Yohane 12:43 - AHYERƐLƐ KRONGRON

⁴³ ofikyɛ né bekuro mmenia nyunu animnyam bɛtra Nyameɛ nyunu animnyam.

Yohane 12:43 Iomraidhean Croise

Edwein 22:29

Amba, ye yeɛ aseɛ ye aso anwomasoɛfoɛ amukoraa bɛkɔkoto ye ɔ; adasa mukoraa, bɛ bɔ bɛngora bɛmma bɛ nwo ngoa ɔ, ye yeɛ bɛkɔkoto ye ɔ.

Anyandera 29:25

Esuro sona a, né asua wɔ nwo ngaen, nakoso ebiala bɔ ɔfa ye wora wura AWURADE nu ne de, ye nwo sonn.

Mateo 6:2

Yiti sɛ ɛyɔ adɔeɛ a, nnɛbɔ ye nwo dawure, kyɛbɔ nyaatwomfoɛ bɛyɔ ye nyianu sua mɔ nu ne dwaaso, kyɛbɔ mmenia kɔkamvo bɛ ne. Nahorɛ nu, mekã mekyire ɛmɔ kyɛ, bɛ sa ahã b’akatuaa dada.

Luka 16:15

Yiti Yesu sele bɛ kyɛ, “Ɛmɔte mmenia bɔ ɛmɔbu bɛ nwo kyɛ bɛtengyɛ wɔ mmenia nyunu, nakoso Nyameɛ yeɛ ɔse ɛmɔ ti anu ɔ. Ofikyɛ, bɔ ɔmoma ye nwo so wɔ mmenia nu ne, ɔte akyiwadeɛ wɔ Nyameɛ nyunu.

Luka 19:17

Yeɛ osele ye kyɛ, ‘Mmo, akoaa paa! Ɔnate kyɛ ali kãa bie nwo nahorɛ ne ati, nea nguro buru so.’

Yohane 12:26

Sɛ ebie so me a, ɔsɛ kyɛ odi me si; na nekaa bɔ nwɔ ne, berɛ yeɛ me somvoɛ koso kɔwa ɔ; na ebiala bɔ ɔso me ne, me Baba kɔhyɛ ye animnyam.”

Yohane 5:41

“Membena animnyam memvi mmenia berɛ,

Yohane 5:44

Ɔkɔyɛ sɛ né ɛmɔale bali, ɛmɔ bɔ ɛmɔhyehyɛ ɛmɔ nwo ɛmɔ nwo animnyam, bɔ ɛmɔmbena animnyam bɔ ofi Nyameɛ komapɛ ne berɛ ɔ?

Yohane 7:18

Ebiala bɔ ɔbɔ ye ti anu dwudwo ne, ɔpena ye bɔbɔ ye animnyam; nakoso bɔ ɔpena animnyam ma bɔ ɔsomane ye nen, ye ole nahorɛniɛ ne, na ngondombo biala nne ye nu.

Yohane 8:54

Na Yesu buale kyɛ, “Sɛ mehyɛ me nwo animnyam a, m’animnyam ne ɔtte huu. Me Baba bɔ ɛmɔnwa ɔte ɛmɔ Nyameɛ nen, ye yeɛ ɔhyɛ me animnyam ɔ.

Romanfoɛ 2:29

Na mmom Yudaniɛ kaenn ole sona bɔ ɔte Yudaniɛ wɔ ahone nu ɔ; ɔte sunzum nu nikye, na ɔtte anwoɔnaen nu nikye. Nna kuro sona, na mmom Nyameɛ yeɛ ɔye sɔ sona ne ayɛ ɔ.

Romanfoɛ 2:7

Bɛ bɔ bemia bɛ nye bɛyɔ paa, na bɛpena animnyam, anidie ne daa ngoa nen, bɛ yeɛ Nyameɛ kɔma bɛ daa ngoa ɔ.

1 Korintofoɛ 4:5

Yiti nnɛma ɛmɔbua ndɛen koraka ná mmerɛ ne wadwu, koraka né Awurade awa, na ye yeɛ ɔkɔye mvealeɛ nu dwirɛ bɔ ɔwɔ awosii nu kofite ɔ, ná wasa mmenia ti anu nzusuleɛ wagua dwaaso. Na afei ebiala konya ɛkamvolɛ bɔ ɔfata ye ɔ kofi Nyameɛ berɛ.

2 Korintofoɛ 10:18

Ofikyɛ nna sona bɔ ɔkamvo ye nwo ne yeɛ ɔsɔ Awurade nye ɔ, na mmom bɔ Awurade kamvo ye ne yeɛ ɔsɔ ye nye ɔ.

1 Tɛsalonikafoɛ 2:6

Yanyɛ kyɛ yɛpena kuro sona nyunu animnyam, kyɛ ofi ɛmɔ berɛ oo, anaakyɛ ebiemɔ berɛ oo. Ahaa yɛkɔhora yɛkɔhyɛ kyɛ ɛmɔyɔ sɔ bɛma yɛ, ofikyɛ yɛte Kristo asomafoɛ.

1 Petro 3:4

na mmom ɛ́mɔma ɔyɛ ahone nu nikyee bɔ anyeɛ nnwu ye, sunzum bɔ odwo, ɔbrɛ ye nwo ase, nikyee bɔ ɔmborɔ, bɔ ɔte nikyee nyɔboɛserɛ wɔ Nyameɛ nyunu ɔ.

1 Samuel 15:30

Na Sɔɔlo buale ye kyɛ, “Mayɔ bɔne de, nakoso mesrɛ wɔ ala, nnɛgua me nyunu ase wɔ me maen mbanyi ne Yisrael nyunu. Ɛne me sa hɔ ma ngɔnzɔne AWURADE wɔ Nyameɛ.”

1 Samuel 2:30

Yiti AWURADE Yisrael Nyameɛ nwa nyoo, ‘Nhyɛle bɔ kyɛ w’abusua ne wɔ nana abusua bekoli sɔfo bɛkɔso me daa.’ Nakoso kekesaala ye de, AWURADE nwa: ‘Mengɔma sɔ dwirɛ ne ngɔyɛ adwuma! Ofikyɛ bɛ bɔ bedi me ni ne, me koso ngoli bɛ ni, yeɛ bɛ bɔ betiatia me nyunu ne, me koso mengɔfa bɛ ngɔyɛ huu.