Yohane 1:7 - AHYERƐLƐ KRONGRON

⁷ Ye yeɛ ɔwale adanzeɛlilɛ, kyɛ ɔbaali kanea ne nwo adanzeɛ, amaa ɔnate ye so mmenia mukoraa bale bali.

Yohane 1:7 Iomraidhean Croise

Malaki 3:1

“Tie, mebaasoma me bɔfoɛ maa odi me nyunu osiesie atee nu. Na AWURADE bɔ ɛmɔpena ye ne, bɔ ye ole apam bɔfoɛ bɔ ɔla ɛmɔ ahone nwo ne, ɔkɔhɔ ye asɔneyɛɛ sua nu mvum nu. Tie, ɔ́ba, Asafo AWURADE noa dwirɛ ɛne.

Yohane 1:12

Nakoso mmeni soma bɔ belele ye bɛtole nu, bɛ bɔ belele ye dumaa belili ne, ɔmane bɛ tumi maa bɛɛyɛle Nyameɛ mma;

Yohane 1:15

Yohane lili ye nwo adanzeɛ, na ɔteane nu hane kyɛ, “Ɛhe ole bɔ ngane ye nwo dwirɛ kyɛ, ‘Bɔ oli me si ɔ́ba ne, odi mu tra me, ofikyɛ né ɔwɔ berɛ koraka yeɛ meba ɔ.’ ”

Yohane 1:19

Na adanzeɛ he yeɛ Yohane lili ɔ, mmerɛ bɔ Yudafoɛ bɛsomane asɔfo mɔ ne Lewifoɛ befili Yerusalem maa beebisale ye kyɛ, “Nwa ole wɔ?”

Yohane 1:36

Na onwuni kyɛ Yesu nate berɛ nen, ɔhane kyɛ, “Ɛ́mɔnea, Nyameɛ Boaen Ba ne ɛhe!”

Yohane 1:9

Nahorɛ kanea bɔ ɔta ma sona biala ne yeɛ né ɔba wiase ɔ.

Asomafoɛ 19:4

Na Pɔɔlo sele kyɛ, “Nahorɛ nu, Yohane bɔle adwenesakyeralɛ asu, na ɔhã hyirele maen ne kyɛ béle bɔ oli ye si ɔ́ba, bɔ ye ole Yesu ne béli.”

Galatiafoɛ 3:26

Ofikyɛ ɛmɔ amukoraa bɛnate gyidie so bɛte Nyameɛ mma wɔ Kristo Yesu nu.

Ɛfesofoɛ 3:9

kyɛ mmukye mvealeɛ nu dwirɛ he aso ngyire adasa mmaa mukoraa, ofikyɛ ofi tete yeɛ wafea wɔ Nyameɛ bɔ ɔbɔle nningyein mukoraa ne anu ɔ;

1 Timoteo 2:4

ye bɔ okuro kyɛ mmenia amukoraa benya daa ngoa ná bɛba nahorɛ nimdeɛ ne anu ne.

Tito 2:11

Ofikyɛ Nyameɛ adom bɔ ɔfa ngoalelɛ brɛ adasa mmaa mukoraa ne, waye ye nwo ali.

2 Petro 3:9

Awurade ndwetwe ye gya ase wɔ ye bɔhyɛ nwo, kyɛbɔ ebiemɔ bɛdwene kyɛ ɔkyɛ ne. Aboterɛ mmom yeɛ ole ye wɔ yɛ nwo ɔ, ɔmbena kyɛ sona biala mini, na mmom ɔpena kyɛ ebiala ba adwenesakyera nu.