Yohane 12:16 - AHYERƐLƐ KRONGRON

¹⁶ Na ye asuafoɛ nemɔ bande ɛhemɔ bo sɔ mmerɛ ne; nakoso nziɛ ye bɔ Nyameɛ hyɛle Yesu animnyam ne, yeɛ afei bɛkayele kyɛ bahyerɛ ɛhemɔ bafa ye nwo, na bayɔ sɔ bama ye koso.

Yohane 12:16 Iomraidhean Croise

Marko 16:19

Na afei, Awurade Yesu dwudwo hyirele bɛ yiele nen, Nyameɛ fale ye hɔle nyameɛso, na ɔɔtenane Nyameɛ sa famaa so.

Marko 9:32

Na bande sɔ dwirɛ ne abo, nakoso né besuro kyɛ bekobisa ye ɔ.

Luka 18:34

Nakoso bɛ de, bande edwirɛ hemɔ nu biala bo; né ɔbo b’adwene so, na bɔ ɔhane ne po, né bɛnze nikye horɛ.

Luka 24:25

Afei osele bɛ kyɛ, “O ɛmɔ ndeaseɛ wɔ dede, ɛmɔ adwene te nganga kyɛ ɛmɔkole bɔ ngɔmhyɛlɛfoɛ nemɔ bahã ne amukoraa bekoli ɔ!

Luka 24:45

Afei obukyele b’adwene nu maa bɛtele Ahyerɛlɛ ne abo.

Luka 9:45

Nakoso bande sɔ dwirɛ ne abo. Né bafa ye ndeaseɛ ne bafea bɛ kyɛbɔ bengonwu ye ɔ; na né besuro kyɛ bekobisa ye sɔ dwirɛ ne ɔ.

Yohane 12:23

Na Yesu buale bɛ kyɛ, “Mmerɛ ne aso kyɛ bɛhyɛ sona Awa ne animnyam ɔ.

Yohane 14:26

Na Aworakyekyerɛniɛ ne, bɔ ye ole Sunzum Krongron ne, bɔ Baba ne kɔsoma ye wɔ me dumaa nu ne, ye yeɛ okohyirehyire ɛmɔ nikyee biala ɔ, na ɔkɔkaye ɛmɔ bɔ mahã mahyire ɛmɔ ne amukoraa.

Yohane 16:4

Na mahã ɛhemɔ mahyire ɛmɔ, amaa sɛ mmerɛ ne dwu a, ɛmɔakaye kyɛ nga ngyirele ɛmɔ. Na manga ɛhemɔ mangyire ɛmɔ ahyɛaseɛ ne, ɔnate kyɛ né me ne ɛmɔ yeɛ yɛwɔ berɛ ɔ.

Yohane 17:5

Afei, O Baba, animnyam bɔ nne ye wɔ berɛ koraka yeɛ ewiase baawa ne, fa hyɛ me animnyam wɔ wɔ bɔbɔ wɔ berɛ.

Yohane 2:22

Yiti, odwɔsole fili awufoɛ nu nen, ye asuafoɛ nemɔ kayele kyɛ ɔhane sɔ dwirɛ ne, na belele Ahyerɛlɛ ne ne Yesu dwirɛ bɔ ɔhane ne belili.

Yohane 7:39

Na ɛhe de, ɔhã fale Sunzum ne nwo, bɔ mmenia bɔ bede ye bedi ne bɛbaanya ye ɔ; né Sunzum ne onnya ɔwwale, ofikyɛ né bennya bɛhhyɛle Yesu animnyam.

Asomafoɛ 2:33

Yiti Nyameɛ mane ye so hɔle ye sa famaa so; na onyane Sunzum Krongron bɔhyɛ ne fili Baba ne berɛ, na ɛhe yeɛ wahwie wagua yɛ so bɔ ɛmɔnwu ye ná ɛmɔte ye.

Asomafoɛ 2:36

“Yiti ma Yisrael awuro ama mukoraa benwu ye tofee kyɛ, Yesu he bɔ ɛmɔbɔle ye mmeamudua nu ne ala yeɛ Nyameɛ ayɛ ye Awurade ɔne Kristo ne ɔ.”

Asomafoɛ 3:13

Abraham ne Yisake ne Yakob Nyameɛ bɔ ɔte yɛ nana mɔ Nyameɛ ne, ɔhyɛle Ɔwa Yesu animnyam, nakoso ɛmɔyele ye bɛmane mbanyi mɔ, na ɛmɔgyinane Pilato nyunu bɛpole ye wɔ mmerɛ bɔ ahaa né wayɛ ye adwene kyɛ ɔyakyi ye ɔ.

Hebrifoɛ 12:2

Ɛ́mɔma yɛnea Yesu bɔ ɔte yɛ gyidie ahyɛaseɛ ne ayieleɛ ne. Na ɔnate anigye bɔ né ɔla ye nyunu ne ati, omiane ye nye fale amaneɛ ne animguaseɛ wue nu wɔ mmeamudua ne aso, na waatena Nyameɛ ahennie bia ne famaa so.

Hebrifoɛ 8:1

Edwirɛ bɔ yɛkã ne, porɛ bɔ ogyi so paa ɛhe: ɔsɔfo panyi paa sɔaa yeɛ yɛle ye ɔ, na ɔte Tuminiɛ n’ahennie bia ne famaa so wɔ nyameɛso.