Yohane 1:18 - AHYERƐLƐ KRONGRON

¹⁸ Ebiala nnwuni Nyameɛ le; sana Baa komapɛ twe ne, bɔ ɔla Baba n’ahone nwo ne, na ye yeɛ wala ye ali wahyire ɔ.

Yohane 1:18 Iomraidhean Croise

Gyenesise 16:13

Yiti Hagar frɛle AWURADE bɔ odwudwo hyirele ye ne kyɛ, “Ɛte Nyameɛ bɔ enwu nikye ɔ”, na Hagar hane kyɛ, “Aso manwu AWURADE yeɛ ndɛ te ase ye?”

Gyenesise 18:33

Na AWURADE ne Abraham bedwudwole beyiele nen, ofili berɛ hɔle; na Abraham koso osa hɔle ye awuro.

Ɛksadɔso 23:21

Suro ye ná tie ye dwirɛ. Nnɛtwi fa ye dwirɛ so, na ɔngɔfa ɛmɔ mmeraatolɛ ngɔhyɛ ɛmɔ, ofikyɛ me dumaa la ye so.

Ɛksadɔso 24:10

Na benwuni Yisrael Nyameɛ ne. Né nikyee bie te kyɛ safire nyɔbotɛnderɛ wɔ ye gya bo, bɔ ye nye te kyɛ ewienu ala ɔ.

Anyandera 8:30

né nwɔ ye nwo berɛ, kyɛ dwumvoɛ titire paa, né nde ye anika daa, na né medi ahurusi wɔ ye nyunu mmerɛ biala.

Yesaya 40:11

Ɔkɔma ye mmoaen nemɔ aleɛ kyɛ mmoaenneafoɛ, ɔkɔfa ye sa kɔboaboa ye mmoaen mmaa nemɔ noa, ɔkɔfa bɛ kɔbɔ ye hue so, na okoli mmoaen mmrataen nemɔ anyunu ngaka ngaka.

Awuye 2:12

Bebisa bɛ maame mɔ kyɛ, “Nisua yeɛ aleɛ ne nzaa wɔ ɔ?” Mmerɛ bɔ bɛ nye so buruli bɛ kyɛ mmenia bɔ bapura wɔ kuro berɛ dwaa nemɔ aso; mmerɛ bɔ bɛka nu wɔ bɛ ni mɔ sa so ne.

Numeri 12:8

Ye de megyina ye nyunu me ne ye yɛdwudwo pefee; mendwudwo mengyire ye anyandera nu; na onwu kyɛbɔ AWURADE ye sue te ɔ. Nzu ati yeɛ ɛmɔanzuro kyɛ ɛmɔkodwudwo bekotia me somvoɛ Mose ɔ?”

Mateo 11:27

Me Baba afa nningyein amukoraa awura me sa; na ebiala nze Baa ne, sana Baba ne; yeɛ ebiala nze Baba ne, sana Baa ne ne ebiala bɔ Baa ne kuro kyɛ ɔda ye adi kyire ye ɔ.

Luka 10:22

“Me Baba afa nningyein amukoraa awura me sa; na ebiala nze kyɛbɔ Baa ne te ɔ, sana Baba ne. Yeɛ ebiala nze kyɛbɔ Baba ne te ɔ, sana Baa ne ne ebiala bɔ Baa ne kuro kyɛ ɔda ye adi kyire ye ɔ.”

Yohane 1:14

Na Edwirɛ ne ɔɔyɛle anwoɔnaen, na ɔne yɛ ɛɛtenane, na yɛnwuni ye animnyam kyɛ Baba n’Awa bɔ ɔwole ye komapɛ twe n’animnyam, na adom ne nahorɛ ayi ye tɛkyɛ.

Yohane 12:41

Yesaya hane sɔ, ofikyɛ onwuni ye animnyam, na ɔhane ye nwo dwirɛ.

Yohane 13:23

Na asuafoɛ nemɔ anu ko bɔ Yesu kuro ye dwirɛ paa ne, né watena wakisa Yesu.

Yohane 14:9

Na Yesu buale ye kyɛ, “Filipo, me ne ɛmɔ yɛwɔ berɛ dadadada ye, aso ɛnze me? Ebiala bɔ wanwu me ne, wanwu Baba ne; na nzu ati yeɛ ɛkã kyɛ, ‘Kyire yɛ Baba ne’ ɔ?

