Yohane 10:20 - AHYERƐLƐ KRONGRON

²⁰ Bɛ nu pee hane kyɛ, “Ole sunzummɔne, na wabɔ laen. Nzu ati yeɛ ɛmɔtie ye ɔ?”

Yohane 10:20 Iomraidhean Croise

Yesaya 53:8

Bɛnate nhyɛsoɛ ne ndɛengyea so bɛfale ye bɛhɔle, na ye aberɛso ama mɔ, nwa yeɛ ɔdwene ye nwo kyɛ bapɛ ye ngoa so bafi ateasefoɛ aseɛ so ɔ, kyɛ me maen mmeraatolɛ ti yeɛ bepurale ye ɔ?

Yeremia 29:26

‘AWURADE afa wɔ wali sɔfo maa asi ɔsɔfo Yehoada gya nu, kyɛ ɛnea AWURADE awuro ne aso, ná ebiala bɔ wabɔ laen, nakoso ɔyɛ ye nwo ngɔmhyɛlɛniɛ ne, ɛ́bɔ ye panwu, ná égua ye ngɔnzɔngɔnzɔ.

Mateo 10:25

Yiti sɛ suaniɛ yɛ kyɛ ye kyerɛkyerɛniɛ a, odi kyɛ ɔma ye nye sɔ; yeɛ akoaa koso sɛ ɔyɛ kyɛ ye mene a, odi kyɛ ɔma ye nye sɔ. Na sɛ bafrɛ awuro mene ne Beɛsebul de a, nzaade ɔkɔyɛ sɛɛ bɔ bɛngɔfa dumaa tɛɛ pee bɛngɔfrɛ ye awuro ama ɔ?

Mateo 11:18

Yohane wale ne, onnidi, yeɛ ɔnno, na bɛnwa: ‘Ole sunzummɔne.’

Mateo 9:34

Nakoso Farasiifoɛ nemɔ hane kyɛ, “Sunzummɔne mɔ panyi ye tumi yeɛ ɔfa tutu sunzummɔne mɔ ɔ.”

Marko 3:21

Na ye abusuafoɛ tele sɔ nen, bɛhɔle kyɛ bɛkwaafa ye bɛkɔ, ofikyɛ né mmenia kekã kyɛ, “Ye ti asɛkye.”

Yohane 7:20

Na ɛlɔen ne buale kyɛ “Ele sunzummɔne! Nwa yeɛ ɔpena wɔ ku wɔ ɔ?”

Yohane 8:52

Yeɛ Yudafoɛ nemɔ sele ye kyɛ, “Afei yeɛ yanwu kyɛ ele sunzummɔne ɔ. Abraham wuli, yeɛ ngɔmhyɛlɛfoɛ nemɔ koso bewuwuli ɔ, nakoso wɔ de ɛnwa, ‘Sɛ ebie di me dwirɛ so a, ongowu le.’

Asomafoɛ 26:24

Na Pɔɔlo wɔ so bɔ ɔye ye noa nen, Festo teane ye kyɛ, “Pɔɔlo, w’adwene nyɛ adwuma! Wɔ nwomaa sualɛ pembe ne abɔ afa wɔ ti anu!”