Yohane 11:2 - AHYERƐLƐ KRONGRON

² Maria he yeɛ ɔfale sakyeɛfona popale Awurade, ná ɔfale ye ti nwiaa nununi ye gya bo ne, na oliɛma Lasarɔso yeɛ né anwonyerɛ abɔ ye ne.

Yohane 11:2 Iomraidhean Croise

Marko 14:3

Na mmerɛ bɔ né Yesu wɔ Betania, wɔ Simɔn kwataniɛ n’awuro berɛ, bɔ ɔtenane ase kyɛ odidi nen, braa bie bɔ otira towaa nyɔboɛ serɛ, bɔ sakyeɛfona nyɔboɛ serɛ wɔ nu ɔ wale berɛ. Ɔbɔle towaa ne, na otutuli sakyeɛfona ne guale Yesu ti so.

Luka 7:13

Na Awurade nwuni braa ne nen, ɔyɛle ye anwumvo, na osele ye kyɛ, “Nnɛsũ!”

Luka 7:19

Na Yohane frɛle ye asuafoɛ nemɔ anu nyɔ somane bɛ wɔ Awurade berɛ, kyɛ beebisa ye kyɛ, “Aso wɔ ole bɔ ɔ́ba ne, anaa odi kyɛ yɛnea foforɛ ate?”

Yohane 11:21

Yeɛ Maata sele Yesu kyɛ, “Awurade, sɛ né ɛwɔ wa a, ahaa nniɛma bienzua ne anwu.

Yohane 11:3

Yiti oliɛma mmrasua nemɔ bɛsomane maa bɛwale Yesu berɛ beesele ye kyɛ, “Yieee, Awurade, bɔ ekuro ye dwirɛ ne, anwonyerɛ abɔ.”

Yohane 11:32

Yeɛ Maria dwuli nekaa bɔ né Yesu wɔ ne, na onwuni ye nen, ɔkotole ye gya bo berɛ sele ye kyɛ, “Awurade, sɛ né ɛwɔ wa a, ahaa nniɛma bienzua ne anwu.”

Yohane 12:3

Yeɛ Maria fale sakyeɛfona paa towaa ko, bɔ ye nyɔboɛ yɛ se paa ɔ, na ɔfa popale Yesu gya bo, na ɔfale ye ti nwiaa nununi ye gya bo; na sakyeɛ ne fona lele awuro berɛ amukoraa.

Yohane 13:13

Ɛmɔfrɛ me Kyerɛkyerɛniɛ ne Awurade, na bɔ ɛmɔkã ne ɔte nahorɛ, ofikyɛ nde sɔ.

Yohane 13:14

Na me bɔ nde ɛmɔ Awurade ne Kyerɛkyerɛniɛ ne, sɛ manwunzi ɛmɔ gya bo a, ye de ɔsɛ kyɛ ɛmɔnwunzinwunzi ɛmɔ nwo ɛmɔ nwo gya bo.