Yohane 12:28 - AHYERƐLƐ KRONGRON

²⁸ Baba, hyɛ wɔ dumaa animnyam!” Yeɛ komviɛ bie fili nyameɛso wale kyɛ, “Mahyɛ ye animnyam dada, na ngɔhyɛ ye animnyam bieku.”

Yohane 12:28 Iomraidhean Croise

Mateo 11:25

Sɔ mmerɛ ne anu, Yesu hane kyɛ, “Baba, anwuro ne aseɛ Mene, meda wɔ ase kyɛ afa edwirɛ hemɔ afea nworɛfoɛ ne nimdeɛfoɛ, ná aye ahyire ngokwaammaa ɔ.

Mateo 11:26

Yoo, Baba, sɔ yeɛ ɔte nikyee bɔ ɔyɛ nyemene wɔ wɔ nyunu ɔ.

Mateo 17:5

Ogu so odwudwo ne ala, yieee, munungum hyɛnhyɛnn bie ɔɔkatale bɛ so, na edwudwolɛ bie fili munungum ne anu hane kyɛ, “Mma bɔ ɔla m’ahone nwo ná me nye gye ye nwo paa ne ɛhe; ɛ́mɔtie ye!”

Mateo 26:42

Osa hɔle ye pɛen nyɔ so ɔɔbɔle mbaeɛ kyɛ, “Me Baba, sɛ sɔ kulie he ngɔhora ngofi me so ngɔhɔ, ná sana meno a, ye de, bɔ ekuro yeɛ ɔyɛ berɛ ɔ.”

Mateo 3:17

na yieee, edwudwolɛ bie fili nyameɛso wale kyɛ, “Mma bɔ ɔla m’ahone nwo ná me nye gye ye nwo paa ne ɛhe.”

Marko 1:11

Na komviɛ bie fili nyameɛso sele kyɛ, “Wɔ ole Mma bɔ mekuro wɔ dwirɛ bɔ ɛsɔ me nye paa ɔ.”

Marko 14:36

Na ɔhane kyɛ, “Baba, Baba, nikyee biala nzo wɔ yɔ. Ye sɔ kulie he fi me so! Nakoso nnɛyɔ bɔ mepena, na mmom bɔ ɛpena ɔ.”

Marko 9:7

Yeɛ munungum bie ɔɔkatale bɛ so, na edwudwolɛ bie fili munungum ne anu hane kyɛ, “Mma bɔ ɔla m’ahone nwo ne ɛhe, ɛmɔtie ye!”

Luka 3:22

na Sunzum Krongron dwu wale ye so wɔ anwoɔnaen tebea nu, kyɛ abubure, na edwudwolɛ bie fili nyameɛso hane kyɛ, “Wɔ ole Mma bɔ mekuro wɔ dwirɛ bɔ ɛsɔ me nye paa ɔ.”

Luka 9:35

Afei edwudwolɛ bie fili munungum ne anu hane kyɛ, “Ɛhe ole Mma bɔ maneanea nu maye ye ne; ɛ́mɔtie ye!”

Yohane 11:4

Na Yesu tele ɛhe nen, ɔhane kyɛ, “Sɔ anwonyerɛ he, nna ewue anwonyerɛ ɔ; na mmom Nyameɛ animnyam ti ɔ, amaa ɔnate ɛhe aso bahyɛ Nyameɛ Awa ne animnyam.”

Yohane 18:11

Na Yesu sele Petro kyɛ, “Fa wɔ ngrandɛ ne wura ye bɔha ne anu! Kulie bɔ me Baba afa ama me ne, aso onni kyɛ meno anaa?”

Yohane 9:3

Na Yesu buale kyɛ, “Nna biaa he, anaa ye awofoɛ yeɛ bɛyɔle bɔne ɔ; na mmom kyɛ Nyameɛ nnwumaa kɔla ali wɔ ye nu ti ɔ.

Ɛfesofoɛ 2:7

kyɛ ewiase bɔ ɔ́ba ne anu ɔkɔla ye adom anwonya mmorosoɛ ne ali wɔ paayɛlɛ bɔ ɔyɛ yɛ Kristo Yesu nu ne anu.

Ɛfesofoɛ 3:10

kyɛbɔ ɔkɔyɛ bɔ afei ɔnate asɔre ne aso, Nyameɛ nworɛ ne kɔla ye nwo ali wɔ atee ahoroɔ so kohyire ahennie ne tumi ahoroɔ bɔ bɛwɔ anwuro dɔ ɔ.

Ɛfesofoɛ 3:21

animnyam hã ye wɔ asɔre ne anu ne Kristo Yesu nu wɔ aworɛ ndoatoasoɛ amukoraa nu daa daa afebɔɔ. Amen.

2 Petro 1:17

Ofikyɛ mmerɛ bɔ onyane anidie ne animnyam fili Baba Nyameɛ berɛ, ná komviɛ bie fili Animnyam Totohyia ne berɛ wale ye berɛ kyɛ, “Mma bɔ ɔla m’ahone nwo ná me nye gye ye nwo paa ne ɛhe” nen,