Yohane 11:19 - AHYERƐLƐ KRONGRON

¹⁹ na né Yudafoɛ pee bawa berɛ kyɛ bɛbaayɛ Maata ne Maria yaakɔ, ɔnate b’eliɛma ne ati.

Yohane 11:19 Iomraidhean Croise

Gyenesise 37:35

Na ye mma mmienzua mukoraa ne ye mma mmrasua mukoraa bɔle mmɔden kyɛ bɛkɔkyekye ye wora, nakoso wambene. Yakob sele kyɛ, “Méfa aworabɔlɛ mépo mma ne wɔ ɛborɔ.” Na ye baba suni ye paa.

2 Samuel 10:2

Na Dawide sele kyɛ, “Hanun baba Nahase wayɔ me paa, yiti me koso ngɔyɔ Hanun paa ne bie.” Yiti Dawide tuli ɛbɔfoɛ mɔ kyɛ bɛɛyɛ ye yaakɔ, ɔnate ɔse wue ne ati. Nakoso Dawide bɔfoɛ nemɔ beedwuli Amonfoɛ aseɛ so ne,

1 Aberɛso Dwirɛ 10:12

bɛ koɛhonɛfoɛ ahoneserɛfoɛ nemɔ besili nu bɛɛfale Sɔɔlo ne ye mma nemɔ bɛ fuin bɛhɔle Yabese. Besiele bɛ mmowue wɔ eluii bie abo wɔ Yabese, na bebua bɛlale ɛlɛsoo.

YOB NWOMAA NE 2:11

Né Yob le ye mmango nza biemɔ. Bɛ ole Temanniɛ Elifase, Suhiniɛ Bildade, yeɛ Naamaniɛ Sofa. Bɛtele amaneɛ amukoraa bɔ wato ye nen, bɛ nu biala fili ye kuro wale, na beeyiale bɛfale adwene kyɛ bɛkɔ Yob berɛ bɛkɔyɛ ye yaakɔ ná bɛkyekye ye wora.

YOB NWOMAA NE 42:11

Afei Yob aliɛma mmienzua mukoraa ne oliɛma mmrasua mukoraa ne ebiala bɔ né ɔse Yob daa ne, bɛwale ye berɛ, na bɛ ne ye didili wɔ ye awuro. Bɛdodole ye, na bɛkyekyele ye wora wɔ amaneɛ amukoraa bɔ AWURADE maa ɔtole ye ne anwo. Bɛ nu biala mane ye sikaa ne sikaa kɔkorɛ kaa ko.

Nworɛ Dwirɛhanɛniɛ 7:2

Ɔte paa kyɛ ɛkɔhɔ awuro bɔ bɛyɛ sɛen wɔ nu tra kyɛ ɛkɔhɔ awuro bɔ bato poen bedidi wɔ nu ɔ nu; ofikyɛ sona biala ye ayieleɛ ɛne, na ateasefoɛ fa sɔ dwirɛ ne sie bɛ ti anu.

Yesaya 51:19

Sɔ dwirɛ nyɔ hemɔ yeɛ bato wɔ ɔ: nwa yeɛ ɔkɔyɛ wɔ yaakɔ ɔ? Apaabɔlɛ ne amaneɛ, yeɛ ɛhɔen piri ne ngrandɛ, nwa yeɛ mva ye so ngyekye wɔ wora ɔ?

Awuye 1:16

“Sɔ nningyein nemɔ ati yeɛ mesu ye; me nye moen poro nzue, ofikyɛ aworakyekyerɛniɛ bɔ odi kyɛ ɔkyekye me kra wora ne, ɔwɔ dedeede.” Waha me mma mɔ angome oo, ofikyɛ pɔfoɛ ne ali ngonim.

Awuye 1:2

Osũ hahii kɔngɔen, ɛmoen songyi ye nye abo, na bɛ bɔ bekuro ye ne amukoraa, onnya bɛ nu ko po mma ɔngyekye ye wora; ye mmango amukoraa bali ye ngasi, na bakakyi ye pɔfoɛ mɔ.

Awuye 1:21

“Bate kyɛ medi yealɛ, na ebiala nne berɛ bɔ ɔkyekye me wora ɔ. Me pɔfoɛ mɔ amukoraa bate m’amaneɛnwunɛ ne, na bɛ nye agye kyɛ ayɔ sɔ ɔ. Kyẽa bɔ ahyehyɛ ato berɛ ne, ɛkɔmaa ɔkɔwa nu, na bɛkɔyɛ kyɛ me ala.

