Yohane 12:19 - AHYERƐLƐ KRONGRON

¹⁹ Yeɛ Farasiifoɛ nemɔ sisele bɛ nwo kyɛ, “Yeɛ ɛmɔanwu kyɛ ɛmɔngɔhora bɛngɔyɔ ye nwo huu! Ɛ́mɔnea, kyɛ ewiase atu bi waali ye si ɔ.”

Yohane 12:19 Iomraidhean Croise

Edwein 22:27

Ofi aseɛ ti kɔka ye ti, bɛkɔkaye, ná basa bawa AWURADE berɛ; na maen maen mɔ so mmusua amukoraa, bɛkɔkoto wɔ ye nyunu.

Edwein 49:1

Maen maen amukoraa, ɛ́mɔtie edwirɛ he, wiase mmenia amukoraa, ɛ́mɔyɛ asoɛ betie,

Yesaya 27:6

Mmerɛ bie baawa, Yakob kotira ndii, Yisrael kɔfefɛ kɔbɔ nyerɛen, na ɔkɔma ye mma koyi ewiase amukoraa tɛkyɛ.

Mateo 21:15

Nakoso asɔfo mbanyi ne ahyerɛlɛfoɛ nemɔ nwuni anwanwadeɛ mɔ bɔ ɔyɔle ne, ɔne ngwadaa bɔ bɛteatea nu wɔ asɔneyɛɛ sua nu berɛ kyɛ, “Hosana hã Dawide Awa ne” nen, wanyɛ bɛ fɛ koraa.

Yohane 12:18

Na ɛhe ati koso yeɛ mmenia worawora ne beeyiale ye ɔ; ofikyɛ né bate kyɛ wayɔ sɔ nzɛngyerɛnneɛ ne.

Yohane 12:20

Na bɛ bɔ bɛwale aluolue ne abo kyɛ bɛbaasɔne ne, né Helafoɛ biemɔ bɛboka so.

Yohane 17:21

amaa ɔnate so bɛ mukoraa bayɛ ko; kyɛbɔ wɔ, Baba, ɛwɔ me nu, ná me koso nwɔ wɔ nu ne, ná bɛ koso bayɛ ko wɔ yɛ nu, ná wiase ole li kyɛ wɔ yeɛ ɛsomane me ɔ.

Yohane 3:26

Na bɛwale Yohane berɛ beesele ye kyɛ, “Rabi, biaa bɔ né ɛne ye bɛwɔ asue Yɔɔdan si dɔ, bɔ elili ye nwo adanzeɛ nen, tie, ye koso ɔ́bɔ asu, na mmenia mukoraa bébiri bɛ́kɔ ye berɛ.”

Asomafoɛ 17:6

Na bannwu bɛ nen, bɛhwene Yason ne agyidifoɛ ne biemɔ bɛɛmane kuro ne anu mbanyi mɔ, na bɛteateane nu kyɛ, “Mmenia hemɔ bɔ bama ewiase amukoraa ayɛ basabasa ne, bawa wa koso,

1 Yohane 2:2

Ɔte yɛ bɔne nwo mbata; nna yɛ ngome yɛ deɛ nwo; na mmom ɔte wiase amukoraa koso bɔne nwo mbata.