Yohane 1:45 - AHYERƐLƐ KRONGRON

⁴⁵ Filipo nwuni Nataneɛl, na osele ye kyɛ, “Bɔ Mose, wɔ mmeraa ne anu, ɔne bɔ ngɔmhyɛlɛfoɛ bɛhyerɛle ye nwo dwirɛ ne, yanwu ye: Yesu bɔ ofi Nasarɛte, Yosef awa ne.”

Yohane 1:45 Iomraidhean Croise

Gyenesise 22:18

Ɔnate wɔ boso ama so yeɛ aseɛ ye aso maen maen amukoraa bekonya saleɛ ɔ, ofikyɛ atie me dwirɛ.”

Gyenesise 3:15

Ngɔfa ɛpɔen ngɔto wɔ ne braa n’afia, yeɛ wɔ boso ama ne ye boso ama b’afia; ɔkɔgyerɛgyerɛ wɔ ti, na wɔ wora aha ye gya si.”

Gyenesise 49:10

Ɛhɔtɔ ngofi Yuda sa nu, yeɛ ahennie pɔmaa ngofi ye gya afia, kɔpem kyɛ mmenia kotua ndɔ bɛkɔma ye ɔ, kɔpem kyɛ maen maen kɔyɛ sotie bɛkɔma ye ɔ.

Yesaya 4:2

Sɔ kyẽa ne, AWURADE (bakaa) mmaen ne kɔyɛ nyemene, okonya animnyam, na aseɛ ne aso mmakaammaa kɔyɛ anwohoahoa nikyee ne animnyam kɔma Yisrael mmenia bɔ banya bɛ ti badidi nu ne.

Yesaya 53:2

Ofikyɛ ofifili kyɛ bakaa horɔhorɔ bie wɔ ye nyunu, kyɛ ndii bɔ wafifi wɔ aseɛ wosee nu ɔ. Wannya sue anaa animnyam bɔ ɔkɔmaa yɛkɔnea ye ɔ, yeɛ wannya anwonyemene bɔ ɔkɔmaa yɛkohuro ye dwirɛ ɔ.

Yesaya 7:14

Yiti AWURADE bɔbɔ kɔma ɛmɔ sɛngyerɛnneɛ. Ɛ́mɔtie! taluwa bie kɔnwonzɛ kɔwo baa bienzua, na ɔkɔto ye dumaa Yimanuel.

Yesaya 9:6

Ofikyɛ bawo akwadaa bama yɛ, bama yɛ baa bienzua, ye yeɛ ahennie ne kowura ye sa ɔ, na ye dumaa ne, bɛkɔfrɛ ye kyɛ, “Foɛtulɛniɛ Nwanwaniɛ, Nyameɛ Tuminiɛ, Seɛ bɔ ɔwɔ berɛ Afebɔɔ, Asomdwee Hene.”

Mika 5:2

Nakoso wɔ, ao Betlehem Efrata, ɔwɔ nu kyɛ ɛte kãa wɔ Yuda nguro nemɔ anu de, nakoso bɔ ɔkɔyɛ Yisrael maenbulɛniɛ ne, bɔ ye ahyɛaseɛ fi tete, bɔ ofi mmerɛ bɔ olle ahyɛaseɛ ne, wɔ yeɛ okofi wɔ nu kɔwa kɔma me ɔ.

Sakaria 6:12

ná se ye kyɛ, Asafo AWURADE nwa nyoo: Tie, biaa bɔ ye dumaa li ‘MMAEN’ ne, ye ɛhe. Ɔkɔfefɛ kofi ye boso, na okosi AWURADE asɔneyɛɛ sua ne.

Sakaria 9:9

O Sion awa brasua, di ahurusi paa! O Yerusalem awa brasua, bɔ ese! Tie, wɔ Hene ne ɔ́ba wɔ berɛ, ɔtengyɛ, na ye yeɛ ngoalelɛ wɔ ye berɛ ɔ, odwo, na ɔte afunum so, afunum akrɔngrɔma so, bɔ ɔte afunum beleɛ ɔ.