Yohane 17:26

Mala wɔ dumaa ali mahyire bɛ, na ngɔla ye ali ngohyire; amaa ɔnate so ehurolɛ bɔ ekuro me dwirɛ ne watena bɛ nu, ná me koso matena bɛ nu.”

Yohane 17:6

“Mmenia bɔ ɛyele bɛ fili wiase fa mane me ne, mala wɔ dumaa ali mahyire bɛ. Bɛte wɔ deɛ, na ɛfale bɛ mane me, na bali wɔ dwirɛ so.

Yohane 3:11

Nahorɛ nu paa, mekã mekyire wɔ kyɛ: Bɔ yɛse yeɛ yɛkã ɔ, na bɔ yanwu ye yeɛ yɛdi ye nwo adanzeɛ ɔ; nakoso ɛmɔnne yɛ adanzeɛ ne benni.

Yohane 6:46

Nna kyɛ sona bie anwu Baba ne, sana bɔ ofi Nyameɛ berɛ ne, na ye yeɛ wanwu Baba ne ɔ.

2 Korintofoɛ 4:4

Bɛ yeɛ ewiase wa nyameɛ ama bɛ bɔ benne benni ne, b’adwene ali naakye, amaa Kristo bɔ ole Nyameɛ sue n’animnyam nzɛmba kanea ne, wanda bɛ so.

Deuteronomi 4:12

Afei AWURADE dwudwo hyirele ɛmɔ fili see ne anu. Ɛmɔtele edwudwolɛ de, nakoso ɛmɔannwu AWURADE, komviɛ ne ala yeɛ ɛmɔtele ɔ.

Kolosefoɛ 1:15

Ye yeɛ ɔte Nyameɛ bɔ anyeɛ onnwu ye ne ye sɛso ɔ, abɔdeɛ amukoraa nu farebae.

1 Timoteo 1:17

Afei, anidie ne animnyam hã daa daa Hene ne, bɔ ɔte ase daa, bɔ anyeɛ nnwu ye, Nyameɛ komapɛ twe ne, afebɔɔ! Amen.

1 Timoteo 6:16

bɔ ye ngome twe yeɛ onwu, ná ɔwɔ berɛ afebɔɔ, bɔ ɔte kanea bɔ ebie ngora mbingye ye nu, bɔ ebiala nnwuni ye le, ná ebiala ngɔhora ngonwu ye ne. Ye yeɛ anidie ne daa tumi te ye deɛ ɔ! Amen.

Yosua 5:13

Ɛlɛho bie, né Yosua wɔ nekaa bie bɔ opingye Yeriko. Ɔmane ye ti so, na mvum nu, onwuni biaa bie bɔ wahwe ngrandɛ watira ɔ kyɛ ogyi ye nyunu berɛ. Na Yosua hɔle ye nwo berɛ oobisale ye kyɛ, “Ɛboka yɛ so, anaa ɛboka yɛ pɔfoɛ nemɔ so?”

1 Yohane 4:12

Ebiala nye nnwuni Nyameɛ le, nakoso sɛ yɛkurokuro yɛ nwo dwirɛ a, Nyameɛ tena yɛ nu, na ye dɔ ne di mu bɔkɔɔ wɔ yɛ nu.

1 Yohane 4:20

Na sɛ ebie kã kyɛ “Mekuro Nyameɛ dwirɛ”, nakoso ɔpɔ oliɛma a, né ɔte ngondomboniɛ, ofikyɛ sɛ ebie nguro oliɛma bɔ onwu ye ne dwirɛ a, ɔkɔyɛ sɛɛ ná wahora wahuro Nyameɛ bɔ onnwu ye ne dwirɛ?

1 Yohane 4:9

Kyɛbɔ Nyameɛ yele ye dɔ ne ali wɔ yɛ nu ɛhe: Nyameɛ somane Ɔwa komapɛ twe ne maa ɔwale wiase, amaa ɔnate ye so yanya ngoa.

1 Yohane 5:20

Yɛsa yɛse kyɛ Nyameɛ Awa ne awa, na wabukye y’adwene nu maa yanwu nahorɛniɛ ne. Yɛne Ɔwa Yesu Kristo bɔ ɔte nahorɛniɛ ne atira abiɛngoɛ, na ye yeɛ ɔte nahorɛ Nyameɛ ne ɔne daa ngoa ne ɔ.