Yohane 10:8 - AHYERƐLƐ KRONGRON

⁸ Bɛ bɔ belili me nyunu moa bɛwale ne amukoraa bɛte awuefoɛ ne awerɔm awuefoɛ, na mmoaen nemɔ bandie bɛ.

Yohane 10:8 Iomraidhean Croise

Yeremia 23:1

“Mmoaenneafoɛ bɔ bekũkũ me mmoaen kure ná bɛbɔ bɛ bɛsande ɔ, bɛ yaakɔ!” AWURADE noa dwirɛ ɛne.

Hesekiel 34:2

Sona awa, hyɛ ngɔm tia Yisrael mmoaenneafoɛ nemɔ. Hyɛ ngɔm ná se mmoaenneafoɛ nemɔ kyɛ, ‘AWURADE Nyameɛ nwa nyoo: Ɛmɔ yaakɔ! Yisraelfoɛ mmoaenneafoɛ bɔ ɛmɔ bɔbɔ ɛmɔ nwo yeɛ ɛmɔnea so ɔ! Aso nna mmoaen nemɔ so yeɛ odi kyɛ mmoaenneafoɛ bɛnea ɔ?

Sefania 3:3

Nu mbanyi mɔ bɛte gyata mɔ bɔ bɛbobɔ nu ɔ; ye maenbulɛfoɛ bɛte nɔsoa mbataku bɔ bɛnyakyi bowue po mma aleɛ ngye so ɔ.

Sakaria 11:16

Tie, mebaama mmoaenneafoɛ bie odwɔso wɔ aseɛ ne aso, bɔ ɔngɔdwene bɛ bɔ bamini ne anwo, bɔ ɔngɔpena akrɔngrɔma nemɔ si atee, bɔ ɔngɔyɛ bɛ bɔ bapura nemɔ ayire, bɔ ɔngɔma bɛ bɔ bɛte apɔ ne aleɛ ɔ; na mmom okohu bɛ bɔ balɔ ne koli, ná watete bɛ gya boen nu pasapasa.

Yohane 10:1

Nahorɛ nu paa, mekã mekyire ɛmɔ kyɛ, ebiala bɔ ɔmva anoa ne anu ngɔ mmoaennduin ne anu, ná mmom ɔfo fa nekaa bie ɔkɔ nu nen, ɔte awueniɛ ne awerɔm awueniɛ;

Yohane 10:27

Me mmoaen nemɔ bɛte me komvi, mese bɛ, na bedi me si.

Yohane 10:5

Na ɛwɔfoɛ de, bengoli ye si, na mmom bɛkɔnwati bekofi ye nwo; ɔnate kyɛ bɛnze ɛwɔfoɛ mɔ komvi.

Asomafoɛ 5:36

Ɛmɔkaye mmerɛ bie bɔ wapɛ nu ɔ kyɛ Teoda mane ye nwo so, na ɔyɛle ye nwo kyɛ sona titire bie, na mmenia kɔyɛ ɛyaa nna fale bɛ nwo bɔle ye lili ye si; nakoso behuni ye, na ye asuafoɛ ne amu bɔle aya, na bɔ ɔyɔle ne angɔanzi pasiliwa biala.