Yohane 10:27 - AHYERƐLƐ KRONGRON

²⁷ Me mmoaen nemɔ bɛte me komvi, mese bɛ, na bedi me si.

Yohane 10:27 Iomraidhean Croise

1 Ahemvo 18:21

Yeɛ Elia wale mmenia ne amukoraa nwo berɛ, na obisale kyɛ, “Ɛmɔ adwene kɔyɛ ndaa ndaa maa okoodwu kyinzu? Sɛ AWURADE yeɛ ɔte Nyameɛ a, ye de ɛmɔso ye. Nakoso sɛ Baal ahɔ de a, ye de ye yeɛ ɛmɔso ye ɔ.” Na maen ne amma ye mmuayɛɛ.

Yesaya 66:22

“AWURADE nwa nyoo: Kyɛbɔ anwuro foforɛ ne aseɛ foforɛ bɔ mebaayɔ ne kɔtena berɛ wɔ me nyunu ne, sɔ ala yeɛ ɛmɔ bosofoɛ ne ɛmɔ dumaa kɔtena berɛ ɔ.

Mateo 16:24

Na Yesu sele ye asuafoɛ nemɔ kyɛ, “Sɛ ebie kuro kyɛ odi me si a, maa ɔpa ye nwo si, ná ɔfa ye mmeamudua, ná oli me si.

Mateo 17:5

Ogu so odwudwo ne ala, yieee, munungum hyɛnhyɛnn bie ɔɔkatale bɛ so, na edwudwolɛ bie fili munungum ne anu hane kyɛ, “Mma bɔ ɔla m’ahone nwo ná me nye gye ye nwo paa ne ɛhe; ɛ́mɔtie ye!”

Mateo 25:12

Nakoso obuale kyɛ, ‘Nahorɛ nu, mekã mekyire ɛmɔ kyɛ, menze ɛmɔ!’

Mateo 7:23

Na ɛhe yeɛ ngɔpakye nu ngose bɛ kyɛ, ‘Menze ɛmɔ koraa, ɛ́mɔfi me so bɛhɔ, ɛmɔ bɔ ɛmɔyɔ bɔ ɔndengyɛ ɔ!’

Marko 10:21

Yeɛ Yesu neane ye haa, na ohurole ye dwirɛ, na osele ye kyɛ, “Waha wɔ nikyee ko: Kɔ ná kɔtɔne bɔ ele ye amukoraa, ná fa sikaa ne ma ehiafoɛ, na ekonya agyapadeɛ wɔ nyameɛso; ná afei bra baali me si.”

Marko 8:34

Afei Yesu frɛle ɛlɔen ne ne ye asuafoɛ nemɔ maa bɛwale ye nwo berɛ, na osele bɛ kyɛ, “Sɛ ebie pena kyɛ odi me si a, maa ɔpa ye nwo si, ná ɔfa ye mmeamudua, ná oli me si.

Luka 13:27

Na okose kyɛ, ‘Mekã mekyire ɛmɔ kyɛ, menze nekaa bɔ ɛmɔfi ɔ. Ɛ́mɔfi me so bɛhɔ, ɛmɔ amukoraa bɔ ɛmɔyɔ bɔ ɔndengyɛ ɔ!’

Luka 9:23

Na osele bɛ mukoraa kyɛ, “Sɛ ebie kuro kyɛ odi me si a, maa ɔpa ye nwo si, ná ɔfa ye mmeamudua daa biala, ná oli me si.

Yohane 10:14

Me ole mmoaenneafoɛ paa ne; mese me deɛ, na me deɛ koso se me,

Yohane 10:16

Na nne mmoaen foforɛ biemɔ bɔ bɛ de nna mmoaen kure he anu yeɛ befi ɔ; na ɔsɛ kyɛ mefa bɛ koso meba ɔ, na bɛkɔte me komvi. Yiti mmoaen kure ne kɔyɛ komapɛ ɔne mmoaenneafoɛ ko.

Yohane 10:8

Bɛ bɔ belili me nyunu moa bɛwale ne amukoraa bɛte awuefoɛ ne awerɔm awuefoɛ, na mmoaen nemɔ bandie bɛ.

Yohane 12:26

Sɛ ebie so me a, ɔsɛ kyɛ odi me si; na nekaa bɔ nwɔ ne, berɛ yeɛ me somvoɛ koso kɔwa ɔ; na ebiala bɔ ɔso me ne, me Baba kɔhyɛ ye animnyam.”

Yohane 21:22

Yeɛ Yesu sele ye kyɛ, “Sɛ mekuro kyɛ ɔtena berɛ kodwu kyɛ ngɔwa a, ɔfa wɔ nwo nzu? Wɔ de, di me si!”

Yohane 5:25

Nahorɛ nu paa, mekã mekyire ɛmɔ kyɛ, mmerɛ ne ɔ́ba, na wawa dada, bɔ awufoɛ bɛkɔte Nyameɛ Awa ne komvi, na bɛ bɔ bɛte ne, bekonya ngoa.

Yohane 8:12

Yeɛ Yesu sele bɛ bieku kyɛ, “Me ole wiase kanea ne; ebiala bɔ oli me si ne, ɔngɔnate awosii nu le, na okonya ngoa kanea ne.”

Yohane 8:43

Nzu ati yeɛ ɛmɔnde me dwirɛ bo ɔ? Ɔnate kyɛ ɛmɔngora bendie me dwirɛ.

Asomafoɛ 3:23

Na sona biala bɔ wandie sɔ ngɔmhyɛlɛniɛ nen, bɛkɔye ye bekofi Nyameɛ mmenia ne anu, na basɛkye ye.’

1 Korintofoɛ 8:3

Na sona bɔ okuro Nyameɛ dwirɛ nen, ye yeɛ Nyameɛ se ye ɔ.

Galatiafoɛ 4:9

Nakoso kekesaala ye bɔ ɛmɔanwu Nyameɛ ye, anaa Nyameɛ anwu ɛmɔ ye de, nzu ati yeɛ ɛmɔsa bɛ si bieku bɛkɔ sunzum mɔ bɔ bɛyɛ mmerɛ na bɛ nwo anwumvoin berɛ, na ɛmɔpena kyɛ ɛmɔkɔyɛ bɛ ngoaa bieku ɔ?

2 Timoteo 2:19

Nakoso Nyameɛ fapem ne, ogyi berɛ pindinn, bɔ nzɔanoɛ he sɔ ye noa ɔ: “Awurade se bɛ bɔ bɛte ye deɛ”, yeɛ “Ma ebiala bɔ ɔbɔ Awurade dumaa ne ɔhwe ye nwo fi amumuyɛɛ nwo.”

Hebrifoɛ 3:7

Yiti kyɛbɔ Sunzum Krongron kã hɔ ɛhe: “Ɛnɛ, sɛ ɛmɔte Nyameɛ dwudwolɛ a,

Nyekyire 14:4

Ɛhemɔ ole bɛ bɔ bamva mmrasua bangua bɛ nwo fiɛ, ofikyɛ basie bɛ nwo krongron. Bɛ yeɛ bedi Boaen Ba ne si bɛkɔ nekaa biala bɔ ɔkɔ ɔ. Bɛ yeɛ bale bɛ ngoa bafi adasa mmaa nu, ná bayɛ bɛ fieso aleɛ bɔ oli moa bama Nyameɛ ne Boaen Ba ne ɔ.

Nyekyire 3:20

Tie! Ngyi anoa ne asi mebɔ nu; na sɛ ebie te me komvi ná okobukye anoa ne a, ngowura nu ngɔwa ye berɛ, ná me ne ye yaadidi, ná ɔne me koso adidi.