Yohane 12:25 - AHYERƐLƐ KRONGRON

²⁵ Ebiala bɔ okuro ye ngoa dwirɛ ne, okofi ye sa; yeɛ ebiala bɔ ɔpɔ yɛ ngoa wɔ wiase wa ne, ɔkɔfa kosie kɔhɔ daa ngoa nu.

Yohane 12:25 Iomraidhean Croise

Nworɛ Dwirɛhanɛniɛ 2:17

Yiti asetena yɛle me tɛ, ofikyɛ nikyee biala bɔ ɔkɔ so wɔ wiase ne, ɔte ɛhawo ma me; ye mukoraa te mbaen, na ɔte dadwene mbaen.

Mateo 10:39

Ebiala bɔ okonya ye ngoa ne, ɔkɔhwere ye; na ebiala bɔ me ti ye ngoa kofi ye sa ne, okonya ye.

Mateo 16:25

Ofikyɛ ebiala bɔ okuro kyɛ ode ye kra ngoa nen, ɔkɔhwere ye; nakoso ebiala bɔ ɔnate me ti ɔkɔhwere ye ngoa nen, ye sa kɔhã ye.

Mateo 19:29

Na ebiala bɔ me dumaa ti wayakyi awuro mɔ, anaa aliɛmaa mmienzua, anaa aliɛmaa mmrasua, anaa seɛ, anaa niɛ, anaa mmaa, anaa aseɛ mɔ berɛ nen, okonya ye nwo mmɔhoɛ ɛyaa, na okonya daa ngoa.

Marko 8:35

Ofikyɛ ebiala bɔ okuro kyɛ ode ye kra ngoa ne, ɔkɔhwere ye; nakoso ebiala bɔ ɔnate me ne nzɛmba ne ati ɔkɔhwere ye ngoa ne, okonya ngoa kɔma ye kra.

Luka 14:26

“Sɛ ebie ba me berɛ, ná ɔmbɔ ɔse ne oni, ɔye ne ye mma, oliɛma mmienzua ne oliɛma mmrasua, ɔne ye bɔbɔ ye ngoa a, ngɔhora ngɔyɛ me suaniɛ.

Luka 17:33

Ebiala bɔ ɔkɔpere kyɛ okole ye bɔbɔ ye ngoa ne, ɔkɔhwere ye; nakoso ebiala bɔ ɔkɔhwere ye ngoa ne, okonya ye ngoa.

Asomafoɛ 20:24

Nakoso me de, memva he menyɛ hwee, yeɛ me ngoa koso memva menyɛ hwee; amaa ɔnate so mahora mafa anigye mayie me natelɛ ne Awurade Yesu asɛmbatrɛ adwuma bɔ ɔfa mane me kyɛ nni Nyameɛ adom nzɛmba ne nwo adanzeɛ ne.

Asomafoɛ 21:13

Nakoso obuale yɛ kyɛ, “Na esuɛ ye koso ɛ? Bɔ bɛyɔ sɔ bɛma m’aba nu bu ye! Me de, nna kuku nu nnaa ngome yeɛ masiesie me nwo mama ɔ, na mmom kyɛ Awurade Yesu dumaa ti ngowu wɔ Yerusalem ɔ.”

Hebrifoɛ 11:35

Mmrasua sa hane b’awufoɛ bɔ batingye bafi ewue nu ɔ. Ebiemɔ koso bɛhyɛle bɛ anyeborolɛ behuni bɛ, nakoso bambene kyɛ bekonya bɛ nwo bɛkɔtete ɔ, amaa ɔnate so banya ewutingyelɛ paa ne.

Nyekyire 12:11

Na bɛfale Boaen Ba ne mogya so ne b’adanzeɛ dwirɛ so yeɛ belili ye so ngonim ɔ, na banzuro kyɛ bɛkɔfa bɛ ngoa bɛkɔpɛ so ɔ.