Yohane 12:26 - AHYERƐLƐ KRONGRON

²⁶ Sɛ ebie so me a, ɔsɛ kyɛ odi me si; na nekaa bɔ nwɔ ne, berɛ yeɛ me somvoɛ koso kɔwa ɔ; na ebiala bɔ ɔso me ne, me Baba kɔhyɛ ye animnyam.”

Yohane 12:26 Iomraidhean Croise

Edwein 17:15

Na me de, ɔnate kyɛ metengyɛ ne ati, ngonwu wɔ nyunu; sɛ medafe metingye a, m’ahone kɔtɔ me kunu, kyɛ manwu wɔ nyunu ɔ.

Edwein 91:15

Sɛ osũ frɛ me a, ngotie ye sufrɛ. Ngogyina ye si wɔ ye amaneɛnwunɛ nu; ngɔpepɛ ngole ye, ná mahyɛ ye animnyam.

Anyandera 27:18

Ebiala bɔ ɔnea borɔdoma bakaa so ne, odi ye mma ne bie, yeɛ bɔ ɔso ye mene ne koso, ye mene kɔhyɛ ye animnyam.

Numeri 14:24

Nakoso me somvoɛ Kalebo de, ɔnate kyɛ ye suban deɛ te sonongo ná wali nahorɛ wama me ne ati, ngɔfa ye ngɔhɔ aseɛ bɔ yeɛ ɔhɔle so ne aso, na aseɛ ne kɔyɛ ye boso ama bɛ deɛ.

Numeri 32:11

‘Nahorɛ nu, bɛ bɔ befili Misraim bɛwale ne, bɛ nu biala bɔ wali ofi afoɛ aburanyɔ bɔ ɔkɔ ne, ongonwu aseɛ bɔ ndale ndaen kyɛ ngɔfa ngɔma Abraham, Yisake ɔne Yakob ne, ofikyɛ banni nahorɛ bamma me.

Mateo 16:24

Na Yesu sele ye asuafoɛ nemɔ kyɛ, “Sɛ ebie kuro kyɛ odi me si a, maa ɔpa ye nwo si, ná ɔfa ye mmeamudua, ná oli me si.

Mateo 25:21

Yeɛ ye mene ne sele ye kyɛ, ‘Mmo, akoaa paa ne nahorɛniɛ! Ali kaaba bie nwo nahorɛ, ngɔfa bɔ ɔsone ɔ ngowura wɔ sa; bra baanya wɔ mene anigye ne anu kyɛfa!’

Marko 8:34

Afei Yesu frɛle ɛlɔen ne ne ye asuafoɛ nemɔ maa bɛwale ye nwo berɛ, na osele bɛ kyɛ, “Sɛ ebie pena kyɛ odi me si a, maa ɔpa ye nwo si, ná ɔfa ye mmeamudua, ná oli me si.

Luka 12:37

Na ngoaa bɔ bɛ mene ba a, ɔbato bɛ kyɛ bɛwɛne ne, benya saleɛ! Nahorɛ nu, mekã mekyire ɛmɔ kyɛ, ɔkɔbɔ ye abɔsoɛ, ɔkɔmaa bɛkɔtena poen nwo, ná wawa waaso bɛ.

Luka 6:46

“Nzu ati yeɛ ɛmɔfrɛ me ‘Awurade, Awurade’ nakoso ɛmɔnyɔ bɔ mekã mekyire ɛmɔ ɔ?

Luka 9:23

Na osele bɛ mukoraa kyɛ, “Sɛ ebie kuro kyɛ odi me si a, maa ɔpa ye nwo si, ná ɔfa ye mmeamudua daa biala, ná oli me si.

Yohane 10:27

Me mmoaen nemɔ bɛte me komvi, mese bɛ, na bedi me si.

Yohane 13:16

Nahorɛ nu paa, mekã mekyire ɛmɔ kyɛ, akoaa ndra ye mene; yeɛ somafoɛ ndra bɔ ɔsomane ye ne.

Yohane 14:15

“Sɛ ɛmɔkuro me dwirɛ a, ɛmɔli m’ahyɛdeɛ so.

Yohane 14:3

Na sɛ mekɔ ná mekosiesie nekaa mema ɛmɔ a, ngosa ngɔwa, ná maafa ɛmɔ mahɔ me bɔbɔ me berɛ, ná nekaa bɔ nwɔ ne, ɛmɔ koso bawa berɛ bie.

Yohane 15:20

Ɛ́mɔkaye edwirɛ bɔ nga ngyirele ɛmɔ ne, kyɛ, ‘Akoaa ndra ye mene.’ Sɛ bɛtanene me nye a, bɛkɔtane ɛmɔ koso bɛ nye; sɛ belili me dwirɛ so a, bekoli ɛmɔ deɛ so koso.

