Yohane 12:24 - AHYERƐLƐ KRONGRON

²⁴ Nahorɛ nu paa, mekã mekyire ɛmɔ kyɛ, sɛ aburoo baa ko wandɔ aseɛnwo wanwu a, ɔte komapɛ ne ala; nakoso sɛ owu a, osu mmaa pee.

Yohane 12:24 Iomraidhean Croise

YOB NWOMAA NE 14:8

Ye ndii nemɔ, ɔwɔ nu kyɛ betwindwam wɔ aseɛ ne abo dɔ de, yeɛ ye dosii ne koso owu aseɛnwo berɛ de,

Edwein 22:15

Me komvi ayɛ wosee kyɛ nyangaa bue, na me temverema amata me nnaalɔ; afa me ato ewue kumaa nu.

Edwein 72:16

Ma aleɛ obu so wɔ aseɛ ne aso, maa aleɛ ɔhye wɔ mmokaa nemɔ aso po, ma ye aleɛ ɔyɛ kyɛ Lebanon; na ma mmenia benyi frɔmfrɔm wɔ nguro nemɔ aso kyɛ aseɛ so ndire.

Yesaya 28:28

Kuaniɛ otĩ ayuo yeɛ ɔfa yɛ paanoo ɔ, yiti onhia kyɛ ɔkɔboro ayuo ne kɔhyɛ ɔ. Na sɛ ɔfa ye teaseɛnam mɔ bɛ gya otwi fa so, ná ɔma ye mbɔngɔ natenate so a, ondi ayuo ne.

Romanfoɛ 14:9

Ɛhe ati yeɛ Kristo wuli na otingyele ɔ, amaa wayɛ awufoɛ ne teasefoɛ b’Awurade.