Yohane 1:48 - AHYERƐLƐ KRONGRON

⁴⁸ Na Nataneɛl bisale ye kyɛ, “Nisua yeɛ ɛse me ɔ?” Yesu buale kyɛ “Anzana Filipo baafrɛ wɔ, bɔ né ɛwɔ borɔdoma bakaa ne abo nen, yeɛ nwuni wɔ ɔ.”

Yohane 1:48 Iomraidhean Croise

Yesaya 65:24

Anzana bɛbaasu bɛfrɛ ne po, né mama mmuayɛɛ, na begu so bedwudwo ne po, né matie.

Mateo 10:3

Filipo ne Batolomeo; Tɔmase ne Mateo bɔ ɔte ɛtoɔdidelɛniɛ ne; Yakobo bɔ ye baba ole Alfeo ne, yeɛ Tadeo;

Mateo 6:6

Na wɔ de, sɛ ɛ́bɔ mbaeɛ a, kɔ wɔ sua nu, to w’anoa ne anu, ná bɔ mbaeɛ kyire wɔ Baba bɔ ɔwɔ mvealeɛ nu ne, na wɔ Baba bɔ onwu mvealeɛ nu dwirɛ ne, ɔkɔma wɔ so akatuaa.

Yohane 1:44

Filipo fi Betesaeda, Andrea ne Petro bɛ kuro.

Yohane 12:21

Yeɛ sɔ mmenia nemɔ bɛwale Filipo bɔ ofi Betesaeda bɔ ɔwɔ Galilea ne berɛ, na besele ye kyɛ, “Yɛ mene, yɛpena kyɛ yɛnwu Yesu.”

Yohane 14:8

Yeɛ Filipo sele ye kyɛ, “Awurade, kyire yɛ Baba ne, na bɔ yɛhia hɔ ala ɛne.”

Yohane 2:25

yiti onhia kyɛ ebiala koli sona nwo adanzeɛ kohyire ye ɔ, ɔnate kyɛ ye bɔbɔ ɔse mmenia mukoraa ahone nu dwirɛ.

Yohane 6:5

Afei Yesu tole ye nye, na onwuni kyɛ mmenia pembepembe bɛba ye berɛ nen, obisale Filipo kyɛ, “Nisua yeɛ yɛkonya aleɛ yɛkɔtɔ yɛkɔma mmenia ye bekoli ɔ?”

Yohane 6:7

Na Filipo buale ye kyɛ, “Denare ɛyaa nyɔ po ɔngɔso paanoo bɔ ebiala konya kaala koli ɔ tɔ.”

1 Korintofoɛ 14:25

Ye ti anu mvealeɛ nu dwirɛ kɔla ali, ɔkɔfa ye nyunu kobutu berɛ kɔsɔne Nyameɛ, ná wahã kyɛ Nyameɛ wɔ ɛmɔ nu amba.

1 Korintofoɛ 4:5

Yiti nnɛma ɛmɔbua ndɛen koraka ná mmerɛ ne wadwu, koraka né Awurade awa, na ye yeɛ ɔkɔye mvealeɛ nu dwirɛ bɔ ɔwɔ awosii nu kofite ɔ, ná wasa mmenia ti anu nzusuleɛ wagua dwaaso. Na afei ebiala konya ɛkamvolɛ bɔ ɔfata ye ɔ kofi Nyameɛ berɛ.