Yohane 10:16 - AHYERƐLƐ KRONGRON

¹⁶ Na nne mmoaen foforɛ biemɔ bɔ bɛ de nna mmoaen kure he anu yeɛ befi ɔ; na ɔsɛ kyɛ mefa bɛ koso meba ɔ, na bɛkɔte me komvi. Yiti mmoaen kure ne kɔyɛ komapɛ ɔne mmoaenneafoɛ ko.

Yohane 10:16 Iomraidhean Croise

Gyenesise 49:10

Ɛhɔtɔ ngofi Yuda sa nu, yeɛ ahennie pɔmaa ngofi ye gya afia, kɔpem kyɛ mmenia kotua ndɔ bɛkɔma ye ɔ, kɔpem kyɛ maen maen kɔyɛ sotie bɛkɔma ye ɔ.

Edwein 86:9

Ao AWURADE, amaen maen amukoraa bɔ ɛyɔle ne, bɛkɔwa bɛkɔɔbɔ bɛ nu ase wɔ wɔ nyunu, ná bahyɛ wɔ dumaa animnyam.

Nworɛ Dwirɛhanɛniɛ 12:11

Nworɛniɛ ye noa dwirɛ ɔte kyɛ nandwiehanɛniɛ ye pɔmaa noa buralɛ; yeɛ ye anyandera bɔ waboaboa ye noa ne koso, ɔte kyɛ mberɛgoo bɔ mmoaenneafoɛ komapɛ wafa wabɔ berɛ pindinn ɔ.

Yesaya 11:10

Sɔ kyẽa ne, Yese ndii ne kogyina berɛ kɔyɛ frangaa kɔma maen ne; maen maen kɔpena ye si atee, na nekaa bɔ ɔte ne kɔyɛ animnyam nekaa.

Yesaya 43:6

Ngɔhã ngohyire sorɔ dɔ kyɛ, ‘Ma bɛ ate!’ Yeɛ ngɔhã ngohyire ngwaen dɔ kyɛ, ‘Nnɛsi bɛ ate!’ Fa me mma mmienzua mɔ fi dededede bra, ná fa me mma mmrasua mɔ fi aseɛ noa dɔ paa bra;

Yesaya 49:6

Ɔnwa nyoo: “Kyɛ ɛkɔyɛ me somvoɛ, kyɛ ɛkɔpagya Yakob mmusua kure nemɔ, ɔne kyɛ ɛkɔfa Yisraelfoɛ bɔ banya bɛ ti badidi nu ne ekosa kɔwa ne, aso ɔte adwuma ba? Ngosa ngɔfa wɔ ngɔyɛ kanea ngɔma maen maen mɔ, amaa ɔnate so ama me ngoalelɛ waadwu aseɛ so nekaa biala.”

Yesaya 52:10

AWURADE ala ye tumi krongron ne ali, wama maen maen mukoraa banwu ye, na aseɛ so nekaa biala konwu yɛ Nyameɛ ngoalelɛ ne.

Yesaya 56:8

AWURADE Nyameɛ bɔ ɔboaboa Yisrael mmenia bɔ babɔ aya noa ne, ɔnwa nyoo: “Mmenia bɔ maboaboa bɛ noa mama ye ne, ngɔhɔ so ngɔboaboa ebieku noa ngɔboka ye so.”

Hesekiel 34:12

Na kyɛbɔ mmoaenneafoɛ ɔpena ye mmoaen bɔ babɔ aya ɔ bɛ boso, wɔ kyẽa bɔ ɔne bɛ wɔ berɛ ne, sɔ ala yeɛ ngɔpena me mmoaen nemɔ bɛ boso ɔ; na ngɔye bɛ ngofi nekaa mukoraa bɔ babɔ aya bahɔ ɔ, wɔ munungum ne awosii kabii kyẽa ne.

Hesekiel 34:23

Ngɔma mmoaenneafoɛ ko kɔnea bɛ so. Ye ole me somvoɛ Dawide. Ɔkɔma bɛ aleɛ, ɔkɔma bɛ aleɛ ná wayɛ bɛ so mmoaenneafoɛ.

