Yohane 10:35 - AHYERƐLƐ KRONGRON

³⁵ Na sɛ ɔfrɛle bɛ bɔ Nyameɛ dwirɛ ne wale bɛ berɛ ne nyameɛ mɔ, bɔ ebie ngora nzɛkye Ahyerɛlɛ ne a,

Yohane 10:35 Iomraidhean Croise

Gyenesise 15:1

Ɛhemɔ asi ne, AWURADE lale ye dwirɛ ali hyirele Abram wɔ nyekyire nu kyɛ, “Nnɛsuro, Abram. Me yeɛ mebɔ wɔ nwo waen ɔ, na w’akatuaa kɔsone pee.”

2 Samuel 7:5

“Kɔha kyire me somvoɛ Dawide kyɛ, AWURADE nwa nyoo: Wɔ yeɛ ɛbaasi sua maa metena nu anaa?

2 Ahemvo 15:12

Bɔhyɛ bɔ AWURADE hyɛle Yehu ole kyɛ, “Wɔ mma mmienzua mɔ koli Yisrael bia maa okoodwu aworɛ ndoatoasoɛ nna so.” Na ɔwale nu sɔ ala.

1 Aberɛso Dwirɛ 22:8

Nakoso AWURADE lale ye dwirɛ ali hyirele me kyɛ, ‘Ahã mogya agua soma, yeɛ afei aho koɛ mbiri pee. Yiti nnɛsi sua fa me dumaa to so, ofikyɛ aseɛ ye aso, ahã mogya agua pee bɔ me bɔbɔ me nye tua ɔ.

2 Aberɛso Dwirɛ 19:2

Na Hanani awa Yehu bɔ ɔte sona bɔ ɔse ase ne, ɔhɔ ooyiale Nana Yehosafate, na Yehu bisale ye kyɛ, “Aso odi kyɛ ɛboka amumuyɛɛniɛ, ná bɛ bɔ bekyi AWURADE ne, ɛne bɛ tu nu anaa? Ɔnate ye sɔ ti, AWURADE yaafɛlɛ piri awa wɔ so.

Mateo 24:35

Anwuro ne aseɛ kɔpɛ nu kɔhɔ, nakoso me dwirɛ de, ɔngɔpɛ nu le.

Mateo 27:35

Na bɛbɔle ye mmeamudua nu nen, beguale serewa bɛhyɛle ye ndaadeɛ ne, [amaa ɔnate so, bɔ ngɔmhyɛlɛniɛ ne hane ne wawa nu kyɛ: bɛhyɛle me ndena nu bɛfale, na beguale serewa bɛhyɛle me ndaadeɛ.]

Mateo 5:18

Nahorɛ nu, mekã mekyire ɛmɔ kyɛ, kɔpem kyɛ anwuro ne aseɛ kɔpɛ nu ɔ, mmeraa ne anu kaaba ko anaa kaaba pɔtrepɔɔ ko po ngofi nu, sana ye mukoraa awa nu koraka.

Luka 16:17

Na ɔyɛ mmerɛ kyɛ anwuro ne aseɛ kɔpɛ nu tra kyɛ mmeraa ne anu kaaba pɔtrepɔɔ ko po ɔngɔyɛ adwuma ɔ.

Yohane 10:34

Na Yesu buale bɛ kyɛ, “Aso nna ɛmɔ mmeraa ne anu yeɛ bahyerɛ ye kyɛ, ‘Ngane kyɛ, ɛmɔte nyameɛ mɔ?’

Yohane 10:36

né nzu ati yeɛ bɔ Baba ne ayɛ ye krongron, ná wasoma ye maa wawa wiase ne, ɛmɔkã ye nwo dwirɛ kyɛ, ‘Ahã musue dwirɛ,’ ofikyɛ ngane kyɛ, ‘Nyameɛ Awa ne ole me?’

Yohane 19:28

Na ɛhe asi ne, bɔ Yesu nwuni kyɛ wanya wayie nikyee biala nen, (kyɛbɔ ɔkɔyɛ bɔ Ahyerɛlɛ ne kɔwa nu ne ati), ɔhane kyɛ, “Nzuhɔen ku me.”

Asomafoɛ 1:16

“Aliɛmaa mɔ, odi kyɛ ahyerɛlɛ bɔ Sunzum Krongron ne fale Dawide so hane ne ba nu wɔ Yudase nwo. Sɔ Yudase ne yeɛ olili bɛ bɔ bɛhyele Yesu ne nyunu ɔ.

Romanfoɛ 13:1

Ɔsɛ kyɛ sona biala brɛ ye nwo ase wura maen mbanyi tumi bo, ofikyɛ tumi biala nne berɛ, sana bɔ ofi Nyameɛ berɛ ɔ; na tumi mɔ bɔ bɛwɔ berɛ ne, Nyameɛ yeɛ wahyehyɛ wato berɛ ɔ.

Deuteronomi 18:15

AWURADE wɔ Nyameɛ kɔye ngɔmhyɛlɛniɛ bɔ ɔte kyɛ me kofi eliɛma nemɔ nu, kofi wɔ nu kɔma wɔ, na ye yeɛ ɔsɛ kyɛ ɛmɔtie ye ɔ.

1 Samuel 15:1

Samuel sele Sɔɔlo kyɛ, “Me yeɛ AWURADE somane me maa mvale ɛpopalɛ ngoo mmanguale wɔ ti so nzili wɔ ye maen so hene ɔ. Afei, tie AWURADE noa dwirɛ.

1 Samuel 28:6

Sɔɔlo bisale AWURADE, nakoso laleɛ nu oo, Yurim so oo, anaa ngɔmhyɛlɛfoɛ so oo, AWURADE andɛ ye so.

1 Samuel 30:8

Na Dawide bisale AWURADE kyɛ, “Mbo apaabɔlɛfoɛ hemɔ so anaa? Ngɔto bɛ anaa?” Na AWURADE buale ye kyɛ, “Po bɛ so, ɛkɔto bɛ, na mekã mekyire wɔ kyɛ, mmenia bɔ bahye bɛ nnure ne, ekole bɛ.”