɛ nyɔboɛ titire ɔ.’

Luka 7:30

Nakoso Farasiifoɛ ne mmeraa nwo nimdeɛfoɛ nemɔ de, bɛpole Nyameɛ botaeɛ bɔ ɔwɔ berɛ ma bɛ ne, na bamma bammɔ bɛ asu.)

Luka 9:22

Na osele kyɛ, “Odi kyɛ Sona Awa ne nwu amaneɛ pee, ná maen mbanyi, asɔfo mbanyi ne ahyerɛlɛfoɛ bɛpo ye, ná beku ye, ná ye ɛlɛsa ne aso otingye.”

Luka 9:26

Na sona biala bɔ me ne me dwirɛ nwo kɔyɛ ye nya ne, ye koso ye nwo kɔyɛ Sona Awa ne nya, wɔ kyẽa bɔ ɔkɔwa ye animnyam nu, ye Baba animnyam nu, ɔne ye abɔfo krongron mɔ b’animnyam nu ne.

Yohane 11:24

Na Maata sele ye kyɛ, “Mese kyɛ ewutingyelɛ ne anu, kyẽa bɔ ɔpɛ ye bo ne, okosa kotingye.”

Yohane 5:45

Nnɛma ɛmɔdwene kyɛ me yeɛ ngɔbɔ ɛmɔ kwaadu wɔ me Baba ne nyunu ɔ; bɔ ɔbɔ ɛmɔ kwaadu ne wɔ berɛ, na ye ole Mose bɔ ɛmɔafa ɛmɔ nye bato ye so ne.

Yohane 6:39

Na bɔ ɔsomane me n’apɛdeɛ ole kyɛ: bɔ ɔfa mane me ne amukoraa, mengɔma nu ko po ngomini ɔ, na mmom ngotingye ye wɔ ayieleɛ kyẽa ne.

Yohane 8:47

Ebiala bɔ ofi Nyameɛ nu ne, otie Nyameɛ dwirɛ. Na nikyee ti bɔ ɔmaa ɛmɔndie ne ole kyɛ, nna Nyameɛ nu yeɛ ɛmɔfi ɔ.”

Asomafoɛ 17:31

ofikyɛ watu kyẽa ko bie wasie berɛ, bɔ ɔkɔfa sona bie bɔ waneanea nu waye ye ɔ so kobua ewiase amukoraa ndɛen tenenee nu ɔ. Na wali ɛhe nwo adanzeɛ wahyire wɔ etingyɛlɛ bɔ otingyele ye fili awufoɛ nu ne, kyɛ mmenia amukoraa bele ye beli.”

Asomafoɛ 3:23

Na sona biala bɔ wandie sɔ ngɔmhyɛlɛniɛ nen, bɛkɔye ye bekofi Nyameɛ mmenia ne anu, na basɛkye ye.’

Romanfoɛ 2:16

Yiti kyɛbɔ me nzɛmba ne okyire ne, sɔ kyẽa ne, Nyameɛ kɔfa Yesu Kristo so kobua sona biala ye mvealeɛ nu dwirɛ nwo ndɛen ɔ.

2 Korintofoɛ 4:3

Na sɛ yɛ nzɛmba ne aso akata a, so akata ama bɛ bɔ bɛwɔ so bemini ne.

2 Tɛsalonika 1:8

na ɔkɔtɔ bɛ bɔ bɛnze Nyameɛ, ɔne bɛ bɔ bayɛ y’Awurade Yesu Kristo nzɛmba ne nwo asoserɛ nemɔ so wereɛ.

Hebrifoɛ 10:25

Nnɛmɔma yɛyakyi yɛ nwo yɛ nwo nyianuyɛlɛ, kyɛbɔ ebiemɔ de bayakyi ye yɔlɛ nen; na mmom ɛ́mɔma yɛhɔ so yɛtutu yɛ nwo yɛ nwo foɛ, nganga kekesaala ye bɔ ɛmɔnwu ye kyɛ Kyẽa ne apingye ye.

Hebrifoɛ 12:25

Ɛ́mɔnea yé na ɛmɔambo bɔ odwudwo ne dwirɛ. Na sɛ bɛ bɔ bɛpole kyɛ bekotie bɔ odwudwole wɔ aseɛ ye aso ne, benyane ye nwo asohwenɛ de a, nzaade ɔkɔyɛ sɛɛ bɔ sɛ yɛpo bɔ odwudwo kyire yɛ fi nyameɛso ne dwirɛ a, yɛngonya ye nwo asohwenɛ ɔ?

Hebrifoɛ 2:3

nzaade sɛ yɛpo ngoalelɛ piri bɔ ɔte sɔa de a, yɛkɔyɛ sɛɛ ná yafa yɛ nwo yali? Awurade lili moa bɔle ngoalelɛ he nwo dawure, na bɛ bɔ bɛtele ne koso lili ye nwo adanzeɛ maa yɛnwuni kyɛ ɔte nahorɛ.

Hebrifoɛ 4:12

Ɔnate kyɛ Nyameɛ dwirɛ ne te ase na anwoserɛ wɔ nu, na ɔyɛ nna tra sɛpɔ biala. Ɔpɛ tonn kɔworo ɛkra ne sunzum b’afia, sona aporɛ so ne ye bowue nu fonyi b’afia, na ɔpɛnzɛpɛnze ahone ne adwene nu nzusuleɛ mukoraa nu.

1 Petro 1:5

bɔ bɛnate gyidie so bɛbɔ ɛmɔ nwo waen wɔ Nyameɛ tumi nu, bɔ ɔkɔ ngoalelɛ bɔ basiesie kyɛ bɛbaala ye ali wɔ mmerɛ bɔ oli nziɛ ne anu ne.

2 Petro 3:3

Na ɔsɛ kyɛ ɛmɔdi moa bɛte ɛhe bo, kyɛ, ngyẽa bɔ oli nziɛ ye anu, ngorohoɛfoɛ kodwɔso, na bekoli bɛ bɔbɔ b’akɔnnɔ si bekoli ngorohoɛ;

2 Petro 3:7

Na anwuro ne aseɛ bɔ ɔwɔ berɛ ye, ɔnate ye noa dwirɛ komapɛ ne ala so yeɛ otira nu ɔ, na wasiesie ye wama see, na ɔfa nwondɛ ndɛenbualɛ ne amumuyɛɛfoɛ kyẽa ne.

1 Samuel 10:19

Nakoso ɛnɛ de, ɛmɔapo ɛmɔ Nyameɛ bɔ ode ɛmɔ fi ɛmɔ amaneɛ mukoraa ne ɛmɔ anwokyere mukoraa nu ne, na ɛmɔaha bahyire ye kyɛ, ‘Daabi, si hene ma yɛ.’ Ye sɔ ne ati, ɛmɔbra beegyina AWURADE nyunu abusua kure abusua kure ne mmusua mmusua.”

1 Samuel 8:7

na AWURADE buale Samuel kyɛ, “Edwirɛ biala bɔ maen ne fa to wɔ nyunu ne, de to nu, ofikyɛ nna wɔ yeɛ bapo wɔ ɔ, na mmom me yeɛ bapo me kyɛ nnde bɛ so hene ko ɔ.