Mateo 10:3

Filipo ne Batolomeo; Tɔmase ne Mateo bɔ ɔte ɛtoɔdidelɛniɛ ne; Yakobo bɔ ye baba ole Alfeo ne, yeɛ Tadeo;

Mateo 13:55

Bakaa dwumvoɛ ne, aso nna ɔwa ne ɛhe? Aso bɛmvrɛ ye maame Maria? Aso nna oliɛma mmienzua mɔ ole Yakobo ne Yosef ne Simɔn ne Yudase?

Mateo 2:23

Na ɔhɔle kuro bie bɔ bɛfrɛ ye Nasarɛte so ɔɔtenane berɛ. Na ɛhe mane bɔ ngɔmhyɛlɛfoɛ nemɔ hane ne wale nu kyɛ, “Bɛkɔfrɛ ye Nasarɛteniɛ.”

Mateo 21:11

Na ɛlɔen ne buale kyɛ, “Ɛhe ole Yesu, ngɔmhyɛlɛniɛ ne bɔ ofi Nasarɛte bɔ ɔwɔ Galilea ne.”

Marko 14:67

Onwuni Petro kyɛ ɔto see, ɔneane ye haa, na osele kyɛ, “Wɔ koso, né ɛne Nasarɛteniɛ Yesu yeɛ bɛnate ɔ!”

Marko 6:3

Aso nna Maria awa bɔ ɔte bakaa dwumvoɛ ne ɛhe? Aso nna Yakobo ne Yose ne Yudase ne Simɔn b’eliɛma ne ɛhe? Nna oliɛma mmrasua mɔ yeɛ yɛne bɛ wɔ wa ye?” Yiti bɛpole ye.

Luka 18:37

Na bebuale ye kyɛ, “Yesu bɔ ofi Nasarɛte ne yeɛ ɔpɛ nu kɔ ɔ.”

Luka 2:4

Na Yosef koso, ofili Nasarɛte bɔ ɔwɔ Galilea sili nu hɔle Dawide kuro Betlehem bɔ ɔwɔ Yudea, ɔnate kyɛ né ofi Dawide awuro ne ye abusua nu.

Luka 2:48

Na benwuni ye nen, bɛ nwo dwirili bɛ, na ye maame sele ye kyɛ, “Mma, nzikyɛ dwirɛ yeɛ afa ali yɛ sɔa ye? Tie, me ne wɔ baba yɛle ahunundetelɛ yeɛ yapena wɔ ɔ.”

Luka 24:27

Na ɔhyɛle ye bo fili Mose ne ngɔmhyɛlɛfoɛ ne amukoraa so ohyirehyire Ahyerɛlɛ ne amukoraa nu dwirɛ bɔ ɔfa ye nwo ɔ nu hyirele bɛ.

Luka 24:44

Na osele bɛ kyɛ, “Ɛhemɔ ole me dwirɛ bɔ nga ngyirele ɛmɔ ne, mmerɛ bɔ né me ne ɛmɔ yɛwɔ berɛ ne, kyɛ bɔ bahyerɛ bafa me nwo amukoraa wɔ Mose mmeraa ne ngɔmhyɛlɛfoɛ ne Edwein Nwomaa ne anu ne, ɔsɛ kyɛ ɔba nu ɔ.”

Luka 3:23

Yesu hyɛle ye adwuma ne abo nen, né wali afoɛ kɔyɛ aburasa. Ye baba (kyɛbɔ né mmenia bede bedi ne) ye ole Yosef bɔ ɔse ole

Luka 4:22

Na bɛ mukoraa bɛhane edwirɛ paa bɛfale Yesu nwo, na ye noa dwirɛ bɔ ɔte adom dwirɛ ne ɔyɛle bɛ nwanwa; nakoso bebisale kyɛ, “Aso nna Yosef awa ne ɛhe anaa?”

Yohane 1:44

Filipo fi Betesaeda, Andrea ne Petro bɛ kuro.

