Yohane 11:43 - AHYERƐLƐ KRONGRON

⁴³ Na ɔhane sɔ nen, ɔteane nu serɛserɛ kyɛ, “Lasarɔso, fite bra!”

Yohane 11:43 Iomraidhean Croise

Marko 4:41

Ɛserɛ piri hane bɛ, na besisele bɛ nwo kyɛ, “Nzikyɛ sona ɛhe, bɔ mvrama ne ɛpo po betie ye e?”

Yohane 11:42

Me de, mese kyɛ etie me daa; na mmenia bɔ begyigyi wa ye ati yeɛ ɔmaa mahã sɔ ɔ, amaa ɔnate so bale bali kyɛ wɔ yeɛ ɛsomane me ɔ.”

Yohane 11:44

Na bɔ wawu ne fite wale; né ɛtena kyekye ye gya ne ye sa, na eduku kyekye ye nyunu. Na Yesu sele bɛ kyɛ, “Ɛmɔsangye ye, ná ɛmɔma ɔhɔ!”

Yohane 12:1

Ɔhale elesia maa Abɔtra ne dwu nen, Yesu wale Betania, nekaa bɔ Lasarɔso bɔ otingyele ye fili awufoɛ nu ne ɔwɔ ne.

Yohane 12:9

Na Yudafoɛ nemɔ nu pee bɛtele kyɛ Yesu wɔ berɛ nen, bɛwale berɛ. Nna kyɛ Yesu ngome ti ɔ, na mmom kyɛ bekonwu Lasarɔso bɔ otingyele ye fili awufoɛ nu ne koso ti ɔ.

Asomafoɛ 3:12

Na Petro nwuni ye sɔ nen, osele ɛlɔen ne kyɛ, “Ɛmɔ, Yisraelfoɛ, nzu ati yeɛ ɛmɔama ɛhe ayɛ ɛmɔ nwanwa ɔ, anaakyɛ nzu ati yeɛ ɛmɔnea yɛ haa ye, kyɛ ebiaa yɛnate yɛ bɔbɔ yɛ tumi ne yɛ tenenee so yeɛ yɛmaa ɔnatele ɔ?

Asomafoɛ 3:6

Na Petro sele ye kyɛ, “Ɛdwetɛ ne sikaa de, nnne bie, na bɔ nne ye ne yeɛ mefa mema wɔ ɔ. Nasarɛteniɛ Yesu Kristo dumaa nu, dwɔso nate!”

Asomafoɛ 9:34

Na Petro sele ye kyɛ, “Yinea, Yesu Kristo ama wɔ nwo asa; dwɔso na bobɔ wɔ bɛen ne.” Na berɛ ne ala Yinea dwɔsole.

Asomafoɛ 9:40

Na Petro mane bɛ mukoraa befitele, oguale ndwerɛ bɔle mbaeɛ, ɔkakyili ye nye hɔle efuin ne anwo na ɔhane kyɛ, “Tabita, dwɔso!” Ɔtetele ye nye, na onwuni Petro nen, odwɔsole tenane berɛ.