Yohane 11:44 - AHYERƐLƐ KRONGRON

⁴⁴ Na bɔ wawu ne fite wale; né ɛtena kyekye ye gya ne ye sa, na eduku kyekye ye nyunu. Na Yesu sele bɛ kyɛ, “Ɛmɔsangye ye, ná ɛmɔma ɔhɔ!”

Yohane 11:44 Iomraidhean Croise

Gyenesise 1:3

Na Nyameɛ hane kyɛ, “Ɔ́ta hyireinn!” Na ɔtale hyireinn.

Edwein 33:9

Ofikyɛ odwudwole, na ɔyɛle berɛ; ɔhyɛle, na ogyinane berɛ pindinn.

Hosea 13:14

Aso mbɔ bɛ mvi ɛborɔ tumi nu anaa? Aso mbepɛ nne bɛ mvi ewue nu anaa? Wɔ, ewue, wɔ yealɛ ne wɔ ni? Wɔ, ɛborɔ, wɔ sɛkyelɛ ne wɔ ni? Anwumvoinnwunɛ atu afi me nye so.

Marko 5:43

Na Yesu kanzole bɛ kitii kyɛ nnɛmaa bɛbɔ so bekyire ebiala, na osele bɛ kyɛ bɛma akwadaa ne nikyee ma oli.

Luka 19:20

“Yeɛ ko bieku koso wale ɔɔhane kyɛ, ‘Me mene, wɔ mina ne ɛhe. Mvale eduku ngyekyele ye nwo.

Luka 7:15

Na bɔ wawu ne tenane berɛ, na ɔhyɛle ye bo dwudwole, na Yesu fale ye mane oni.

Yohane 10:30

Me ne Baba ne yɛte ko.”

Yohane 11:39

Na Yesu hane kyɛ, “Ɛ́mɔye nyɔboɛ ne!” Na bɔ wawu n’aliɛma brasua Maata sele ye kyɛ, “Awurade, kekesaala ye de, ɔbõ, ɔnate kyɛ owuli ɔ ɛlɛnna ɛhe.”

Yohane 11:43

Na ɔhane sɔ nen, ɔteane nu serɛserɛ kyɛ, “Lasarɔso, fite bra!”

Yohane 19:40

Yeɛ bɛyele Yesu fuin ne, bɛfale ayire ne bɛyɛle ye nwo, na bɛfale nwera ne bɛkyekyele ye nwo, kyɛbɔ Yudafoɛ fuin sielɛ te ɔ.

Yohane 20:5

Ɔkotole huli ye nye ase neane nu, na onwuni nwera ne kyɛ ogua berɛ, nakoso wanwura nu.

Yohane 20:7

ɔne eduku bɔ bɛfa bɛkyekyele ye ti ne, kyɛ ɔnne nwera ne anwo berɛ, na mmom babobɔ ye ngome bagua nekaa bie.

Yohane 5:21

Na kyɛbɔ Baba ne tingye awufoɛ, ná ɔma bɛ ngoa nen, sɔ ala yeɛ Baa ne koso ɔma bɛ bɔ okuro ɔ ngoa ɔ.

Yohane 5:25

Nahorɛ nu paa, mekã mekyire ɛmɔ kyɛ, mmerɛ ne ɔ́ba, na wawa dada, bɔ awufoɛ bɛkɔte Nyameɛ Awa ne komvi, na bɛ bɔ bɛte ne, bekonya ngoa.

Filipifoɛ 3:21

na tumi bɔ ɔkora maa ɔfa nnningyein amukoraa wura ye bo ne, ɔkɔfa kɔsakyera yɛ awiɛmvoɛ nipadua ne maa ɔkɔyɛ kyɛ ye animnyam nipadua ne.

Nyekyire 1:18

ɔne bɔ ɔte ase ne. Nwuli, na tie, nde ase afebɔɔ, na ndira ewue ne ɛborɔ nzafoaa.

1 Samuel 2:6

AWURADE yeɛ oku, ná osa ma ngoa ɔ; ye yeɛ ɔmaa bɛkɔ ɛborɔ, ná osa maa bedwɔso befi dɔ bɛba ɔ.