Yohane 10:6 - AHYERƐLƐ KRONGRON

⁶ Yesu buli bɛ anyandera he, nakoso bande edwirɛ bɔ ɔhã hyirele bɛ ne abo.”

Yohane 10:6 Iomraidhean Croise

Edwein 106:7

Yɛ nana mɔ, mmerɛ bɔ né bɛwɔ Misraim ne, bande w’anwanwadeɛ nemɔ abo, yeɛ bangaye wɔ ɔdɔ kandinga bɔ onni ngasi ne, na mmom bɛyɛle Anwuro Anwuro Nyameɛ ne aso lɔen wɔ Ɛpo Kɔkorɛ ne anwo.

Edwein 82:5

Belle nimdeɛ, yeɛ belle ndeaseɛ, bɛnate awosii nu; aseɛ fapem amukoraati ɔwoso.

Anyandera 28:5

Bɔnefoɛ nde pɛpɛɛpɛyɛlɛ bo, nakoso bɛ bɔ bɛpena AWURADE si atee ne de, bɛte ye mukoraa bo.

Yesaya 56:11

Amba, bɛte ngyea adifuu, na bɛnze ahoyire. Bɛte mmoaenneafoɛ bɔ nimdeɛ abɔ bɛ ɔ, bɛ mukoraa bali makyebu baafa bɛ bɔbɔ b’atee so, na bɛ nu biala ɔdwene ye ngome ye yeeyɛlɛ nwo.

Daniel 12:10

Bɛkɔte mmeni pee nwo bɛkɔyɛ bɛ nwo fitaa kɔma bɛ nwo kɔyɛ sannwuu; nakoso bɔnefoɛ de, bɔ ɔtte mayee yeɛ bɛkɔyɔ ɔ, na bɔnefoɛ nemɔ anu biala ngɔte ye bo; nakoso badwemmafoɛ de, bɛkɔte ye bo.

Mateo 13:34

Yesu fale anyandera nu hane ɛhemɔ amukoraa hyirele ɛlɔen ne; na wangwati anyandera wanga edwirɛ biala wangyire bɛ.

Mateo 13:51

Yesu bisale bɛ kyɛ, “Ɛmɔate ɛhemɔ amukoraa bo anaa?” Na bebuale ye kyɛ, “Yoo, AWURADE.”

Marko 4:34

Anyandera ngome nu yeɛ odwudwo hyirele bɛ ɔ, nakoso sɛ né ɔka ye ne ye asuafoɛ nemɔ ngome de a, okyirekyire bɛ ye mukoraa bo.

Yohane 16:25

“Mahã ɛhemɔ mahyire ɛmɔ wɔ anyandera nu; na mmerɛ bie ɔ́ba bɔ mengodwudwo ngohyire ɛmɔ wɔ anyandera nu ko ɔ, na mmom ngɔhã Baba ne nwo dwirɛ ngohyire ɛmɔ pefee.

Yohane 16:29

Yeɛ ye asuafoɛ nemɔ sele ye kyɛ, “Ehee, afei de, edwudwo pefee, na endwudwo anyandera nu.

Yohane 6:52

Na ɛhe mane Yudafoɛ nemɔ bɛpɛle bɛ nwo besuli bɛ nwo aporowaa kyɛ, “Ɔkɔyɛ sɛɛ né biaa he wahora wafa ye nwonaen wamaa yali?”

Yohane 6:60

Na ye asuafoɛ nemɔ anu pee bɛtele sɔ dwirɛ nen, bɛhane kyɛ, “Ngyerɛkyerɛ he de, ɔyɛ se; nwa yeɛ ɔkɔhora kotie ɔ?”

Yohane 7:36

Sɛɛ yeɛ ɔpena kyɛ okyire ɔ? Ɔnwa, ‘Ɛmɔkɔpena me, na ɛmɔngonwu me; na nekaa bɔ nwɔ ne, ɛmɔngɔhora ngɔwa berɛ bie.’ ”

Yohane 8:27

Bande ye bo kyɛ Baba ne nwo dwirɛ yeɛ né ɔkã kyire bɛ ɔ.

Yohane 8:43

Nzu ati yeɛ ɛmɔnde me dwirɛ bo ɔ? Ɔnate kyɛ ɛmɔngora bendie me dwirɛ.

1 Korintofoɛ 2:14

Ebiala bɔ Nyameɛ Sunzum nne ye nu ne, onnya akyɛdeɛ bɔ befi Sunzum ne berɛ ne, ofikyɛ akyɛdeɛ ne te sɔ sona ne nye so ngwaseasɛm; yeɛ ɔngora nde bɛ bo koso, ofikyɛ Sunzum ne yeɛ ɔboka sona maa ɔte akyɛdeɛ ne bo ɔ.

2 Petro 2:22

Bɔ wato bɛ ne, ɔte kyɛbɔ nohorɛ anyandera ne kã ne, kyɛ: “Kyea fe a, osa kodi,” yeɛ “Ebia prako a, osa kɔbo ye asaa bɔ ɔla nu ne.”

1 Yohane 5:20

Yɛsa yɛse kyɛ Nyameɛ Awa ne awa, na wabukye y’adwene nu maa yanwu nahorɛniɛ ne. Yɛne Ɔwa Yesu Kristo bɔ ɔte nahorɛniɛ ne atira abiɛngoɛ, na ye yeɛ ɔte nahorɛ Nyameɛ ne ɔne daa ngoa ne ɔ.