Yohane 10:15 - AHYERƐLƐ KRONGRON

¹⁵ kyɛbɔ Baba ne se me, ná me koso mese Baba ne nen; na mefa me ngoa meto berɛ mema mmoaen ne.

Yohane 10:15 Iomraidhean Croise

Yesaya 53:10

Nakoso né AWURADE kuro kyɛ odwiridwiri ye nwo ɔ, na ɔfale ye fale yealɛ nu. Na ɔnate kyɛ ɔfale ye kra bɔle bɔne nwo afɔleɛ ne ati, okonwu ye bosofoɛ, okonya ngoa tendenn, na ɔnate ye so yeɛ bɔ AWURADE kuro ne, ɔkɔwa nu ɔ.

Yesaya 53:8

Bɛnate nhyɛsoɛ ne ndɛengyea so bɛfale ye bɛhɔle, na ye aberɛso ama mɔ, nwa yeɛ ɔdwene ye nwo kyɛ bapɛ ye ngoa so bafi ateasefoɛ aseɛ so ɔ, kyɛ me maen mmeraatolɛ ti yeɛ bepurale ye ɔ?

Daniel 9:26

Na afoɛ nzoo sɔ alaa aburasia ne nyɔ ne asi ne, bekohã bɔ bapopa ye ngoo ne, bɔ ebiala ngɔpepɛ ngole ye ɔ. Na afei katakyie bie bɔ ɔbaawa ne, ye lɔen ne kɔsɛkye kuro ne ne nekaa krongron ne. Ye ayieleɛ kɔwa ye so ndɛndɛ so, koɛ kɔhɔ so koodwu sɔ mmerɛ n’ayieleɛ, mmerɛ bɔ bahyehyɛ amaneɛ wɔ nu ne.

Sakaria 13:7

O ngrandɛ, dwɔso tia me mmoaenneafoɛ ne, ɔne sona bɔ ɔte me nwoniɛ ne,” Asafo AWURADE noa dwirɛ ɛne. “Pura mmoaenneafoɛ ne, na mmoaen ne kɔbɔ aya, na ngɔkakyi me sa ngɔhɔ mmaa mmaa nemɔ aso.

Mateo 11:27

Me Baba afa nningyein amukoraa awura me sa; na ebiala nze Baa ne, sana Baba ne; yeɛ ebiala nze Baba ne, sana Baa ne ne ebiala bɔ Baa ne kuro kyɛ ɔda ye adi kyire ye ɔ.

Mateo 20:28

kyɛbɔ Sona Awa ne wamma kyɛ bɛso ye, na mmom kyɛ ɔbaaso, ná ɔfa ye ngoa ɔto berɛ ode mmenia pee ngoa ne.”

Luka 10:21

Sɔ mmerɛ ne ala nu, olili ahurusi wɔ Sunzum nu, na ɔhane kyɛ, “Baba, anwuro ne aseɛ Mene, meda wɔ ase kyɛ afa edwirɛ hemɔ afea nworɛfoɛ ne nimdeɛfoɛ, ná aye ahyire ngokwaammaa ɔ. Yoo, Baba, sɔ yeɛ ɔte nikyee bɔ ɔyɛ nyemene wɔ wɔ nyunu ɔ.

Luka 10:22

“Me Baba afa nningyein amukoraa awura me sa; na ebiala nze kyɛbɔ Baa ne te ɔ, sana Baba ne. Yeɛ ebiala nze kyɛbɔ Baba ne te ɔ, sana Baa ne ne ebiala bɔ Baa ne kuro kyɛ ɔda ye adi kyire ye ɔ.”

Yohane 1:18

Ebiala nnwuni Nyameɛ le; sana Baa komapɛ twe ne, bɔ ɔla Baba n’ahone nwo ne, na ye yeɛ wala ye ali wahyire ɔ.

Yohane 10:11

“Me ole mmoaenneafoɛ paa ne. Mmoaenneafoɛ paa ne, ɔfa ye ngoa to berɛ ma mmoaen ne.

Yohane 15:13

Ebiala nne berɛ bɔ ole ɔdɔ bɔ ɔtra ɛhe ɔ, kyɛ ebie kɔfa ye ngoa kɔto berɛ kɔma ye damvo mɔ ɔ.

Yohane 17:25

O Baba Teneneeniɛ, wiase annwu wɔ, na me de, manwu wɔ; na ɛhemɔ banwu kyɛ wɔ yeɛ ɛsomane me ɔ.

Yohane 6:46

Nna kyɛ sona bie anwu Baba ne, sana bɔ ofi Nyameɛ berɛ ne, na ye yeɛ wanwu Baba ne ɔ.

Yohane 8:55

Nakoso ɛmɔnze ye, na me de, mese ye. Na sɛ mekã kyɛ menze ye a, ngɔyɛ ngondomboniɛ kyɛ ɛmɔ ala. Nakoso mese ye, na medi ye dwirɛ so.

Galatiafoɛ 1:4

Ye yeɛ ɔfale ye ngoa tole berɛ mane yɛ bɔne ɔ, amaa ɔnate so waye yɛ wafi kekesaala ye bɔne wiase ye anu, kyɛbɔ yɛ Baba Nyameɛ apɛdeɛ te ne.

Galatiafoɛ 3:13

Kristo ɔɔyɛle abusudeɛ mane yɛ, na ɔnate so wapɔ yɛ wafi mmeraa musue nu; ofikyɛ bahyerɛ kyɛ, “Banoma sona biala bɔ basinze ye wɔ bakaa so ɔ.”

Ɛfesofoɛ 5:2

Ɛ́mɔfa ɔdɔ bɛbɔ ɛmɔ bra, kyɛbɔ Kristo koso hurole yɛ dwirɛ ná ɔfale ye ngoa tole berɛ mane yɛ kyɛ ayɛyɛdeɛ ne afɔleɛ fonafona mane Nyameɛ ne.

Tito 2:14

Ye yeɛ ɔfale ye ngoa tole berɛ mane yɛ ɔ, kyɛbɔ okole yɛ kofi amumuyɛɛ amukoraa nu, ná wate yɛ nwo wafa yɛ wayɛ ye bɔbɔ ye mmenia sonongo bɔ bɛbɔ nnwumaa paa nwo mmɔden ɔ.

1 Petro 2:24

Ye bɔbɔ yeɛ ɔsoale yɛ bɔne wɔ ye nipadua nu hɔle bakaa ne aso ɔ, kyɛ, sɛ yawu yafi bɔne nu de a, ɔsɛ kyɛ yɛtena ase yɛma tenenee. Na ye nwo beabealɛ ne yeɛ wafa wasa ɛmɔ anwonyerɛ ɔ.

1 Petro 3:18

Ofikyɛ Kristo koso nwuni bɔne nwo amaneɛ pɛenko; ye bɔ ɔtengyɛ ne, onwuni amaneɛ mane bɛ bɔ bɛndengyɛ ɔ, amaa ɔnate so wafa yɛ wahɔ Nyameɛ berɛ. Behuni ye wɔ anwoɔnaen nu, nakoso bɛfale ye bɛwale ngoa nu wɔ Sunzum nu,

1 Yohane 2:2

Ɔte yɛ bɔne nwo mbata; nna yɛ ngome yɛ deɛ nwo; na mmom ɔte wiase amukoraa koso bɔne nwo mbata.