Yohane 17:24

“Baba, bɛ bɔ afa bɛ ama me ne, mekuro kyɛ nekaa bɔ nwɔ ne, bɛ koso bɛbaboka me so wɔ berɛ, amaa ɔnate so banwu m’animnyam bɔ ɛfa mane me ne; ofikyɛ ehurole me dwirɛ koraka yeɛ ewiase ahyɛaseɛ ɔba ɔ.

Yohane 21:22

Yeɛ Yesu sele ye kyɛ, “Sɛ mekuro kyɛ ɔtena berɛ kodwu kyɛ ngɔwa a, ɔfa wɔ nwo nzu? Wɔ de, di me si!”

Romanfoɛ 1:1

Pɔɔlo, Yesu Kristo akoaa, bɔ bafrɛ me kyɛ mmanyɛ somafoɛ, ná batu me basie berɛ bama Nyameɛ nzɛmba ne,

Romanfoɛ 14:18

Na sona bɔ ɔso Kristo wɔ atee sɔ ne aso ne, ɔsɔ Nyameɛ nye, na mmenia bu ye.

2 Korintofoɛ 4:5

Nna yɛ bɔbɔ yɛ nwo dawure yeɛ yɛbɔ ɔ, na mmom Kristo Yesu bɔ ɔte Awurade ne, ye nwo dawure yɛbɔ ɔ, na yɛsa yɛbɔ dawure kyɛ ɔnate Yesu ti yayɛ ɛmɔ ngoaa.

2 Korintofoɛ 5:8

Yɛle anyelasoɛ, na yɛkuro kyɛ yɛfi sɔ anwoɔnaen he anu ná yɛne Awurade yaatena.

Galatiafoɛ 1:10

Afei, kuro sona, anaa Nyameɛ yeɛ mepena kyɛ ɔkamvo me ɔ? Anaa mepena kyɛ mesɔ adasa nye? Sɛ kuro sona yeɛ ngu so mesɔ ye nye a, ahaa nnde Kristo akoaa.

Filipifoɛ 1:23

Ɛhe amaa mayɛ anianiani. Ahaa mekuro kyɛ ngofi wa me ne Kristo yɛkɔɔtena, ofikyɛ ɛhene mmom yeɛ ɔte paa koraa ɔ,

Kolosefoɛ 3:24

Ɔnate kyɛ, ɛmɔse kyɛ Awurade berɛ yeɛ ɛmɔkonya ɛmɔ agyapadeɛ bɔ ɔte akatuaa ne ɔ, ofikyɛ Awurade Kristo yeɛ ɛmɔso ye ɔ.

Kolosefoɛ 4:12

Kristo Yesu akoaa Epafra bɔ ɔte ɛmɔ nu ko ne, obisa ɛmɔ ahye. Daa biala ɔkaye ɛmɔ paa wɔ ye mbaeɛbɔlɛ nu, kyɛbɔ ɛmɔkogyina pindinn, ná ɛmɔ adwene asi pi wɔ Nyameɛ apɛdeɛ mukoraa nu ɔ.

2 Petro 1:1

Simɔn Petro bɔ nde Yesu Kristo akoaa ne somafoɛ ne, mefa mebrɛ bɛ bɔ ɔnate yɛ Nyameɛ ne Ngoadefoɛ Yesu Kristo tenenee so banya gyidie bɔ odi mu kyɛ yɛ deɛ ne ala ɔ.

1 Yohane 5:3

Sɛ yɛdi Nyameɛ ahyɛdeɛ so a yeɛ okyire kyɛ yɛkuro ye dwirɛ ɔ, na ye ahyɛdeɛ ne aso lilɛ koso nyɛ se.

Yuda 1:1

Yuda bɔ nde Yesu Kristo akoaa ne Yakobo aliɛma, mefa mebrɛ bɛ bɔ bafrɛ bɛ, bɔ bɛla Baba Nyameɛ ahone nwo, bɔ wafa bɛ wasie wɔ Yesu Kristo nu ɔ.

Nyekyire 14:4

Ɛhemɔ ole bɛ bɔ bamva mmrasua bangua bɛ nwo fiɛ, ofikyɛ basie bɛ nwo krongron. Bɛ yeɛ bedi Boaen Ba ne si bɛkɔ nekaa biala bɔ ɔkɔ ɔ. Bɛ yeɛ bale bɛ ngoa bafi adasa mmaa nu, ná bayɛ bɛ fieso aleɛ bɔ oli moa bama Nyameɛ ne Boaen Ba ne ɔ.

1 Samuel 2:30

Yiti AWURADE Yisrael Nyameɛ nwa nyoo, ‘Nhyɛle bɔ kyɛ w’abusua ne wɔ nana abusua bekoli sɔfo bɛkɔso me daa.’ Nakoso kekesaala ye de, AWURADE nwa: ‘Mengɔma sɔ dwirɛ ne ngɔyɛ adwuma! Ofikyɛ bɛ bɔ bedi me ni ne, me koso ngoli bɛ ni, yeɛ bɛ bɔ betiatia me nyunu ne, me koso mengɔfa bɛ ngɔyɛ huu.