Yohane 12:42 - AHYERƐLƐ KRONGRON

⁴² Na maen mbanyi nemɔ pee belele ye belili, nakoso ɔnate esurolɛ bɔ besuro Farasiifoɛ nemɔ ati, bangora banye bɛ nyunu, bɔ ahaa ɔkɔmaa bekotu bɛ bekofi nyianu sua ne anu ɔ;

Yohane 12:42 Iomraidhean Croise

Anyandera 29:25

Esuro sona a, né asua wɔ nwo ngaen, nakoso ebiala bɔ ɔfa ye wora wura AWURADE nu ne de, ye nwo sonn.

Yesaya 51:7

“Ɛ́mɔtie me, ɛmɔ bɔ ɛmɔse tenenee ɔ, maen bɔ me mmeraa wɔ b’ahone nu ɔ; nnɛma ɛmɔsuro mmenia animguaseɛ bɔ begua ɛmɔ ɔ, yeɛ nnɛmɔma bɛ nzoaapepɛlɛ ne obu ɛmɔ abasa nu.

Yesaya 57:11

Nwa yeɛ ye nwo yɛ suro bɔ esuro ye ɔ, bɔ yiti anga nahorɛ ɔ, bɔ yiti angaye me ɔ, bɔ yiti andwene me nwo ɔ? Aso nna konn yeɛ mayɛ fi tetetete ɔ, bɔ ɔnate sɔ ati enzuro me ɔ?

Yesaya 66:5

Ɛ́mɔtie AWURADE noa dwirɛ, ɛmɔ bɔ ɛmɔsuro ye ná ɛmɔdi ye dwirɛ so ɔ: “Ɛmɔ aliɛma mɔ bɔ bɛpɔ ɛmɔ, bɔ ɔnate me dumaa ti bapo ɛmɔ ne, bɛnwa: ‘Yɛsrɛ kyɛ AWURADE ɔla ye animnyam ne ali, maa ɔnate so yɛnwu ɛmɔ anigye ne!’ Nakoso bɛ yeɛ bɛ nyunu kogua aseɛ ɔ.

Yeremia 38:19

Yeɛ Nana Sedekia sele Yeremia kyɛ, “Mesuro Yudafoɛ bɔ baafa bɛ nwo bama Kaldeafoɛ ne. Annea a, né Kaldeafoɛ bafa me bawura bɛ sa maa bagoro me nwo.”

Mateo 10:32

“Yiti ebiala bɔ ɔkɔbɔ me dumaa wɔ mmenia nyunu ne, me koso ngɔbɔ ye dumaa me Baba bɔ ɔwɔ nyameɛso ne nyunu.

Luka 12:8

“Mekã mekyire ɛmɔ kyɛ, ebiala bɔ ɔkɔbɔ me dumaa mmenia nyunu nen, Sona Awa ne koso ɔkɔbɔ ye dumaa Nyameɛ abɔfo mɔ nyunu.

Luka 23:13

Afei Pilato frɛle asɔfo mbanyi nemɔ, maen mbanyi ne ɛlɔen ne maa beyiale,

Luka 6:22

“Ɛmɔanya saleɛ, wɔ mmerɛ bɔ mmenia bɛpɔ ɛmɔ, bɛyɛ ɛmɔ nyeyemuɛ, bɛbɔ ɛmɔ alapaa, ná bɛpo ɛmɔ dumaa kyɛ ɔte musue nikye, ɔnate Sona Awa ne ati.

Yohane 11:45

Na Yudafoɛ nemɔ anu pee bɔ bɛwale Maria berɛ, ná benwuni bɔ Yesu yɔle nen, belele ye belili.

Yohane 12:11

ofikyɛ ɔnate ye ti, né Yudafoɛ nemɔ anu pee bɛ́kɔ bekode Yesu bedi.

Yohane 16:2

Bekotu ɛmɔ bekofi nyianu sua mɔ nu. Ye po mmerɛ bie ɔ́ba, bɔ ebiala bɔ okohũ ɛmɔ ne, ɔkɔdwene kyɛ ɔyɔ sɔ fa so Nyameɛ.

Yohane 19:38

Na nziɛ ye, Yosef bɔ ofi Arimatea, bɔ ɔte Yesu suaniɛ, bɔ Yudafoɛ nwo suronyi ti ɔfeafea ye nwo ɔyɔ sɔ ɔ, ɔɔsrɛle Pilato kyɛ ɔma ye ate ma ɔye Yesu fuin ne, na Pilato mane ye ate. Yiti ɔwale ɔɔyele ye fuin ne.

Yohane 3:2

Sɔ biaa ne wale Yesu berɛ kɔngɔen oosele ye kyɛ, “Rabi, yɛse kyɛ ɛte kyerɛkyerɛniɛ bɔ efi Nyameɛ berɛ ɔ; ofikyɛ ebiala ngɔhora ngɔyɔ nzɛngyerɛnneɛ hemɔ bɔ ɛyɔ ye, sana Nyameɛ boka ye so.”

Yohane 7:13

Nakoso né besuro Yudafoɛ nemɔ, yiti ebiala anye ye nyunu wanga ye nwo dwirɛ.

Yohane 7:31

Nakoso mmenia nemɔ anu pee belele ye belili, na bɛhane kyɛ, “Kristo ne, sɛ ɔba a, aso ɔkɔyɔ nzɛngyerɛnneɛ pee kɔtra bɔ biaa he wayɔ ye?”

Yohane 9:22

Ye awofoɛ hane sɔ, ofikyɛ né besuro Yudafoɛ nemɔ; ɔnate kyɛ né Yudafoɛ nemɔ bayɛ adwene kyɛ, sɛ ebie kã ye pefee kyɛ ye ole Kristo ne a, bekotu ye bekofi nyianu sua nu berɛ.

Yohane 9:34

Na bebuale ye kyɛ, “Bɛwole wɔ bɛtole bɔne nu buroburoburo, na afei wɔ yeɛ ekyirekyire yɛ ɔ?” Na bɛfoane ye befili nyianu sua ne anu.

Asomafoɛ 5:41

Na bele anigye befili badwa nu berɛ bɛhɔle, kyɛ babu bɛ kyɛ bɛfata kyɛ Yesu dumaa ti animguaseɛ ɔto bɛ ɔ.

Romanfoɛ 10:10

Ɔnate kyɛ, sona fa ye ahone yeɛ ode di ɔkɔ tenenee nu ɔ; na ye noa yeɛ ɔfa kã ye pefee onya daa ngoa ɔ.

1 Yohane 4:15

Na ebiala bɔ ɔpakye nu kã kyɛ Yesu ole Nyameɛ Awa nen, Nyameɛ te ye nu, na ye koso ɔte Nyameɛ nu.

1 Yohane 4:2

Ɛhe yeɛ ɔmaa yɛnwu Nyameɛ Sunzum ɔ: Sunzum biala bɔ ode to nu kyɛ Yesu Kristo awa anwoɔnaen nu ne te Nyameɛ deɛ.