Yohane 12:36 - AHYERƐLƐ KRONGRON

³⁶ Mmerɛ bɔ ɛmɔle kanea ne de, ɔsɛ kyɛ ɛmɔde kanea ne bedi, amaa ɔnate so ɛmɔayɛ kanea ne mma.” Na Yesu hane ɛhemɔ yiele nen, ofili berɛ, na ɔfale ye nwo feale bɛ.

Yohane 12:36 Iomraidhean Croise

Yesaya 60:1

Dwɔso, ta hyireinn, ofikyɛ wɔ kanea ne wawa, yeɛ AWURADE animnyam ne apukye wɔ so.

Mateo 21:17

Na ɔyakyili bɛ berɛ fili kuro ne anu hɔle Betania ɔɔlale berɛ.

Mateo 5:14

“Ɛmɔte wiase kanea. Kuro bɔ ɔla bokaa so ne, ɔngora mvea.

Luka 16:8

Na meneɛ ne kamvole hwɛsoniɛ bɔ onni nahorɛ ne, kyɛ wafa nworɛ wato bɔ wayɔ ne anwo. Ofikyɛ, wiase he anu ama bɛfa nworɛ atee so bɛyɔ bɛ nningyein wɔ bɛ mmango mɔ nu bɛtra kanea mma nemɔ.”

Yohane 1:7

Ye yeɛ ɔwale adanzeɛlilɛ, kyɛ ɔbaali kanea ne nwo adanzeɛ, amaa ɔnate ye so mmenia mukoraa bale bali.

Yohane 11:54

Yiti Yesu anye ye nwo ali pefee wannatenate wɔ Yudafoɛ nemɔ anu ko. Na ofili berɛ hɔle aseɛ bie bɔ opingye ɛserɛ so ɔ so, wɔ kuro bie bɔ bɛfrɛ ye Efraim so, na ɔne ye asuafoɛ nemɔ bɛtenane berɛ.

Yohane 12:37

Ɔwɔ nu kyɛ né wayɔ nzɛngyerɛnneɛ pee wɔ bɛ nyunu de, nakoso banne ye banni.

Yohane 12:46

Mawa wiase kyɛ kanea, na ebiala bɔ ode me di ne, ɔngɔtena awosii nu.

Yohane 3:21

Nakoso ebiala bɔ ɔyɔ bɔ ɔte nahorɛ ne de, ɔba kanea ne anwo, kyɛbɔ ɔkɔyɛ bɔ ye yɔleɛ kɔla ali pefee kyɛ wayɛ sotie wama Nyameɛ ɔ.”

Yohane 8:12

Yeɛ Yesu sele bɛ bieku kyɛ, “Me ole wiase kanea ne; ebiala bɔ oli me si ne, ɔngɔnate awosii nu le, na okonya ngoa kanea ne.”

Yohane 8:59

Yiti bɛsesale nyɔboɛ kyɛ bɛto bɛbɔ ye, na Yesu fale ye nwo feale, na ɔfale mmenia ne anu fili asɔneyɛɛ sua nu berɛ hɔle.

Ɛfesofoɛ 5:8

ofikyɛ daa ne, né ɛmɔte awosii, nakoso kekesaala ye de, ɛmɔte kanea wɔ Awurade nu. Ɛ́mɔbɔ ɛmɔ bra kyɛ kanea mma,

1 Tɛsalonikafoɛ 5:5

Ɛmɔ amukoraa ɛmɔte kanea mma ne alehyeleɛ mma. Yɛtte alesaleɛ anaa awosii mmaa.

1 Tɛsalonikafoɛ 5:8

Nakoso ɔnate kyɛ yɛte alehyeleɛ mma ne ati, ɛ́mɔma yɛ nye la berɛ ná yɛfa gyidie ne ɔdɔ yɛyɛ koɛ buralɛ yɛkata yɛ hue so, na yɛfa ngoalelɛ nwo anyelasoɛ yɛyɛ koɛ buralɛ kyerɛ yɛwura.