Yohane 1:38 - AHYERƐLƐ KRONGRON

³⁸ Yesu kakyili ye nwo, na onwuni kyɛ beli ye si nen, obisale bɛ kyɛ, “Ɛmɔpena nzu?” Na bebuale ye kyɛ, “Rabi” (ye bo kyire Kyerɛkyerɛniɛ), “nisua yeɛ ɛte ɔ?”

Yohane 1:38 Iomraidhean Croise

1 Ahemvo 10:8

Ɛye mɔ ato ali! Wɔ somvoɛ hemɔ bɔ daa bɛso wɔ ná betie wɔ nworɛ dwirɛ ne, bato bali!

Edwein 27:4

Nikyee komapɛ yeɛ masrɛ AWURADE ɔ, sɔ nikyee ne yeɛ mepena ye si atee ɔ: ye ole kyɛ ngɔtena AWURADE awuro mmerɛ bɔ nde ase amukoraa, ná manea AWURADE animnyam, ɔne kyɛ me ne ye yɛkoli ngitahoɛ wɔ ye asɔneyɛɛ sua nu ɔ.

Anyandera 13:20

Sɛ ɛne nworɛniɛ nate a, enwu nworɛ, nakoso sɛ ɛne ngwaseafoɛ bɛbɔ afɛ a, edwirɛ to wɔ.

Anyandera 3:18

Ɔte ngoa bakaa ma bɛ bɔ betira ye nu ɔ, na bɛ bɔ bɛsɔ ye nu bum ne, benya saleɛ.

Anyandera 8:34

Sona bɔ otie me, bɔ ɔwɛne daa biala wɔ me pambim nu, ná ɔnwondɛ wɔ m’anoa nu ne, onya saleɛ.

Awuye 5:19

Nakoso AWURADE, wɔ de ɛwɔ berɛ afebɔɔ; w’ahennie bia wɔ berɛ aworɛ ndoatoasoɛ amukoraa nu.

Luka 10:39

Né Maata le aliɛma brasua bie bɔ bɛfrɛ ye Maria ɔ, na ɔɔtenane Yesu gya bo berɛ otiele ye ngyerɛkyerɛ.

Luka 14:25

Né mmenia pee yeɛ bɛne Yesu bɛ́kɔ ɔ, na ɔkakyili ye nwo sele bɛ kyɛ,

Luka 15:20

Yiti odwɔsole sili nu kyɛ osa kɔ ye baba berɛ. Na ɔwɔ dedeede nen, yeɛ ye baba nwuni ye ɔ, na ɔyɛle ye anwumvo, na baba ne tuli amirika ɔɔfale ye sa tole ye kɔme anu, na ɔyɛle ye awaawaatuu.

Luka 19:5

Na Yesu dwuli berɛ nen, ɔtole ye ti anwuro, onwuni ye, na osele ye kyɛ, “Sakeo, dwu bra ndɛndɛ! Ofikyɛ w’awuro yeɛ ɔsɛ kyɛ mesikye ɛnɛ ɔ.”

Luka 22:61

Na Awurade pɛle ye nye neane Petro nyunu, na Petro kayele Awurade dwirɛ bɔ ɔhã hyirele ye kyɛ, “Ɛnɛ, akɔ ngɔbɔ né ahã ye pɛen nza kyɛ ɛnze me” ne.

Luka 8:38

Na biaa bɔ sunzummɔne mɔ tu fili ye nu ne, ɔsrɛle Yesu kyɛ ɔne ye bɛkɔhɔ; nakoso Yesu guale ye ate, na osele kyɛ,

Yohane 1:37

Asuafoɛ nyɔ ne tele bɔ ɔhane ne, na beelili Yesu si.

Yohane 1:39

Na osele bɛ kyɛ, “Ɛmɔbra bɛɛnea.” Na bɛhɔ bɛɛneane nekaa bɔ ɔte ɔ, na bɛɛtenane ye berɛ sɔ kyẽa ne, ofikyɛ né wabɔ kɔyɛ nɔsoa nnɔnan.

Yohane 1:49

Nataneɛl buale kyɛ, “Rabi, wɔ ole Nyameɛ Awa ne! Wɔ ole Yisrael Hene ne!”

Yohane 12:21

Yeɛ sɔ mmenia nemɔ bɛwale Filipo bɔ ofi Betesaeda bɔ ɔwɔ Galilea ne berɛ, na besele ye kyɛ, “Yɛ mene, yɛpena kyɛ yɛnwu Yesu.”

Yohane 18:4

Na Yesu de, né ɔse bɔ ɔbaato ye amukoraa; na ɔhɔle ye nyunu moa, na obisale bɛ kyɛ, “Ɛmɔpena nwa?”

Yohane 18:7

Yeɛ obisale bɛ bieku kyɛ, “Ɛmɔpena nwa?” Na bebuale kyɛ, “Yesu, Nasarɛteniɛ ne.”

Yohane 3:2

Sɔ biaa ne wale Yesu berɛ kɔngɔen oosele ye kyɛ, “Rabi, yɛse kyɛ ɛte kyerɛkyerɛniɛ bɔ efi Nyameɛ berɛ ɔ; ofikyɛ ebiala ngɔhora ngɔyɔ nzɛngyerɛnneɛ hemɔ bɔ ɛyɔ ye, sana Nyameɛ boka ye so.”

Yohane 3:26

Na bɛwale Yohane berɛ beesele ye kyɛ, “Rabi, biaa bɔ né ɛne ye bɛwɔ asue Yɔɔdan si dɔ, bɔ elili ye nwo adanzeɛ nen, tie, ye koso ɔ́bɔ asu, na mmenia mukoraa bébiri bɛ́kɔ ye berɛ.”

Yohane 4:31

Na sɔ mmerɛ ne anu, asuafoɛ nemɔ srɛle ye kyɛ, “Rabi, didi.”

Yohane 6:25

Na beenwuni ye wɔ ɛpo ne asi dɔ nen, bebisale ye kyɛ, “Rabi, mmerɛ beni yeɛ ɛwale wa ɔ?”

Asomafoɛ 10:21

Yiti Petro dwu hɔle mmenia bɔ Kɔneleo somane bɛ wɔ ye berɛ nemɔ nwo berɛ, na osele kyɛ, “Me ole sona bɔ ɛmɔpena ye ne; ɛmɔ atee so?”

Asomafoɛ 10:29

Yiti yeɛ ɔmaa mambopo me ti wɔ mmerɛ bɔ ɛmɔtole bɛ sa bɛfrɛle me ne. Na afei mepena kyɛ menwu nikyee bɔ yiti yeɛ ɛmɔsomane kyɛ bɛɛfa me ne.”

Rutu 1:16

Nakoso Rutu buale kyɛ, “Nnɛhyɛ me kyɛ nyakyi wɔ nu ngɔ, anaakyɛ nyakyi wɔ si lilɛ! Nekaa bɔ ɛkɔhɔ ne, berɛ yeɛ ngɔhɔ ɔ; yeɛ nekaa bɔ ɛkɔtena ne, berɛ yeɛ ngɔtena ɔ; wɔ maen kɔyɛ me maen, yeɛ wɔ Nyameɛ kɔyɛ me Nyameɛ.