Yohane 1:6 - AHYERƐLƐ KRONGRON

⁶ Na biaa bie wɔ berɛ bɔ Nyameɛ somane ye ɔ, bɔ ye dumaa li Yohane.

Yohane 1:6 Iomraidhean Croise

Malaki 3:1

“Tie, mebaasoma me bɔfoɛ maa odi me nyunu osiesie atee nu. Na AWURADE bɔ ɛmɔpena ye ne, bɔ ye ole apam bɔfoɛ bɔ ɔla ɛmɔ ahone nwo ne, ɔkɔhɔ ye asɔneyɛɛ sua nu mvum nu. Tie, ɔ́ba, Asafo AWURADE noa dwirɛ ɛne.

Mateo 11:10

Ofikyɛ ye ole bɔ bahyerɛ ye nwo dwirɛ kyɛ, ‘Tie, mésoma me bɔfoɛ maa odi wɔ nyunu, bɔ okoli wɔ nyunu moa kosiesie w’atee nu ɔ.’

Mateo 21:25

Yohane asubɔlɛ ne, ofi nisua? Ofi nyameɛso anaa ofi mmenia berɛ?” Na bɛdwenedwenene ye nwo besisele bɛ nwo kyɛ, “Sɛ yɛkã kyɛ, ‘Ofi nyameɛso’ a, okobisa yɛ kyɛ, ‘Nzaade, nzu ati yeɛ ɛmɔanne ye banni ɔ?’

Luka 1:13

Nakoso abɔfo ne sele ye kyɛ, “Sakaria, nnɛsuro, ofikyɛ Nyameɛ ate wɔ mbaeɛ ne, na ɛye Elisabɛte kɔwo baa bienzua kɔma wɔ, na ɛkɔto ye dumaa Yohane.

Luka 1:76

Na wɔ, akwadaa he, bɛkɔfrɛ wɔ Anwuro Anwuroniɛ ne, ye ngɔmhyɛlɛniɛ; ɔnate kyɛ ekoli Awurade nyunu moa ekosiesie ye atee nu,

Yohane 1:33

Me bɔbɔ de, né menze ye, nakoso bɔ ɔsomane me kyɛ mmamva nzue mmɔ asu ne yeɛ ɔhã hyirele me kyɛ, ‘Bɔ ekonwu kyɛ Sunzum ne ódwu batena ye so nen, ye ole bɔ ɔbɔ asu Sunzum Krongron nu ne.’

Yohane 3:28

Ɛmɔ bɔbɔ bedi me adanzeɛ kyɛ ngane kyɛ, ‘Nna me ole Kristo ne, na mmom basoma me maa mali ye nyunu moa.’

Asomafoɛ 13:24

Na anzana ɔbaahyɛ ye adwuma bo nen, Yohane lili moa hane adwenesakyera asubɔlɛ nwo nzɛmba hyirele Yisrael maen.