Yohane 10:18 - AHYERƐLƐ KRONGRON

¹⁸ Ebie nne mvi me sa nu, na mmom me bɔbɔ yeɛ mefa meto berɛ ɔ. Ye nwo tumi wura me sa kyɛ mefa meto berɛ ɔ, yeɛ ye nwo tumi wura me sa kyɛ mesa mefa ye bieku ɔ; na ahyɛdeɛ he yeɛ nya mvili me Baba berɛ ɔ.”

Yohane 10:18 Iomraidhean Croise

Yohane 10:11

“Me ole mmoaenneafoɛ paa ne. Mmoaenneafoɛ paa ne, ɔfa ye ngoa to berɛ ma mmoaen ne.

Yohane 10:15

kyɛbɔ Baba ne se me, ná me koso mese Baba ne nen; na mefa me ngoa meto berɛ mema mmoaen ne.

Yohane 10:17

“Na ye sɔ ati, Baba ne kuro me dwirɛ, ofikyɛ mefa me ngoa meto berɛ, amaa ɔnate so masa mafa ye bieku.

Yohane 14:31

Nakoso kyɛbɔ Baba ne fale ahyɛdeɛ mane me ne, sɔ ala yeɛ meyɔ ɔ, amaa ɔnate so ewiase anwu kyɛ mekuro Baba ne dwirɛ. Ɛ́mɔdwɔso, ɛ́mɔma yɛfi wa yɛhɔ!”

Yohane 15:10

Sɛ ɛmɔdi m’ahyɛdeɛ so a, ɛmɔkɔtena me dɔ nu, kyɛbɔ mali me Baba ahyɛdeɛ so ná nde ye dɔ nu ne.

Yohane 19:11

Na Yesu buale ye kyɛ, “Sɛ bamva bamvi nyameɛso bamma wɔ a, ahaa elle tumi biala wɔ me so; yiti bɔ ɔyele me mane wɔ ne, ye yeɛ ye bɔne te piri ɔ.”

Yohane 5:26

Na kyɛbɔ Baba ne ole ngoa wɔ ye bɔbɔ ye nu nen, sɔ ala yeɛ wafa wama Baa ne kyɛ ye koso onya ngoa wɔ ye bɔbɔ ye nu ɔ;

Yohane 5:30

“Me de, mengora memva me tumi menyɔ hwee; kyɛbɔ mete ne, yeɛ mebua ndɛen ɔ, na me ndɛenbualɛ te turoloo. Ɔnate kyɛ nna me bɔbɔ m’apɛdeɛ yeɛ mepena ɔ, na mmom bɔ ɔsomane me n’apɛdeɛ.

Yohane 6:38

Ɔnate kyɛ mvi nyameɛso mawa ase, nna kyɛ mebaayɔ me bɔbɔ m’apɛdeɛ, na mmom bɔ ɔsomane me n’apɛdeɛ.

Asomafoɛ 2:24

Nakoso Nyameɛ tingyele ye; olele ye fili ewue sa nu, ofikyɛ ɔyɛ se ma ewue kyɛ okonya ye so tumi ɔ.

Asomafoɛ 2:32

“Nyameɛ atingye sɔ Yesu ne wafi ewue nu, na yɛ mukoraa yɛte ɛhe nwo adanzefoɛ.

Asomafoɛ 3:15

Na ngoa Hene ne de, ɛmɔhuni ye; na ye yeɛ Nyameɛ tingyele ye fili awufoɛ nu ɔ, na yɛ yeɛ yɛte ye nwo adanzefoɛ ɔ.

Tito 2:14

Ye yeɛ ɔfale ye ngoa tole berɛ mane yɛ ɔ, kyɛbɔ okole yɛ kofi amumuyɛɛ amukoraa nu, ná wate yɛ nwo wafa yɛ wayɛ ye bɔbɔ ye mmenia sonongo bɔ bɛbɔ nnwumaa paa nwo mmɔden ɔ.

Hebrifoɛ 2:9

Nakoso yɛnwu Yesu kyɛ, (mmerɛ kãa bie anu) Nyameɛ maa ɔhɔle ase kãa trale abɔfo mɔ, amaa ɔnate Nyameɛ adom ti wawu wama adasa mukoraa. Na ɔnate ye wue bɔ owuli ne ati, Nyameɛ afa animnyam ne anidie wabɔ ye abotire.