Yohane 11:25 - AHYERƐLƐ KRONGRON

²⁵ Na Yesu sele ye kyɛ, “Me ole ewutingyelɛ ne ɔne ngoa ne; ebiala bɔ ode me di ne, sɛ owu po a, okonya ngoa.

Yohane 11:25 Iomraidhean Croise

Edwein 36:9

Ofikyɛ wɔ yeɛ ɛte ngoa asue ti ɔ, na wɔ kanea ne anu yeɛ yɛnwu kanea ɔ.

Yesaya 26:19

W’awufoɛ mɔ bekonya ngoa, bɛ fuin nemɔ bekotingye. O ɛmɔ bɔ ɛmɔla nnɛterɛ nu ɔ, ɛ́mɔdwɔso bɛ́to dwein beli ahurusi! O AWURADE, wɔ bosue ne, ɔte kanea bosue, na aseɛ kɔye bɛ bɔ bawuwu ɔ kɔwa.

Yesaya 38:16

O AWURADE, sɔ atee ne yeɛ mmenia bɛnate so bɛtena ase ɔ, na ɛhemɔ amukoraa nu yeɛ me kra ye ngoa wɔ ɔ, nzaade, ma me nwo ɔsande me, ná maa nza nya ngoa.

Luka 23:43

Na obuale ye kyɛ, “Nahorɛ nu, mekã mekyire wɔ kyɛ, ɛnɛ kyẽa ye, ɛkɔboka me so wɔ Paradise.”

Yohane 1:4

Ye nu yeɛ ngoa wɔ ɔ; na ngoa ne te mmenia kanea.

Yohane 14:19

Waha kãa bie né wiase nnwu me ko, nakoso ɛmɔ de, ɛmɔkonwu me; ɔnate kyɛ nde ase, na ɛmɔ koso ɛmɔkɔtena ase.

Yohane 14:6

Na Yesu buale ye kyɛ; “Me ole atee ne, nahorɛ ne, ɔne ngoa ne; ebiala mma Baba ne berɛ, sana ɔnate me so.

Yohane 3:16

Na kyɛbɔ Nyameɛ si hurole wiase dwirɛ nen, yiti yeɛ ɔmaa ɔfale Ɔwa komapɛ [bɔ ɔwole ye] ne mane ɔ, amaa ɔnate so ebiala bɔ okole ye koli ne wammini, na mmom wanya daa ngoa.

Yohane 3:36

Na ebiala bɔ ode Baa ne di ne, ole daa ngoa; yeɛ bɔ ɔnyɛ sotie mma Baa nen, ongonya ngoa, na Nyameɛ ahonehulɛ ba ye so.

Yohane 5:21

Na kyɛbɔ Baba ne tingye awufoɛ, ná ɔma bɛ ngoa nen, sɔ ala yeɛ Baa ne koso ɔma bɛ bɔ okuro ɔ ngoa ɔ.

Yohane 5:26

Na kyɛbɔ Baba ne ole ngoa wɔ ye bɔbɔ ye nu nen, sɔ ala yeɛ wafa wama Baa ne kyɛ ye koso onya ngoa wɔ ye bɔbɔ ye nu ɔ;

Yohane 6:35

Na Yesu sele bɛ kyɛ, “Me ole ngoa paanoo ne; ebiala bɔ ɔba me berɛ nen, ɛhɔen ngohũ ye le; yeɛ ebiala bɔ ode me di ne, nzuhɔen ngohũ ye le.

Yohane 6:44

Na ebiala ngora mma me berɛ, sana Baba ne bɔ ɔsomane me ne ɔtwetwe ye ba; na ngotingye ye wɔ ayieleɛ kyẽa ne.

Asomafoɛ 3:15

Na ngoa Hene ne de, ɛmɔhuni ye; na ye yeɛ Nyameɛ tingyele ye fili awufoɛ nu ɔ, na yɛ yeɛ yɛte ye nwo adanzefoɛ ɔ.

Romanfoɛ 4:17

kyɛbɔ bahyerɛ kyɛ, “Mafa wɔ mayɛ amaenmaen pee bɛ nana.” Yiti Nyameɛ bɔ Abraham lele ye lili ne, ye bɔ otingye awufoɛ fi ewue nu, ná ɔfa ye noa dwirɛ ma nikyee bɔ ɔnne berɛ kora yɛ berɛ ne, ye nyunu de, Abraham te yɛ nana.

Romanfoɛ 8:2

Ofikyɛ Kristo Yesu nu ngoa Sunzum mmeraa ne, wapepɛ wale me wafi bɔne ne ewue mmeraa ne anu.

1 Korintofoɛ 15:18

Né nzaade Kristo nu agyidifoɛ koso bɔ balela ne bamini.

1 Korintofoɛ 15:29

Nzaade bɛ bɔ begyina awufoɛ gya nu maa bɛbɔ bɛ asu bɛma bɛ ne, nzikyɛ yeɛ bɛpena bekyire ɔ? Na sɛ awufoɛ ndingye de a, nzu ati yeɛ mmenia gyina awufoɛ gya nu maa bɛbɔ bɛ asu ɔ?

2 Korintofoɛ 4:14

Ofikyɛ yɛse kyɛ, bɔ otingyele Awurade Yesu fili ewue nu ne kotingye yɛ kɔboka Yesu so, ná wafa ɛmɔ ne yɛ wahɔ ye nyunu.

Filipifoɛ 1:23

Ɛhe amaa mayɛ anianiani. Ahaa mekuro kyɛ ngofi wa me ne Kristo yɛkɔɔtena, ofikyɛ ɛhene mmom yeɛ ɔte paa koraa ɔ,

Filipifoɛ 3:10

Me botaeɛ ole kyɛ ngonwu ye ne ye wutingyelɛ tumi ne, kyɛ ngonwu ye amaneɛ ne bie, kyɛ ɔkɔmaa ngɔyɛ kyɛ ye wɔ ewue nu,

1 Tɛsalonikafoɛ 4:14

Na sɛ yɛde yɛdi kyɛ Yesu wuli ná osa tingyele de a, nzaade Nyameɛ kɔfa bɛ bɔ balela nemɔ kɔfa Yesu so kɔboka ye so kɔwa.

Nyekyire 1:18

ɔne bɔ ɔte ase ne. Nwuli, na tie, nde ase afebɔɔ, na ndira ewue ne ɛborɔ nzafoaa.

Nyekyire 20:5

Nakoso awufoɛ ngaa nemɔ de, bannya ngoa ko maa oodwuli kyɛ afoɛ apee ko ne sone ɔ. Ɛhe ole ewutingyelɛ bɔ oli moa ne.

Nyekyire 21:4

Okokyikyi bɛ nye abo moen amukoraa. Na ewue nne berɛ ko, aworabɔlɛ ne esuɛ ne yealɛ biala nne berɛ ko, ofikyɛ nningyein daa nemɔ bapɛ nu bahɔ.

Nyekyire 22:1

Afei ohyirele me ngoa nzue asue bɔ ye nye te kaenn kyɛ neanu, bɔ ɔtengyɛ fi Nyameɛ ne Boaen Ba n’ahennie bia ne anu

Nyekyire 22:17

Na Sunzum ne ne atɔmvorɛ braa ne nwa, “Bra!” Ma ebiala bɔ ɔte ne ɔhã kyɛ, “Bra!” Ma ebiala bɔ nzuhɔen ku ye ne ɔbra. Ma ebiala bɔ okuro ne oole ngoa nzue ne mbaen.