Yohane 10:12 - AHYERƐLƐ KRONGRON

¹² Nakoso paaniɛ bɔ nna ye ole mmoaenneafoɛ ne, bɔ mmoaen ne bɛtte ye deɛ nen, sɛ onwu kyɛ pataku ba a, ɔyakyi mmoaen ne berɛ nwati; na pataku ne bakye bɛ, na ɔbɔ bɛ sande.

Yohane 10:12 Iomraidhean Croise

Mateo 10:16

“Ɛ́mɔtie! mésoma ɛmɔ kyɛ mmoaen maa ɛmɔkɔ mbataku nu. Yiti ɛ́mɔma ɛmɔ nye la berɛ kyɛ ewoo, ná ɛ́mɔbrɛ ɛmɔ nwo ase kyɛ mmubure.

Mateo 7:15

“Ɛ́mɔnea ɛmɔ nwo yé wɔ ngondombo ngɔmhyɛlɛfoɛ nwo; bɛfa boaen nwomaa bedwira bɛ nwo bɛba ɛmɔ berɛ, nakoso bɛ nu de, bɛte pataku adifuufoɛ.

Yohane 10:13

Paaniɛ ne nwati, ofikyɛ ɔte paaniɛ, na mmoaen ne nwo nhia ye.

Yohane 10:2

nakoso bɔ ɔfa anoa ne anu ɔkɔ nu ne de, ɔte mmoaen nemɔ bɛ neafoɛ.

Yohane 10:3

Ye yeɛ anoa wɛmvoɛ ne obukye ye ɔ; mmoaen nemɔ bɛte ye komvi, na ɔfa ye bɔbɔ ye mmoaen bɛ dumaa yeɛ ɔfa frɛ bɛ maa befite ɔ.

Asomafoɛ 20:29

Na mese kyɛ mefi wa mekɔ a, mbataku awerɔm koowura ɛmɔ nu, na bɛngɔyakyi mmoaen ne koraa.

1 Timoteo 3:3

ɔnzɛ kyɛ ɔyɛ akɔnomnzaniɛ, ahupoo, na mmom ɔsɛ kyɛ odwo; ɔnzɛ kyɛ okuro ngondii, anaa ɔma ye nye boro sikaa.

1 Timoteo 3:8

Sɔ ala yeɛ ɔsɛ kyɛ asɔre nu asomvoɛ mɔ bɛyɛ mmenia bɔ bɛ nyunu le animnyam ɔ, bɔ bɛkã nahorɛ, na mmom bɛtte akɔnomnzafoɛ ne adifuufoɛ ɔ;

2 Timoteo 4:10

Ofikyɛ Dema ahuro kekesaala ye wiase ye dwirɛ, na wayakyi me nu wasi nu wahɔ Tɛsalonika; Kreseke ahɔ Galatia, yeɛ Tito ahɔ Dalmatia.

Tito 1:7

Na bɔ ɔfata neafoɛ ɛhe: ɔnzɛ kyɛ benwu ngekalewa wɔ ye bra nu, ofikyɛ ɔte Nyameɛ awuro so neafoɛ; ɔnzɛ kyɛ ɔmoma ye nwo so, onya ahone, ɔyɛ akɔnomnzaniɛ, patapaa, anaa adifuu sona;

1 Petro 5:2

ɛ́mɔnea Nyameɛ mmoaen kure bɔ owura ɛmɔ sa ne aso, bɔ nna nhyɛsoɛ so ɔ, na mmom kyɛ ɛmɔkofia ɛmɔ kunu bɛkɔnea bɛ so kyɛbɔ Nyameɛ pena ɔ; bɔ nna adifuu ti ɔ, na mmom kyɛ ofi ɛmɔ ahone nu ti ɔ;

2 Petro 2:3

Na bɛ nye bɔ ɔboro nikyee ne ati, bɛkɔfa nnakannaka dwirɛ bekodidi ɛmɔ nwo. Na ofi tetetete, ndɛen bɔ babua bɛ ne ɔndwetwe ye ase, yeɛ b’asohwenɛ koso ɔndɔ ngosie.