Yohane 12:34 - AHYERƐLƐ KRONGRON

³⁴ Na ɛlɔen ne buale ye kyɛ, “Yɛ de, yate yafi mmeraa ne anu kyɛ Kristo ne kɔtena ase daa; na ɔyɛle sɛɛ bɔ ɛnwa: Ɔsɛ kyɛ bɛma Sona Awa ne so ɔ? Nwa ole Sona Awa he?”

Yohane 12:34 Iomraidhean Croise

2 Samuel 7:13

Ye yeɛ okosi sua kɔfa me dumaa kɔto so ɔ, na ngɔma ye ahennie kotindim afebɔɔ.

Edwein 110:4

AWURADE ata ndaen, na ɔngɔsesã ye adwene: “Ɛte sɔfo afebɔɔ, kyɛ Mɛlkisɛdɛke deɛ ne ala.”

Edwein 72:7

Ye aberɛ so, ma tenenee obu so, ná asomdwee pee ɔbra, kɔpem kyɛ ɛsraen ɔnne berɛ ko ɔ.

Yesaya 53:8

Bɛnate nhyɛsoɛ ne ndɛengyea so bɛfale ye bɛhɔle, na ye aberɛso ama mɔ, nwa yeɛ ɔdwene ye nwo kyɛ bapɛ ye ngoa so bafi ateasefoɛ aseɛ so ɔ, kyɛ me maen mmeraatolɛ ti yeɛ bepurale ye ɔ?

Yesaya 9:7

Ye ahennie, yeɛ ye asomdwee kɔhɔ so kɔtrɛ bɔ olle ayieleɛ ɔ; ɔkɔtena Dawide ahennie bia ne aso, okoli ye ahennie ne aso, na ɔkɔfa pɛpɛɛpɛyɛlɛ ne tenenee koli bia ne maa okotindim kogyina, ofi kekesaala ye maa okoodwu afebɔɔ. Asafo AWURADE ye nungunɛhwenɛ sonongo ne yeɛ ɔkɔyɔ ɛhe ɔ.

Daniel 2:44

Na sɔ ahemvo nemɔ aberɛ so, nyameɛso Nyameɛ kɔma ahennie bɔ ɔngɔsɛkye le ɔ kɔye ye ti, na sɔ ahennie ne, bɛngɔkakyi bengowura maen foforɛ sa. Sɔ ahennie ne kɔsɛkye ahennie nemɔ amukoraa kɔmaa bɛkɔbɔ bɔkɔɔ, nakoso ye de, okogyina afebɔɔ.

Daniel 7:14

Na ye yeɛ bɛmane ye tumi, animnyam ne ahennie, amaa ɔnate so maen maen mukoraa, mmenia mukoraa ne edwudwolɛ amukoraa baso ye. Ye tumi ne, ɔte tumi bɔ olle ayieleɛ bɔ ɔngɔpɛ nu le ɔ, na ye ahennie ne, ɔte ahennie bɔ ɔngɔbɔ le ɔ.

Daniel 7:27

Na bɛkɔfa ahennie ne tumi ɔne ahennie mɔ bɛ tumi bɔ ɔwɔ anwuro amukoraa bo bɛkɔma Anwuro Anwuroniɛ n’anwoteefoɛ maen ne. Ye ahennie ne te ahennie afebɔɔ, na tumi amukoraa kɔso ye, ná bayɛ sotie bama ye.’

Mika 4:7

Na ngɔma mmubuafoɛ nemɔ kɔyɛ mmenia bɔ baha ɔ, yeɛ bɛ bɔ bapɛ bɛ asue ne, ngɔmaa bɛkɔyɛ anwoserɛ maen; na AWURADE koli bɛ so hene wɔ Sion bokaa so kekesaala ye ne afebɔɔ.

Mateo 16:13

Na mmerɛ bɔ Yesu dwuli Kaesarea Filipi mbɔtam nen, obisale ye asuafoɛ nemɔ kyɛ, “Mmenia nwa Sona Awa ne ole nwa?”

Mateo 21:10

Na odwuli Yerusalem nen, kurotue ne amukoraa bɛbɔle twi bebisale kyɛ, “Na nwa ɛhe?”

Mateo 8:20

Na Yesu buale ye kyɛ, “Safuboa mɔ bele bɔen mɔ, yeɛ ewienu nnomaa bele saen mɔ; nakoso Sona Awa ne de, olle nekaa bɔ ɔfa ye ti to ɔ.”

Yohane 10:34

Na Yesu buale bɛ kyɛ, “Aso nna ɛmɔ mmeraa ne anu yeɛ bahyerɛ ye kyɛ, ‘Ngane kyɛ, ɛmɔte nyameɛ mɔ?’

Yohane 12:32

Na me de, sɛ bɛma me so befi aseɛ ye aso a, ngɔhwe mmenia mukoraa ngɔwa me nwo.”

Yohane 15:25

Na ɛhe ama edwirɛ bɔ bahyerɛ ye wɔ bɛ mmeraa ne anu ne wawa nu kyɛ, ‘Bɛpɔle me mbaen.’

Yohane 8:28

Yiti Yesu hane kyɛ, “Sɛ ɛmɔnya bɛma Sona Awa ne so a, yeɛ ɛmɔkonwu kyɛ me ole ye ɔ; na memva me bɔbɔ me tumi menyɔ nikye fee, na mmom kyɛbɔ Baba ne hyirehyirele me ne, sɔ ala yeɛ mekã ɔ.

Romanfoɛ 3:19

Afei yɛse kyɛ nikyee biala bɔ mmeraa ne kã ne, ɔkã kyire bɛ bɔ bɛwɔ mmeraa ne abo ɔ. Na ɔnate sɔ ne ati, ebiala ngɔhora ngɔhã ngɔtete ye nwo, na Nyameɛ kobua wiase amukoraa ndɛen.

Romanfoɛ 5:18

Yiti kyɛbɔ sona ko bɔne fale foɛbualɛ brɛle mmenia mukoraa nen, sɔ ala yeɛ sona ko tenenee fale bebualɛ ne ngoa brɛle mmenia mukoraa ɔ.

Hebrifoɛ 7:24

nakoso ɔnate kyɛ Yesu te ase afebɔɔ ne ati, ye sɔfolilɛ dwumadie ne koso wɔ berɛ afebɔɔ.