Yohane 1:41 - AHYERƐLƐ KRONGRON

⁴¹ Olili moa nwuni oliɛma Simɔn, na osele ye kyɛ, “Yanwu Mɛsaya ne” (bɔ ye bo kyire Kristo ne).

Yohane 1:41 Iomraidhean Croise

2 Ahemvo 7:9

Yeɛ besisele bɛ nwo kyɛ, “Nikyee bɔ yɛyɔ ye, ɔtte mayee. Ɛnɛ te ndɛenvɛen kyẽa. Sɛ yammɔ so ná yɛtena berɛ ma aleɛ kye a, yɛkoli ye nwo fɔ. Yiti ɛ́mɔma yɛhɔ ahemvie yɛɛbɔ amaneɛ.”

Edwein 2:2

Aseɛ ye aso ahemvo boaboa bɛ nwo, na maenbulɛfoɛ bɛbɔ nu bɛfa adwene betia AWURADE ne bɔ AWURADE wapopa ye ngoo ne kyɛ,

Edwein 45:7

Ekuro tenenee, na ekyi amumuyɛɛ. Ɛhe ati yeɛ Nyameɛ, wɔ Nyameɛ ne, wafa anika ngoo wapopa wɔ maa wabo wɔ mmango mɔ deɛ so ɔ.

Edwein 89:20

Manwu me somvoɛ Dawide, mafa me ngoo krongron ne mapopa ye.

Yesaya 11:2

AWURADE Sunzum kɔwa ye so, nworɛ ne ndeaseɛ sunzum, foɛtulɛ ne tumi sunzum, nimdeɛ ne AWURADE surolɛ sunzum.

Yesaya 61:1

AWURADE Nyameɛ Sunzum wɔ me so, ɔnate kyɛ AWURADE apopa me ngoo kyɛ nga nzɛmba ngyire bɛ bɔ bɛyɛ anwumvo ɔ; wasoma me kyɛ mmangyekye bɛ bɔ bɛ wora abɔ ɔ bɛ wora, kyɛ nga ngyire bɛ bɔ bahye bɛ nnure ɔ kyɛ banya fawɔnwodi, ɔne bɛ bɔ babɔ bɛ panwu ɔ kyɛ bayakyi bɛ;

Mateo 1:23

“Tie, ababunu ne kɔnwonzɛ kɔwo baa bienzua, na bɛkɔto ye dumaa Yimanuel, (bɔ ye bo kyire kyɛ, Nyameɛ ne yɛ wɔ berɛ).”

Luka 2:17

Na benwuni ye nen, bɛhane akwadaa ne nwo dwirɛ bɔ bɛhã behyirele bɛ ne behyirele bɛ.

Luka 2:38

Na sɔ mmerɛ ne anu ala, ye koso oogyinane berɛ bie yele Nyameɛ ayɛ sɔ ala, na ɔhane akwadaa ne nwo dwirɛ hyirele bɛ bɔ né bɛ́nwondɛ elelɛ bɔ bɛkɔɔpɔ Yerusalem bekole ye ne.

Yohane 1:45

Filipo nwuni Nataneɛl, na osele ye kyɛ, “Bɔ Mose, wɔ mmeraa ne anu, ɔne bɔ ngɔmhyɛlɛfoɛ bɛhyerɛle ye nwo dwirɛ ne, yanwu ye: Yesu bɔ ofi Nasarɛte, Yosef awa ne.”

Yohane 4:25

Yeɛ braa ne sele ye kyɛ, “Mese kyɛ Mɛsaya (bɔ bɛfrɛ ye Kristo) ne ɔ́ba, na sɛ ɔba a, ye yeɛ okohyire yɛ nningyein amukoraa ɔ.”

Asomafoɛ 10:38

kyɛbɔ Nyameɛ fale Sunzum Krongron ne tumi popale Yesu bɔ ofi Nasarɛte; kyɛbɔ ohyinihyini yɛlɛ paa, ɔsale bɛ bɔ abɔnzam hyɛ bɛ so amukoraa anwonyerɛ ɔ, ofikyɛ Nyameɛ boka ye so.

Asomafoɛ 4:27

Ɔte nahorɛ, Herode ne Pontio Pilato ne Amaenmaensofoɛ ne Yisrael maen beyiale sɔ kuro he anu bɛbɔle wɔ Ɛwa Krongron Yesu bɔ apopa ye ngoo ne ti so porɛ.

1 Yohane 1:3

Bɔ yanwu ye ná yate ne yeɛ yɛ koso yɛbɔ ye dawure yɛkyire ɛmɔ ɔ, amaa ɛmɔ koso ɛmɔ ne yɛ atira abiɛngoɛ; na y’abiɛngoɛ he, yɛne Baba ne, ɔne Ɔwa Yesu Kristo yeɛ yatira ɔ.