Yohane 11:38 - AHYERƐLƐ KRONGRON

³⁸ Yeɛ Yesu guale anwongokoɔ wɔ ye nu bieku, na ɔwale asieleɛ ne aso. Né ɔte nyɔboɛ sua, bɔ bafa nyɔboɛ bawaka ye noa ɔ.

Yohane 11:38 Iomraidhean Croise

Gyenesise 23:19

Na ɛhe asi ne, Abraham siele ɔye Sara wɔ nyɔboɛ bɔ wasi sua nu, wɔ Makepɛla, wɔ Mamre ndendeneɛ so (mekyire Hebron), wɔ Kanaan aseɛ so.

Yesaya 22:16

Wɔ, nzikyɛ yeɛ ele ye yɔ wɔ wa ɔ? Nwa yeɛ wama wɔ sɔ tumi ne ɔ, bɔ yiti apɛ asieleɛ ato berɛ ama wɔ nwo wɔ ɛwa ɔ? Wɔ bɔ apɛ w’asieleɛ ato bokaa so, ná asa apɛ wɔ daberɛ ato nyɔbotaen nu ɔ?

Hesekiel 21:6

“Na wɔ, Sona awa, fa aworabɔlɛ ne yealɛlilɛ gua anwongokoɔ bɔ bɛ nye tua ɔ.

Hesekiel 9:4

Na AWURADE sele ye kyɛ, “Kohyini Yerusalem kuro ne anu, na mmenia bɔ ɔnate akyiwadeɛ bra mukoraa bɔ ɔkɔ so wɔ kuro ne anu ti bedi aworabɔlɛ ne yealɛ ne, hyɛ bɛ nzorɛ wɔ bɛ nwoma so.”

Mateo 27:60

na ɔfale ye tole ye bɔbɔ (Yosef) asieleɛ kumaa foforɛ bɔ wapɛ ye nyɔbotaen nu wato berɛ ɔ nu. Omununi nyɔboɛ pirikua bie katale asieleɛ ne noa, na ofili berɛ hɔle.

Mateo 27:66

Yiti bɛhɔle bɛɛfale nikyee bɛtale nyɔboɛ ne noa, na bɛmane wɛmvoɛ mɔ wɛnene asieleɛ ne.

Marko 15:46

Na Yosef tɔle nwera, ɔyele efuin ne wale ase, ɔfale nwera ne kyekyele ye nwo, na ɔɔfale ye tole asieleɛ bɔ bapɛ ye wɔ nyɔbotaen bie anu ɔ nu; na omununi nyɔboɛ katale asieleɛ ne noa.

Marko 8:12

Yeɛ oguale anwongokoɔ wɔ ye sunzum nu, na osele kyɛ, “Nzu ati yeɛ ɛnɛmmafoɛ bɛpena sɛngyerɛnneɛ ye? Nahorɛ nu, mekã mekyire ɛmɔ kyɛ, bɛngɔma ɛnɛmmafoɛ nzɛngyerɛnneɛ biala.”

Luka 24:2

Na benwuni kyɛ nyɔboɛ ne amunu afi asieleɛ ne noa,

Yohane 11:33

Na Yesu nwuni kyɛ osũ, ná Yudafoɛ bɔ bɛ ne ye wale ne koso besu nen; oguale anwongokoɔ sunzum nu, na ye wora bɔle.

Yohane 20:1

Na dapɛn ne anu kyẽa bɔ oli moa ne, ngyerɛmɔ tutuutu bɔ né awosii tɛwɔ nu ne, Maria Magdalene wale asieleɛ ne aso, na onwuni kyɛ baye nyɔboɛ ne bafi asieleɛ ne noa.