Yohane 11:40 - AHYERƐLƐ KRONGRON

⁴⁰ Yeɛ Yesu sele ye kyɛ, “Manga mangyire wɔ kyɛ, sɛ ede di a ekonwu Nyameɛ animnyam?”

Yohane 11:40 Iomraidhean Croise

2 Aberɛso Dwirɛ 20:20

Koɛhonɛfoɛ nemɔ dwɔsole ngyerɛmɔ tutuutu bɛhɔle Tekoa ɛserɛ ne aso. Bɛkɔ ne, Yehosafate dwɔsole sele kyɛ, “Yuda ne Yerusalemfoɛ, ɛ́mɔtie me! Ɛ́mɔle AWURADE ɛmɔ Nyameɛ ne beli, na okoyie ɛmɔ yé. Ɛ́mɔle ye ngɔmhyɛlɛfoɛ ne beli.”

Edwein 63:2

Amba, manwu wɔ wɔ nekaa krongron berɛ, bɔ menea wɔ tumi ne w’animnyam ɔ.

Edwein 90:16

Ma wɔ somvoɛ mɔ benwu wɔ nnwumaa, w’animnyam ne, ye ye ali kyire bɛ mma mɔ.

Ɛksadɔso 16:7

Na ngyerɛmɔ koso ɛmɔkonwu AWURADE animnyam, ofikyɛ AWURADE anwu kyɛ ɛmɔpenepene bɛ komvi begua ye so. Na yɛ de, yɛ ole nwa bɔ ɛmɔpenepene bɛ komvi begua yɛ so ɔ?”

Mateo 17:20

Na obuale bɛ kyɛ, “Ɛmɔ gyidie te kãa ti ɔ. Nahorɛ nu, mekã mekyire ɛmɔ kyɛ, sɛ ɛmɔle gyidie bɔ ye piri te kyɛ sinapi baa ko a, ahaa ɛmɔkɔhã bekohyire bokaa he kyɛ, ‘Tutu fi wa kɔ dɔ,’ na ye bo kotutu; na ahaa nikyee biala ngɔyɛ se ngɔma ɛmɔ.” [

Marko 9:23

Yeɛ Yesu sele ye kyɛ, “Ɛnwa: ‘Sɛ ɛkɔhora a!’ Nikyee biala kɔhora kɔyɛ berɛ kɔma sona bɔ ode di ɔ.”

Yohane 1:14

Na Edwirɛ ne ɔɔyɛle anwoɔnaen, na ɔne yɛ ɛɛtenane, na yɛnwuni ye animnyam kyɛ Baba n’Awa bɔ ɔwole ye komapɛ twe n’animnyam, na adom ne nahorɛ ayi ye tɛkyɛ.

Yohane 11:4

Na Yesu tele ɛhe nen, ɔhane kyɛ, “Sɔ anwonyerɛ he, nna ewue anwonyerɛ ɔ; na mmom Nyameɛ animnyam ti ɔ, amaa ɔnate ɛhe aso bahyɛ Nyameɛ Awa ne animnyam.”

Yohane 12:41

Yesaya hane sɔ, ofikyɛ onwuni ye animnyam, na ɔhane ye nwo dwirɛ.

Yohane 9:3

Na Yesu buale kyɛ, “Nna biaa he, anaa ye awofoɛ yeɛ bɛyɔle bɔne ɔ; na mmom kyɛ Nyameɛ nnwumaa kɔla ali wɔ ye nu ti ɔ.

Romanfoɛ 6:4

Yiti basie yɛ ne ye wɔ asubɔlɛ nu bahɔ ye wue nu. Ofikyɛ kyɛbɔ Baba n’animnyam tumi ne tingyele Kristo fili awufoɛ nu ne, sɔ ala yeɛ ɔsɛ kyɛ yɛnate ngoa foforɛ nu ɔ.

2 Korintofoɛ 3:18

Baye yɛ mukoraa yɛ nyunu ngatanyunu ne, yiti yɛnwu Awurade animnyam ne kyɛ yɛnea neanu nu ɔ, na Awurade Sunzum ne gu so ɔsesã yɛ maa yɛnya ye sue ne bie yɛfi animnyam nu yahɔ animnyam nu.

2 Korintofoɛ 4:6

Ofikyɛ Nyameɛ bɔ ɔmane kanea fili awosii nu tale ne, wata hyireinn wɔ y’ahone nu, kyɛ Nyameɛ animnyam nwo nimdeɛ kanea bɔ ɔwɔ Yesu Kristo nyunu ne.