Yohane 12:29 - AHYERƐLƐ KRONGRON

²⁹ Na ɛlɔen bɔ né begyigyi berɛ ne, bɛtele sɔ dwirɛ nen, bɛhane kyɛ, “Agralaa ne abɔ nu kurudududu.” Yeɛ ebiemɔ koso hane kyɛ, “Abɔfo adwudwo ahyire ye.”

Yohane 12:29 Iomraidhean Croise

YOB NWOMAA NE 40:9

Aso ele tumi kyɛ Nyameɛ deɛ, wɔ komvi kɔhora kɔbɔ nu kurudududu kyɛbɔ ye deɛ ɔbɔ nu ne?

Ɛksadɔso 19:16

Ye ɛlɛsa ne aso, ngyerɛmɔ, wɔ bokaa ne aso: agralaa tetele, Nyameɛ ne bobɔle nu kurudududu, munungum kumɔnn wale, na totorobɛndo ne teane nu serɛserɛ. Yiti mmenia mukoraati bɔ né bɛwɔ asikyeleɛ berɛ ne, bɛ nwo wosowosole bɛ.

Ɛksadɔso 20:18

Na mmenia ne amukoraa nwuni agralaa bɔ né ɔ́tete, ɔne bokaa bɔ né ótu nwosina ne, ná besa bɛtele agralaa bɔ né ɔ́bobɔ nu ne, ɔne totorobɛndo hulɛ nen, ɛserɛ mane bɛ nwo wosowosole bɛ, na beegyinane dedeede.

Hesekiel 10:5

Na dede bɔ kɛrubim nemɔ bɛ ndaa ne yɔle ne, né ɛte alaa kodwu bondua dɔ, bɔ ɔte kyɛ Tuminiɛ Nyameɛ ye komvi bɔ odwudwo ɔ.

Asomafoɛ 9:7

Mmenia bɔ né bɛ ne Sɔɔlo tu atee ne gyinane, bɛtotɔle mmobo; ofikyɛ bɛtele edwudwolɛ ne de, nakoso bannwu sona biala.

Nyekyire 11:19

Afei bebukyele Nyameɛ asɔneyɛɛ sua ne wɔ nyameɛso, na benwuni ye apam alaka ne wɔ asɔneyɛɛ sua ne anu. Na agralaa tetele, komviɛ mɔ, ɔbobɔle nu kurudududu, aseɛ wosole, na asukɔtwea tɔle piri paa.

Nyekyire 14:2

Na ndele komviɛ bie mvili nyameɛso bɔ ɔte kyɛ asue pee bɔ bɛsẽ wuruwuru, ɔne esue bɔ ɔbɔ nu kurudududu serɛserɛ ɔ. Na komviɛ bɔ ndele ne, ɔte kyɛ sangoobɔlɛfoɛ bɔ bɛbɔ bɛ sangoo ɔ.

Nyekyire 6:1

Na nwuni kyɛ Boaen Ba ne wate nzɔanoɛ nemɔ anu ko noa, yeɛ ndele kyɛ abɔdeɛ ateasefoɛ nna nemɔ anu ko ole komviɛ bɔ ɔte kyɛ esue bɔ ɔbɔ nu kurudududu ɔ ɔkã, “Baanea!”

Nyekyire 8:5

Afei abɔfo ne fale ɛyɛɛ kulie ne, ɔfale afɔleɛ bokyea ne aso see ne bie guale nu maa oyili, na ogyi tole aseɛ so. Na komviɛ ahoroɔ wale, ɔbobɔle nu kurudududu, agralaa tetele, na aseɛ wosole.