Hesekiel 34:6

Me mmoaen nemɔ bɛbɔ bɛsandele wɔ mmokaa mukoraa ne pambaa biala so. Amba, me mmoaen nemɔ bɛbɔle aya bɛhɔle aseɛ so nekaa biala, na ebiala ammisa bɛ boso, yeɛ ebiala ambena bɛ.

Hesekiel 37:22

Ngɔyɛ bɛ maen ko wɔ aseɛ ne aso, wɔ Yisrael mmokaa nemɔ aso. Ɛhene ko yeɛ okoli bɛ mukoraa bɛ so ɔ, bɛngɔyɛ maen nyɔ ko, na bɛ nu ngɔhyɛ ngɔyɛ ahennie nyɔ ko.

Hesekiel 37:24

“Me somvoɛ Dawide koli bɛ so hene. Mmoaenneafoɛ komapɛ yeɛ ɔkɔnea bɛ mukoraa bɛ so ɔ. Bɛkɔfa me nhyehyɛleɛ bɛkɔbɔ bɛ bra, na bɛkɔnea kyɛ bekoli m’ahyɛdeɛ so ɔ.

Hosea 1:10

Nakoso Yisraelfoɛ bɛ somaa kɔyɛ kyɛ mboanoa anweaa, bɔ bɛngora ye susu anaa bɛngora ye ka ɔ. Na nekaa bɔ bɛhã behyirele bɛ kyɛ, “Nna me maen ole ɛmɔ” nen, berɛ yeɛ bɛkɔhã bekohyire bɛ kyɛ, “Nyameɛ teasefoɛ mma ole ɛmɔ” ɔ.

Sakaria 2:11

Na sɔ kyẽa ne, maen maen pee bɛkɔfa bɛ nwo kɔɔbɔ AWURADE, na bɛkɔyɛ me maen. Ngɔtena wɔ nu, amaa ɔnate so anwu ye kyɛ Asafo AWURADE yeɛ wasoma me wɔ berɛ ɔ.

Mateo 17:5

Ogu so odwudwo ne ala, yieee, munungum hyɛnhyɛnn bie ɔɔkatale bɛ so, na edwudwolɛ bie fili munungum ne anu hane kyɛ, “Mma bɔ ɔla m’ahone nwo ná me nye gye ye nwo paa ne ɛhe; ɛ́mɔtie ye!”

Luka 15:8

“Anaakyɛ brasua beni yeɛ ole sikadwetɛ buru, ná nu ko mini a, ɔngɔsɔ kanea ngɔpoa sua nu berɛ, ná ɔngɔyere ye nwo ngɔpena kɔpem kyɛ okonwu ye ɔ?

Yohane 10:11

“Me ole mmoaenneafoɛ paa ne. Mmoaenneafoɛ paa ne, ɔfa ye ngoa to berɛ ma mmoaen ne.

Yohane 10:2

nakoso bɔ ɔfa anoa ne anu ɔkɔ nu ne de, ɔte mmoaen nemɔ bɛ neafoɛ.

Yohane 10:27

Me mmoaen nemɔ bɛte me komvi, mese bɛ, na bedi me si.

Yohane 10:3

Ye yeɛ anoa wɛmvoɛ ne obukye ye ɔ; mmoaen nemɔ bɛte ye komvi, na ɔfa ye bɔbɔ ye mmoaen bɛ dumaa yeɛ ɔfa frɛ bɛ maa befite ɔ.

Yohane 10:4

Na sɛ ɔma ye bɔbɔ ye mmoaen nemɔ befite a, odi bɛ nyunu, na mmoaen nemɔ di ye si, ofikyɛ bɛse ye komvi ngome.

Yohane 10:5

Na ɛwɔfoɛ de, bengoli ye si, na mmom bɛkɔnwati bekofi ye nwo; ɔnate kyɛ bɛnze ɛwɔfoɛ mɔ komvi.

