Yohane 11:55 - AHYERƐLƐ KRONGRON

⁵⁵ Né Yudafoɛ Abɔtra ne apingye, na mmenia pee befili b’aseɛ mɔ so bɛhɔle Yerusalem kyɛ bɛbaapete bɛ nwo koraka né Abɔtra ne adwu.

Yohane 11:55 Iomraidhean Croise

Gyenesise 35:2

Yiti Yakob sele ye awuro ama ne bɛ bɔ bɛboka ye so amu kyɛ, “Ɛ́mɔgyi Amaenmaensofoɛ nyameɛ mɔ bɔ bɛwɔ ɛmɔ nwo ne begua, ɛ́mɔpete ɛmɔ nwo, na ɛ́mɔsesã ɛmɔ ndaadeɛ.

YOB NWOMAA NE 1:5

Sɛ bɛto poen ne alaa maa oyia bɛ ti a, ɔyɛ a Yob soma maa bɛkɔfrɛ bɛ bɛba, na ɔpete bɛ nwo. Né ɔyɛ a ɔpɛ aleɛ odwɔso gyina bɛ nu biala ye gya nu ɔbɔ naen yeralɛ afɔleɛ. Ofikyɛ Yob susuli kyɛ, “Me mma ye mɔ, ebiaa bayɔ bɔne, ebiaa badwudwo batia Nyameɛ wɔ bɛ nzusuleɛ nu.” Na sɔ ala yeɛ né ɔyɛ a Yob yɔ ɔ.

Edwein 26:6

Menwunzi me sa mefa mekyire kyɛ menni fɔ, na mepɛ w’afɔleɛ bokyea ne anwo mebra meyia, ao AWURADE;

Ɛksadɔso 19:10

Na AWURADE sele Mose kyɛ, “Kɔ mmenia nemɔ berɛ, ná pete bɛ nwo ɛnɛ ne ɛhema. Maa bɛpo bɛ nwo nningyein,

Numeri 9:10

“Ka kyire Yisraelfoɛ kyɛ, Ɛmɔ nu biala anaa ɛmɔ bosoniɛ biala bɔ ye nwo kɔha fuin kɔma ye nwo kogua fiɛ, anaakyɛ ebiala bɔ watu atee ne, ye koso ɔsɛ kyɛ odi AWURADE Abɔtra aluolue ne bie.

Numeri 9:6

Né mmenia ne biemɔ bɛ nwo aha fuin ama bɛ nwo agua fiɛ, yiti bangora banni Abɔtra aluolue ne bie sɔ kyẽa ne. Bɛwale Mose ne Aarɔn nyunu sɔ kyẽa ne,

Mateo 26:1

Na ɔwale kyɛ Yesu yiele edwirɛ he amukoraa kã nen, osele ye asuafoɛ nemɔ kyɛ,

Mateo 26:2

“Kyɛbɔ ɛmɔse ne, waha elenyɔ né Abɔtra aluolue ne adwu, na bɛkɔye Sona Awa ne bɛkɔma maa bɛkɔbɔ ye mmeamudua nu.”

Marko 14:1

Né waha elenyɔ maa bedi Abɔtra ne Paanoo Kabrɛdi aluolue ne. Na asɔfo mbanyi ne ahyerɛlɛfoɛ nemɔ bɛpenane atee bɔ bɛkɔfa so bɛkɔhye Yesu kudɛɛ, ná bahu ye ɔ.

Luka 22:1

Né Paanoo Kabrɛdi aluolue bɔ bɛfrɛ ye Abɔtra ne wapingye.

Yohane 12:1

Ɔhale elesia maa Abɔtra ne dwu nen, Yesu wale Betania, nekaa bɔ Lasarɔso bɔ otingyele ye fili awufoɛ nu ne ɔwɔ ne.

Yohane 13:1

Na Abɔtra aluolue ne ɔbaadwu ne, né Yesu se kyɛ ye dɔnhwere ne adwu kyɛ ofi wiase wa ɔkɔ Baba ne berɛ ɔ, na kyɛbɔ ohurole ye bɔbɔ ye deɛ bɔ bɛwɔ wiase dwirɛ nen, ohurole bɛ dwirɛ oodwuli ayieleɛ.

Yohane 18:28

Yeɛ bɛfale Yesu befili Kaifa berɛ bɛhɔle amrado n’aluo berɛ; na né ɔte ngyerɛmɔ tutuutu. Nakoso bɛ bɔbɔ de, bangɔ amrado n’aluo berɛ bie, kyɛbɔ ɔkɔyɛ bɔ bɛ nwo ngogua fiɛ, ná bahora bali Abɔtra (aleɛ) ne ɔ.

Yohane 2:13

Né Yudafoɛ Abɔtra aluolue ne apingye, na Yesu hɔle Yerusalem.

Yohane 2:6

Né nyɔboɛ bua nzia gyigyi berɛ, na kyɛbɔ Yudafoɛ bɛ nwo petenɛ amanneɛ te ne, bua ko biala kora fa galɔn aburanyɔ anaa aburasa.

Yohane 5:1

Ɛhe asi ne, Yudafoɛ aluolue dwuli, na Yesu hɔle Yerusalem.

Yohane 6:4

Né Yudafoɛ Abɔtra aluolue ne apingye.

Asomafoɛ 21:24

Ɛne bɛ hɔ ná ɛmɔɔpete ɛmɔ nwo, ná tua kerɛ ma bɛ, ná afei bahora babɔ tikwa. Na ɛhe kɔma ebiala konwu ye kyɛ nahorɛ nne edwirɛ bɔ mmenia aha afa wɔ nwo ahyire bɛ ne anu; na mmom wɔ bɔbɔ koraa edi Mose mmeraa so.

Asomafoɛ 21:26

Yiti Pɔɔlo ne mmienzua nna nemɔ bɛhɔle, na aleɛ hyene ne, ɔne bɛ petene bɛ nwo. Na ɔhɔle asɔneyɛɛ sua ne anu ɔɔlale kyẽa bɔ bɛkɔpete bɛ nwo koyie, ná afei babɔ afɔleɛ bama ebiala ngoko ngoko ɔ ali.

Asomafoɛ 24:18

Na nwɔ ɛhe aso bɔ meyɔ, wɔ mmerɛ bɔ mepete me nwo ne, yeɛ Yudafoɛ biemɔ bɔ befi Asia manzini nu nwuni me wɔ asɔneyɛɛ sua ne anu ɔ. Né ɛlɔen biala ɔbboka me so; yeɛ afei né basabasa biala nne berɛ.

1 Korintofoɛ 11:28

Yiti sɛ ebiala ɔbaali paanoo ne bie, ná ɔno kulie ne noa bie a, maa ɔpɛnzɛpɛnzɛ ye nu ɔnea koraka.

Yakobo 4:8

Ɛmɔhwe bepingye Nyameɛ, na ye koso ɔkɔhwe kopingye ɛmɔ. Ɛmɔ, bɔnefoɛ mɔ, ɛ́mɔnwunzi ɛmɔ sa, ná ɛ́mɔte ɛmɔ ahone nu, ɛmɔ bɔ ɛmɔ adwene yɛ ɛmɔ ndaa ndaa ɔ!

1 Samuel 16:5

Na obuale kyɛ, “Bɔkɔɔ. Mawa kyɛ mebaabɔ afɔleɛ mema AWURADE. Ɛ́mɔpete ɛmɔ nwo ná ɛ́mɔma yɛhɔ afɔleɛ ne abo.” Ɔpetene Yese ne ye mma nemɔ anwo, na osele bɛ kyɛ bɛbra afɔleɛ ne abo.