Yohane 10:10 - AHYERƐLƐ KRONGRON

¹⁰ Awueniɛ ne ɔmma, sana ɔbaawua, ná oku, ná ɔsɛkye; nakoso me de, mmale kyɛ bekonya ngoa, ná banya ye mmorosoɛ ɔ.

Yohane 10:10 Iomraidhean Croise

Yesaya 56:11

Amba, bɛte ngyea adifuu, na bɛnze ahoyire. Bɛte mmoaenneafoɛ bɔ nimdeɛ abɔ bɛ ɔ, bɛ mukoraa bali makyebu baafa bɛ bɔbɔ b’atee so, na bɛ nu biala ɔdwene ye ngome ye yeeyɛlɛ nwo.

Hosea 7:1

Mésa Yisrael anwonyerɛ a, né Efraim amumuyɛɛ ne Samaria bɔne yɔleɛ ɔ́da ali, ofikyɛ benni nahorɛ. Awueniɛ abɔ awura nu, na awerɔm awuefoɛ bɛbɔ apaa wɔ dwaaso.

Mateo 18:10

“Ɛmɔnea yé ná ɛmɔammu ngwadaa ye anu biala animtia; na mekã mekyire ɛmɔ kyɛ, nyameɛso dɔ, b’abɔfo mɔ benwu me Baba bɔ ɔwɔ nyameɛso ne nyunu daa.”

Mateo 18:11

[Ɔnate kyɛ, Sona Awa ne wale kyɛ ɔbaale bɛ bɔ bamini nemɔ ngoa.]

Mateo 20:28

kyɛbɔ Sona Awa ne wamma kyɛ bɛso ye, na mmom kyɛ ɔbaaso, ná ɔfa ye ngoa ɔto berɛ ode mmenia pee ngoa ne.”

Mateo 21:13

Na osele bɛ kyɛ, “Bahyerɛ kyɛ, ‘Bɛkɔfrɛ m’awuro mbaeɛbɔlɛ awuro’; nakoso ɛmɔ de, ɛmɔafa bakakyi awuefoɛ afealeɛ!”

Mateo 23:13

“Ahyerɛlɛfoɛ ne Farasiifoɛ, ɛmɔ yaakɔ! Nyaatwomfoɛ! Ofikyɛ, ɛmɔto nyameɛso ahennie ne anu betia mmenia. Ɛmɔ bɔbɔ a ɛmɔngɔ nu, nakoso bɛ bɔ bɛ́kɔ nu ne, ɛmɔmma bɛ ate mma bɛngɔ nu. [

Marko 11:17

Afei ɔyɛle ngyerɛkyerɛ sele bɛ kyɛ, “Aso bɛhhyerɛle kyɛ, ‘Bɛkɔfrɛ m’awuro maen maen amukoraa bɛ mbaeɛbɔlɛ awuro’? Nakoso ɛmɔ de, ɛmɔafa bakakyi awuefoɛ afealeɛ.”

Luka 19:10

Na Sona Awa ne wale kyɛ ɔbaapena ná ode bɛ bɔ bamini ɔ.”

Yohane 10:1

Nahorɛ nu paa, mekã mekyire ɛmɔ kyɛ, ebiala bɔ ɔmva anoa ne anu ngɔ mmoaennduin ne anu, ná mmom ɔfo fa nekaa bie ɔkɔ nu nen, ɔte awueniɛ ne awerɔm awueniɛ;

Yohane 10:11

“Me ole mmoaenneafoɛ paa ne. Mmoaenneafoɛ paa ne, ɔfa ye ngoa to berɛ ma mmoaen ne.

Yohane 12:47

Na sɛ ebie te me noa dwirɛ ná wanne wanni a, me de, memmua ye ndɛen; ofikyɛ mamma kyɛ mebaabua wiase ndɛen, na mmom mmale kyɛ mebaale wiase ngoa.

Yohane 12:6

Nna kyɛ ɔdwene ehiafoɛ nwo ti yeɛ ɔmaa ɔhane sɔ ɔ; na mmom ɔte awueniɛ ti ɔ. Ye yeɛ né otira sikaabɔtɔ ne ɔ, na né owua bɔ bɛfa begua nu ne ati ɔ.

Yohane 3:17

“Ofikyɛ, Nyameɛ anzoma Ɔwa ne maa wamma wiase kyɛ oobua wiase ndɛen, na mmom kyɛ ɔkɔfa ye so kole wiase ɔ.

Yohane 5:40

Nakoso ɛmɔnguro kyɛ ɛmɔkɔwa me berɛ, ná ɛmɔanya ngoa.

Yohane 6:33

Nyameɛ paanoo ne ole bɔ ofi nyameɛso ba ase, ná ɔma wiase ngoa ne.”

Yohane 6:51

Me ole ngoa paanoo bɔ ofi nyameɛso wale ase ne; na sɛ ebie di paanoo he bie a, ɔkɔtena ase daa; na paanoo bɔ ngɔfa ngɔma wiase ngoa ne, ye ole me nwonaen.”

Romanfoɛ 2:21

na afei esa kyire ebiemɔ nikyee a, nzu ati yeɛ engyire wɔ nwo nikye ɔ? Wɔ bɔ edwudwo tia awue ne, aso wɔ bɔbɔ ewua?

1 Timoteo 1:15

Ɛhe te nahorɛ dwirɛ bɔ ɔsɛ kyɛ bede bɛto nu bɔkɔɔ ɔ, kyɛ Kristo Yesu wale wiase oolele bɔnefoɛ bɔ nde bɛ hene ne ngoa.

Hebrifoɛ 6:17

Yiti mmerɛ bɔ Nyameɛ yɛle kyɛ ɔkɔma bɛ bɔ bɔhyɛ ne te bɛ deɛ konwu ye pefee kyɛ ɔnzesã ye adwene nen, ɔfale ndaen foale so.

Hebrifoɛ 7:25

Yiti ɔkora de bɛ bɔ bɛfa ye so bɛba Nyameɛ berɛ ne ngoa bɔkɔɔ; ofikyɛ ɔte ase afebɔɔ, na odi bɛ ti dwirɛ ma bɛ.

2 Petro 1:11

Na ɔba ye sɔ a, bɛkɔma ɛmɔ atee mmorosoɛ bɔ ɔkɔ y’Awurade ne yɛ Ngoadefoɛ Yesu Kristo ahennie afebɔɔ ne anu.