Yohane 10:4 - AHYERƐLƐ KRONGRON

⁴ Na sɛ ɔma ye bɔbɔ ye mmoaen nemɔ befite a, odi bɛ nyunu, na mmoaen nemɔ di ye si, ofikyɛ bɛse ye komvi ngome.

Yohane 10:4 Iomraidhean Croise

Edwein Nu Dwein 2:8

Me kurofoɛ ne, ye komvi ɛhe! Nea, ye yeɛ ɔba ye, ohuruhuru wɔ mmokaa nemɔ aso, ɔbɔ apendengwa wɔ pambaa nemɔ so.

Edwein Nu Dwein 5:2

Nnale, nakoso m’ahone nu de, né nnnale. Ndele kyɛ me kurofoɛ ne ɔbɔ kɔkɔɔkɔ kyɛ, “Bukye me, nniɛma brasua, me kurofoɛ, m’abubure, me kurofoɛ bɔ odi mu ɔ, ofikyɛ ebosue aloaloa me ti so, ɛborɔ bɔ ogua kɔngɔen ne, waloa me ti nwiaa mbɛsɛmbɛsɛ ne.”

Mateo 16:24

Na Yesu sele ye asuafoɛ nemɔ kyɛ, “Sɛ ebie kuro kyɛ odi me si a, maa ɔpa ye nwo si, ná ɔfa ye mmeamudua, ná oli me si.

Yohane 10:16

Na nne mmoaen foforɛ biemɔ bɔ bɛ de nna mmoaen kure he anu yeɛ befi ɔ; na ɔsɛ kyɛ mefa bɛ koso meba ɔ, na bɛkɔte me komvi. Yiti mmoaen kure ne kɔyɛ komapɛ ɔne mmoaenneafoɛ ko.

Yohane 10:27

Me mmoaen nemɔ bɛte me komvi, mese bɛ, na bedi me si.

Yohane 10:3

Ye yeɛ anoa wɛmvoɛ ne obukye ye ɔ; mmoaen nemɔ bɛte ye komvi, na ɔfa ye bɔbɔ ye mmoaen bɛ dumaa yeɛ ɔfa frɛ bɛ maa befite ɔ.

Yohane 10:5

Na ɛwɔfoɛ de, bengoli ye si, na mmom bɛkɔnwati bekofi ye nwo; ɔnate kyɛ bɛnze ɛwɔfoɛ mɔ komvi.

Yohane 10:8

Bɛ bɔ belili me nyunu moa bɛwale ne amukoraa bɛte awuefoɛ ne awerɔm awuefoɛ, na mmoaen nemɔ bandie bɛ.

Yohane 12:26

Sɛ ebie so me a, ɔsɛ kyɛ odi me si; na nekaa bɔ nwɔ ne, berɛ yeɛ me somvoɛ koso kɔwa ɔ; na ebiala bɔ ɔso me ne, me Baba kɔhyɛ ye animnyam.”

Yohane 13:15

Ofikyɛ mama ɛmɔ ye nwo nhwɛsoɛ, na kyɛbɔ mayɔ mama ɛmɔ ne, ɛmɔ koso bɛ́yɔ sɔ ala.

Yohane 18:37

Yeɛ Pilato bisale ye kyɛ, “Yiti ɛte ɛhene ɛne?” Na Yesu buale kyɛ, “Wɔ yeɛ ɛkã kyɛ nde ɛhene ɔ. Me de, ɛhe ati yeɛ bɛwole me ɔ, na ɛhe ati yeɛ mawa wiase ɔ, kyɛ mebaali nahorɛ ne nwo adanzeɛ. Na ebiala bɔ ofi nahorɛ ne anu ne, otie me dwirɛ.”

Yohane 3:29

Bɔ atɔmvorɛ braa ne ɔte ye deɛ ne, ye ole atɔmvorɛ biaa ne. Na atɔmvorɛ biaa n’adamvo bɔ ogyina berɛ, ná otie ye ne de, ɔma ye nye gye paa wɔ atɔmvorɛ biaa ne komvi nwo; yiti afei de, m’anigye ne wali mu.

1 Korintofoɛ 11:1

Ɛ́mɔsuasua me, kyɛbɔ me koso mesuasua Kristo ne.

Ɛfesofoɛ 5:1

Yiti ɛ́mɔsua Nyameɛ, kyɛ ye mma bɔ ɛmɔla ye ahone nwo ɔ.

Deuteronomi 1:30

Na AWURADE ɛmɔ Nyameɛ bɔ oli ɛmɔ nyunu ne, ye bɔbɔ ɔkɔho kɔma ɛmɔ, kyɛbɔ ɔho mane ɛmɔ wɔ Misraim bɔ ɛmɔ nye tua ne.

Hebrifoɛ 12:2

Ɛ́mɔma yɛnea Yesu bɔ ɔte yɛ gyidie ahyɛaseɛ ne ayieleɛ ne. Na ɔnate anigye bɔ né ɔla ye nyunu ne ati, omiane ye nye fale amaneɛ ne animguaseɛ wue nu wɔ mmeamudua ne aso, na waatena Nyameɛ ahennie bia ne famaa so.

Hebrifoɛ 6:20

Berɛ yeɛ Yesu ali moa ahɔ ama yɛ ɔ, na waayɛ ɔsɔfo panyi paa afebɔɔ kyɛ Mɛlkisɛdɛke deɛ ne ala.

1 Petro 2:21

Na ɛhe ati yeɛ bɛfrɛle ɛmɔ ɔ, ofikyɛ ɔnate yɛ ti Kristo koso nwuni amaneɛ, na ɔfa yɛle nhwɛsoɛ mane yɛ, kyɛ ɛmɔ koso ɛ́mɔtu ye agyirɛ ne bie.

1 Petro 4:1

Na kyɛbɔ ɔnate yɛ ti yeɛ Kristo nwuni amaneɛ wɔ anwoɔnaen nu ne, ɛmɔ koso, ɔsɛ kyɛ ɛmɔnya sɔ adwene ne ná ɛmɔmia ɛmɔ nye; ofikyɛ ebiala bɔ wanwu anwoɔnaen nu amaneɛ ne, wayakyi bɔne yɔlɛ;

1 Petro 5:3

bɔ ɔnzɛ kyɛ ɛmɔhyɛ bɛ bɔ bewura ɛmɔ sa ne aso, na mmom kyɛ ɛ́mɔyɛ nhwɛsoɛ bɛ́ma mmoaen kure ne ɔ.