Yohane 11:52

nna kyɛ maen ne ngome, na mmom kyɛ ɔkɔboaboa Nyameɛ mma bɔ bato bapete aseɛ mɔ so noa ɔkɔyɛ bɛ mmenia ko ɔ.

Yohane 17:20

“Nna ɛhemɔ angome yeɛ mebɔ mbaeɛ mema bɛ ɔ, na mmom bɛ bɔ ɔnate bɛ dwirɛ so bekole me bekoli ne koso,

Yohane 6:37

Bɛ bɔ Baba ne ɔfa bɛ ma me ne, bɛ mukoraa bɛkɔwa me berɛ; na ebiala bɔ ɔba me berɛ ne, mengɔto ye ngɔye le.

Asomafoɛ 15:14

Simɔn aha kyɛbɔ osi yɛle bɔ Nyameɛ ɔɔneaneane Amaenmaensofoɛ nu yele mmenia bie fili bɛ nu kyɛ bɛyɛ ye deɛ bɔkɔɔ ɔ.

Asomafoɛ 18:10

ofikyɛ ngyi wɔ si, na ebiala ngɔwa wɔ so ngɔyɔ wɔ hwee, ɔnate kyɛ nne mmenia pee wɔ kuro ye anu.”

Asomafoɛ 22:14

Na ɔhane kyɛ, ‘Yɛ nana mɔ Nyameɛ ne, waneanea nu waye wɔ kyɛ enwu ye apɛdeɛ, ná enwu ye Teneneeniɛ ne, na ɛte ye bɔbɔ ye noa nu dwirɛ,

Romanfoɛ 11:25

Aliɛmaa mɔ, mvealeɛ nu dwirɛ he yeɛ mekuro kyɛ ɛmɔnwu ye ɔ, amaa ɔnate so ɛmɔammu ɛmɔ nwo nworɛfoɛ bandra so. Ye ole kyɛ, Yisrael ye bue bie bayɛ asoserɛ, maa okoodwu kyɛ Amaenmaensofoɛ somaa bɛkɔwa Nyameɛ berɛ ɔ.

2 Tɛsalonika 2:13

Aliɛmaa mɔ bɔ Awurade kuro ɛmɔ dwirɛ ɔ, ɔte yɛ asɛdeɛ kyɛ ɔnate ɛmɔ ti daa yɛda Nyameɛ ase ɔ. Ofikyɛ Nyameɛ fi ahyɛaseɛ ne yeɛ waneanea nu waye ɛmɔ kyɛ ɛ́mɔnya daa ngoa, bɔ ɔnate Sunzum nu anwotelɛ ne nahorɛ gyidie nu ɔ.

Hebrifoɛ 13:20

Asomdwee Nyameɛ bɔ ɔnate apam bɔ ɔwɔ berɛ afebɔɔ mogya ne aso tingyele y’Awurade Yesu bɔ ɔte Mmoaenneafoɛ panyi ne fili awufoɛ nu ne,

1 Petro 2:10

Daa ne de, né ahaa ɛmɔtte maen, nakoso afei de, ɛmɔte Nyameɛ maen; daa ne de, né onnwuni ɛmɔ anwumvoin, nakoso afei de, wanwu ɛmɔ anwumvoin.

1 Petro 2:25

Ofikyɛ, ahaa né ɛmɔte kyɛ mmoaen bɔ bamini ɔ, nakoso kekesaala ye de, ɛmɔasa bawa ɛmɔ kra so Neafoɛ ne Wɛmvoɛ ne berɛ.

1 Petro 5:4

Na sɛ Mmoaenneafoɛ panyi ne ɔye ye nwo ali a, ɛmɔkonya animnyam abotire bɔ ɔnzɛkye koraa ne.

Nyekyire 3:20

Tie! Ngyi anoa ne asi mebɔ nu; na sɛ ebie te me komvi ná okobukye anoa ne a, ngowura nu ngɔwa ye berɛ, ná me ne ye yaadidi, ná ɔne me koso adidi.