Yohane 11:15 - AHYERƐLƐ KRONGRON

¹⁵ na ɛmɔ ti ɔyɛ me fɛ kyɛ né nne dɔ ɔ, amaa ɔnate so ɛmɔale bali. Nakoso ɛmɔma yɛhɔ ye dɔ!”

Yohane 11:15 Iomraidhean Croise

Gyenesise 26:24

Na AWURADE yele ye nwo ali hyirele Yisake sɔ kɔngɔen ne ala, na osele ye kyɛ, “Me ole wɔ baba Abraham ye Nyameɛ. Nnɛsuro, ofikyɛ ngyi wɔ si. Ɔnate m’akoaa Abraham ti ngoyira wɔ na mamaa wɔ bosofoɛ asone.”

Gyenesise 39:5

Ofi mmerɛ bɔ ɔfale ye tuale ye awuro noa, na ɔfale bɔ ole ye amu wurale ye sa ne, Yosef ti, AWURADE yirale Misraimniɛ n’awuro ama, na AWURADE saleɛ wale bɔ ole ye amukoraa so, wɔ awuro ne fieso.

Edwein 105:14

wamma ebiala wandane bɛ nye; na ɔnate bɛ ti ɔhwene ahemvo mɔ so.

Yesaya 54:15

Sɛ ebie fa koɛ batoa wɔ a, ye de, nna me yeɛ mayɔ sɔ ɔ; yeɛ sɛ ebie fa ngondii batoa wɔ a, ɔnate wɔ ti okoli ngoguo.

Yesaya 65:8

AWURADE nwa nyoo: “Kyɛbɔ nzaa wɔ bobe betire biribiraa nu, maa mmenia bɛkã kyɛ, ‘Nnɛsɛkye ye, ofikyɛ saleɛ wɔ nu’ ne, sɔ ala yeɛ me somvoɛ mɔ ti ngɔyɔ ɔ, na mengohũhũ bɛ mukoraa.

Yohane 11:14

Afei Yesu sele bɛ pefee kyɛ, “Lasarɔso awu;

Yohane 11:16

Yeɛ Tɔmase bɔ bɛfrɛ ye Ata ne, osele ye mmango asuafoɛ nemɔ kyɛ, “Ɛmɔma yɛ koso yɛhɔ bie, ná yɛne ye yɛɛwu!”

Yohane 11:4

Na Yesu tele ɛhe nen, ɔhane kyɛ, “Sɔ anwonyerɛ he, nna ewue anwonyerɛ ɔ; na mmom Nyameɛ animnyam ti ɔ, amaa ɔnate ɛhe aso bahyɛ Nyameɛ Awa ne animnyam.”

Yohane 12:30

Na Yesu buale kyɛ, “Nna me ti yeɛ komviɛ he wale ɔ, na mmom ɛmɔ ti ɔ.

Yohane 17:19

Meyɛ me nwo krongron mema bɛ, amaa ɔnate so bɛ koso bayɛ krongron wɔ nahorɛ ne anu.

Yohane 2:11

Yesu nzɛngyerɛnneɛ nemɔ anu bɔ oli moa hɔ ɛne, na ɔyɔle ye wɔ Kana bɔ ɔwɔ Galilea; na ɔyele ye animnyam hyirele, na ye asuafoɛ nemɔ lele ye lili.

2 Korintofoɛ 4:15

Ɛmɔ ti yeɛ sɔ nikyee ne wɔ berɛ ɔ, amaa mmeni pee bɔ Nyameɛ adom ɔtrɛ kɔ bɛ berɛ ne, bafa asennaa mmorosoɛ bahyɛ Nyameɛ animnyam.

2 Timoteo 2:10

Yiti ɔnate mmenia bɔ baneanea nu baye bɛ ne ati, memia me nye menwu amaneɛ mukoraa, amaa ɔnate so bɛ koso banya ngoalelɛ bɔ ɔwɔ Kristo Yesu nu ne ɔne animnyam afebɔɔ ne.

1 Yohane 5:13

Mekyerɛ ɛhemɔ mebrɛ ɛmɔ bɔ ɛmɔde Nyameɛ Awa ne dumaa bedi ne, amaa ɛmɔanwu kyɛ ɛmɔle daa ngoa, na ɛmɔahɔ so bale Nyameɛ Awa ne dumaa bali.