Yohane 10:31 - AHYERƐLƐ KRONGRON

³¹ Yeɛ Yudafoɛ nemɔ sesale nyɔboɛ bieku kyɛ bɛkwaafa bɛboro ye.

Yohane 10:31 Iomraidhean Croise

Ɛksadɔso 17:4

Yiti Mose sũ frɛle AWURADE kyɛ, “Nzikyɛ yeɛ nyɔ mma mmenia ye mɔ ɔ? Bɛ́pena bɛboro me nyɔboɛ.”

Mateo 12:14

Yeɛ Farasiifoɛ nemɔ fili berɛ bɛhɔle aluo dɔ, na bɛbɔle ye ti so porɛ bɛpenane atee bɔ bɛkɔfa so bekohu ye ɔ.

Mateo 21:35

Nakoso hwɛsofoɛ nemɔ hyele ye somvoɛ nemɔ, bɛbole ko, behuni ko, yeɛ bɛborole ko wora nyɔboɛ.

Mateo 23:35

Ye sɔ ne ati, mogya tenenee amukoraa bɔ bahwie bagua aseɛ so, ofi teneneeniɛ Abel mogya so kodwu Barakia awa Sakaria, bɔ ɛmɔhuni ye wɔ nekaa krongron berɛ ne afɔleɛ bokyea ne b’afia ne, bɛ mogya ne nwo asotwe kɔwa ɛmɔ so.

Yohane 1:19

Na adanzeɛ he yeɛ Yohane lili ɔ, mmerɛ bɔ Yudafoɛ bɛsomane asɔfo mɔ ne Lewifoɛ befili Yerusalem maa beebisale ye kyɛ, “Nwa ole wɔ?”

Yohane 10:24

Yeɛ Yudafoɛ nemɔ bɛɛpɛle ye nwo beyiale, na bebisale ye kyɛ, “Ɛkɔmaa yɛkɔnwondɛ yɛkoodwu kyinzu? Sɛ wɔ ole Kristo ne a, kã ye pefee kyire yɛ.”

Yohane 10:32

Na Yesu buale kyɛ, “Nnwumaa paa pee bɔ ofi me Baba ne berɛ yeɛ mayɔ mahyire ɛmɔ ɔ; na bɛ nu beni ati yeɛ ɛmɔbaaboro me nyɔboɛ ye?”

Yohane 11:8

Na asuafoɛ nemɔ sele ye kyɛ, “Rabi, anomasi wa ala yeɛ Yudafoɛ bɛyɛle kyɛ bɛkɔboro wɔ nyɔboɛ ɔ, na esa kɔ dɔ bieku anaa?”

Yohane 5:18

Na ɔnate sɔ ati, Yudafoɛ mɔ mane bɛ nye borole kyɛ bekohu ye ɔ, kyɛ, nna afofikyẽa ngome yeɛ wabu so ɔ; na mmom ɔnwa Nyameɛ te ye bɔbɔ ye Baba, bɔ ɔfa kyire kyɛ ɔne Nyameɛ bɛte pɛ ɔ.

Yohane 8:59

Yiti bɛsesale nyɔboɛ kyɛ bɛto bɛbɔ ye, na Yesu fale ye nwo feale, na ɔfale mmenia ne anu fili asɔneyɛɛ sua nu berɛ hɔle.

Asomafoɛ 7:52

Nyameɛ ngɔmhyɛlɛniɛ nemɔ anu beni yeɛ ɛmɔ nana mɔ bandane ye nye ɔ? Na behuni bɛ bɔ belili moa bɛbɔle Teneneneniɛ ne walɛ ne nwo dawure ne, ye bɔ afei de ɛmɔaye ye bama bahu ye ne,

1 Samuel 30:6

Edwirɛ piri tole Dawide, ofikyɛ ye mmenia nemɔ yɛle kyɛ bɛkɔboro ye nyɔboɛ. Ebiala ahone huli, ofikyɛ né bahye bɛ mma mmienzua ne mmrasua nnure bahɔ. Nakoso Dawide fale ye nye tole AWURADE ye Nyameɛ, na ogyinane pindinn.