Yohane 12:21

Yeɛ sɔ mmenia nemɔ bɛwale Filipo bɔ ofi Betesaeda bɔ ɔwɔ Galilea ne berɛ, na besele ye kyɛ, “Yɛ mene, yɛpena kyɛ yɛnwu Yesu.”

Yohane 14:8

Yeɛ Filipo sele ye kyɛ, “Awurade, kyire yɛ Baba ne, na bɔ yɛhia hɔ ala ɛne.”

Yohane 18:5

Na bebuale ye kyɛ, “Yesu, Nasarɛteniɛ ne.” Yeɛ Yesu sele bɛ kyɛ, “Me ɛhe.” Na Yudase bɔ ɔyele ye mane ne, né ɔne bɛ yeɛ begyigyi berɛ ɔ.

Yohane 18:7

Yeɛ obisale bɛ bieku kyɛ, “Ɛmɔpena nwa?” Na bebuale kyɛ, “Yesu, Nasarɛteniɛ ne.”

Yohane 19:19

Na Pilato hyerɛle edwirɛ bie bɔle mmeamudua n’anwuro kyɛ, “Yesu, Nasarɛteniɛ, Yudafoɛ Hene Ne.”

Yohane 21:2

Né Simɔn Petro, Tɔmase bɔ bɛfrɛ ye Ata ne, Nataneɛl bɔ ofi Kana bɔ ɔwɔ Galilea, Sebedeo mma nemɔ, yeɛ ye asuafoɛ nemɔ anu nyɔ bɛwɔ neka horɛ.

Yohane 6:42

Na bɛhane kyɛ, “Aso nna ɛhe ole Yesu, Yosef awa ne, bɔ yɛse ye baba ne ye maame ɔ? Ɔyɛle sɛɛ bɔ afei ɔkã kyɛ, ‘Mvi nyameɛso yeɛ mmale ase ɔ?’ ”

Yohane 6:5

Afei Yesu tole ye nye, na onwuni kyɛ mmenia pembepembe bɛba ye berɛ nen, obisale Filipo kyɛ, “Nisua yeɛ yɛkonya aleɛ yɛkɔtɔ yɛkɔma mmenia ye bekoli ɔ?”

Yohane 6:7

Na Filipo buale ye kyɛ, “Denare ɛyaa nyɔ po ɔngɔso paanoo bɔ ebiala konya kaala koli ɔ tɔ.”

Asomafoɛ 10:38

kyɛbɔ Nyameɛ fale Sunzum Krongron ne tumi popale Yesu bɔ ofi Nasarɛte; kyɛbɔ ohyinihyini yɛlɛ paa, ɔsale bɛ bɔ abɔnzam hyɛ bɛ so amukoraa anwonyerɛ ɔ, ofikyɛ Nyameɛ boka ye so.

Asomafoɛ 2:22

“Yisraelfoɛ, ɛmɔtie edwirɛ he! Yesu bɔ ofi Nasarɛte ne, ɔte sona bɔ Nyameɛ yele ye tumi ne hyirele ɛmɔ wɔ nzɛngyerɛnneɛ ne anwanwadeɛ bɔ Nyameɛ fale ye so yɔle, kyɛbɔ ɛmɔ bɔbɔ bɛse ne, ofikyɛ ɛhe amu sili ɛmɔ nyunu.

Asomafoɛ 22:8

Na mmisale kyɛ, ‘Wɔ nwa ɛne, Awurade?’ Na osele me kyɛ, ‘Me ole Yesu bɔ ofi Nasarɛte bɔ ɛtane ye nye ne.’

Asomafoɛ 26:9

“Me bɔbɔ nyɛle kyɛ odi kyɛ meyɔ nningyein pee mefa meko metia Nasarɛteniɛ Yesu ne dumaa.

Asomafoɛ 3:6

Na Petro sele ye kyɛ, “Ɛdwetɛ ne sikaa de, nnne bie, na bɔ nne ye ne yeɛ mefa mema wɔ ɔ. Nasarɛteniɛ Yesu Kristo dumaa nu, dwɔso nate!”