Awuye 1:9

Ye nwo bɔ wagua fiɛ ne, wayɛ ye ataadeɛ ne anu; wangaye ye ayieleɛ, yiti wafi ase buramm, na olle aworakyekyerɛniɛ biala. “Ao AWURADE, nea m’amaneɛnwunɛ, ofikyɛ pɔfoɛ ne, wali ngonim.”

Awuye 2:13

Ao Yerusalem awa brasua, nzikyɛ yeɛ nga mva nni wɔ nwo adanzeɛ ɔ? Nzikyɛ yeɛ mva ndoto wɔ nwo ɔ? Ao Sion awa brasua ababunu, nzikyɛ yeɛ mma ɛne ye bɛsɛ ɔ, amaa ɔnate so makyekye wɔ wora ɔ? Ofikyɛ w’asefinɛ ne te piri kyɛ ɛpo, na nwa yeɛ ɔkɔhora kɔsa wɔ anwonyerɛ ɔ?

Luka 10:39

Né Maata le aliɛma brasua bie bɔ bɛfrɛ ye Maria ɔ, na ɔɔtenane Yesu gya bo berɛ otiele ye ngyerɛkyerɛ.

Luka 10:42

nikyee komapɛ yeɛ ohia ɔ: Na Maria de, bɔ ɔte paa ne yeɛ waneanea nu waye ɔ, na ɛhe de, bengole bengofi ye sa nu.”

Yohane 1:19

Na adanzeɛ he yeɛ Yohane lili ɔ, mmerɛ bɔ Yudafoɛ bɛsomane asɔfo mɔ ne Lewifoɛ befili Yerusalem maa beebisale ye kyɛ, “Nwa ole wɔ?”

Yohane 11:1

Né anwonyerɛ abɔ biaa bie bɔ ye dumaa li Lasarɔso bɔ ofi Betania, bɔ ɔte Maria ne oliɛma Maata bɛ kuro ne.

Yohane 11:31

Yeɛ Yudafoɛ bɔ né bɛ ne Maria bɛwɔ awuro berɛ bɛyɛ ye yaakɔ ne, benwuni kyɛ wadwɔso ndɛndɛ wafite nen, belili ye si bɛhane kyɛ: Ɔ́kɔ asieleɛ ne aso dɔ okosũ.

Yohane 11:33

Na Yesu nwuni kyɛ osũ, ná Yudafoɛ bɔ bɛ ne ye wale ne koso besu nen; oguale anwongokoɔ sunzum nu, na ye wora bɔle.

Yohane 11:36

Yiti Yudafoɛ nemɔ hane kyɛ, “Nea kyɛbɔ osi kuro ye dwirɛ ɔ!”

Yohane 11:45

Na Yudafoɛ nemɔ anu pee bɔ bɛwale Maria berɛ, ná benwuni bɔ Yesu yɔle nen, belele ye belili.

Yohane 11:8

Na asuafoɛ nemɔ sele ye kyɛ, “Rabi, anomasi wa ala yeɛ Yudafoɛ bɛyɛle kyɛ bɛkɔboro wɔ nyɔboɛ ɔ, na esa kɔ dɔ bieku anaa?”

Romanfoɛ 12:15

Ɛmɔ ne bɛ bɔ bɛ nye aha ne nye ha, na ɛmɔ ne bɛ bɔ besu ne besu.

2 Korintofoɛ 1:4

bɔ ɔkyekye yɛ wora wɔ y’amaneɛnwunɛ mukoraa nu, amaa yɛ koso yahora yafa aworakyekyerɛ bɔ Nyameɛ fa kyekye yɛ wora ne yakyekye bɛ bɔ benwu amaneɛ ahoroɔ ɔ bɛ wora.

1 Tɛsalonikafoɛ 4:18

Yiti ɛ́mɔfa edwirɛ hemɔ bɛ́kyekye ɛmɔ wora.

1 Tɛsalonikafoɛ 5:11

Yiti ɛ́mɔtutu ɛmɔ nwo foɛ, ná ɛ́mɔbokaboka ɛmɔ nwo, kyɛbɔ ɛmɔyɔ ne ala.

1 Samuel 31:13

Afei bɛsesale bɛ mmowue nemɔ besiele bɛ wɔ akyea ne abo wɔ Yabese, na bebua bɛlale ɛlɛsoo.