Yohane 10:38 - AHYERƐLƐ KRONGRON

³⁸ Na sɛ meyɔ, ná ɛmɔnne me benni po a, nnwumaa ne de odi kyɛ ɛmɔde bedi, amaa ɔnate so ɛmɔanwu ye, ná ɛmɔale bali kyɛ Baba ne ɔte me nu, na me koso nde Baba ne nu.”

Yohane 10:38 Iomraidhean Croise

Yohane 10:25

Na Yesu buale bɛ kyɛ, “Mahã mahyire ɛmɔ, na ɛmɔnne benni. Nnwumaa bɔ meyɔ wɔ me Baba dumaa nu ne, bedi me nwo adanzeɛ.

Yohane 10:30

Me ne Baba ne yɛte ko.”

Yohane 11:4

Na Yesu tele ɛhe nen, ɔhane kyɛ, “Sɔ anwonyerɛ he, nna ewue anwonyerɛ ɔ; na mmom Nyameɛ animnyam ti ɔ, amaa ɔnate ɛhe aso bahyɛ Nyameɛ Awa ne animnyam.”

Yohane 14:20

Na sɔ kyẽa ne, ɛmɔkonwu kyɛ nwɔ Baba ne nu, ná ɛmɔwɔ me nu, ná me wora nwɔ ɛmɔ nu ɔ.

Yohane 17:11

Afei de, nne wiase ko, nakoso ɛhemɔ de bɛwɔ wiase wa; na me de, méba wɔ berɛ. Baba Krongron, bɛ bɔ afa bɛ ama me ne, fa bɛ sie wɔ wɔ dumaa nu, amaa ɔnate so bayɛ ko, kyɛbɔ yɛte ko ne.

Yohane 3:2

Sɔ biaa ne wale Yesu berɛ kɔngɔen oosele ye kyɛ, “Rabi, yɛse kyɛ ɛte kyerɛkyerɛniɛ bɔ efi Nyameɛ berɛ ɔ; ofikyɛ ebiala ngɔhora ngɔyɔ nzɛngyerɛnneɛ hemɔ bɔ ɛyɔ ye, sana Nyameɛ boka ye so.”

Yohane 5:36

Na me de, m’adanzeɛ ne ɔtra Yohane deɛ ne; ofikyɛ nnwumaa bɔ Baba ne wafa wama me kyɛ nyɔ nyie nen, sɔ nnwumaa hemɔ ala bɔ meyɔ ne, bedi me nwo adanzeɛ kyɛ Baba ne yeɛ wasoma me ɔ.

Asomafoɛ 2:22

“Yisraelfoɛ, ɛmɔtie edwirɛ he! Yesu bɔ ofi Nasarɛte ne, ɔte sona bɔ Nyameɛ yele ye tumi ne hyirele ɛmɔ wɔ nzɛngyerɛnneɛ ne anwanwadeɛ bɔ Nyameɛ fale ye so yɔle, kyɛbɔ ɛmɔ bɔbɔ bɛse ne, ofikyɛ ɛhe amu sili ɛmɔ nyunu.

1 Yohane 3:24

Na ebiala bɔ odi Nyameɛ ahyɛdeɛ so ne, ɔte ye nu, na ye koso ɔte ye nu. Na bɔ ɔmaa yɛnwu kyɛ ɔte yɛ nu ole Sunzum ne bɔ wafa wama yɛ ne.