Yohane 1:17 - AHYERƐLƐ KRONGRON

¹⁷ Mmeraa ne de, bɛnate Mose so yeɛ bɛfa bɛmane ɔ; na adom ne nahorɛ ne de, ɔnate Yesu Kristo so yeɛ bɛwale ɔ.

Yohane 1:17 Iomraidhean Croise

Gyenesise 22:18

Ɔnate wɔ boso ama so yeɛ aseɛ ye aso maen maen amukoraa bekonya saleɛ ɔ, ofikyɛ atie me dwirɛ.”

Gyenesise 3:15

Ngɔfa ɛpɔen ngɔto wɔ ne braa n’afia, yeɛ wɔ boso ama ne ye boso ama b’afia; ɔkɔgyerɛgyerɛ wɔ ti, na wɔ wora aha ye gya si.”

Edwein 85:10

Ɔdɔ bɔ onni ngasi ne, ɔne nahorɛlilɛ bekoyia; tenenee ne asomdwee bɛkɔyɛ bɛ nwo awaawaatuu.

Edwein 98:3

Wakaye ye ɔdɔ bɔ onni ngasi ne, ɔne ye nahorɛlilɛ bɔ wala ye ali wahyire Yisrael awuro ama ne. Aseɛ so nekaa amukoraa banwu yɛ Nyameɛ ye ngoalelɛ ne.

Mika 7:20

Ɛkɔye nahorɛlilɛ ali kohyire Yakob, ɔne anwumvoinnwunɛ ali kohyire Abraham, kyɛbɔ ata ye nwo ndaen ahyire yɛ nana mɔ fi daa tete ne.

Yohane 1:14

Na Edwirɛ ne ɔɔyɛle anwoɔnaen, na ɔne yɛ ɛɛtenane, na yɛnwuni ye animnyam kyɛ Baba n’Awa bɔ ɔwole ye komapɛ twe n’animnyam, na adom ne nahorɛ ayi ye tɛkyɛ.

Yohane 14:6

Na Yesu buale ye kyɛ; “Me ole atee ne, nahorɛ ne, ɔne ngoa ne; ebiala mma Baba ne berɛ, sana ɔnate me so.

Yohane 18:37

Yeɛ Pilato bisale ye kyɛ, “Yiti ɛte ɛhene ɛne?” Na Yesu buale kyɛ, “Wɔ yeɛ ɛkã kyɛ nde ɛhene ɔ. Me de, ɛhe ati yeɛ bɛwole me ɔ, na ɛhe ati yeɛ mawa wiase ɔ, kyɛ mebaali nahorɛ ne nwo adanzeɛ. Na ebiala bɔ ofi nahorɛ ne anu ne, otie me dwirɛ.”

Yohane 5:45

Nnɛma ɛmɔdwene kyɛ me yeɛ ngɔbɔ ɛmɔ kwaadu wɔ me Baba ne nyunu ɔ; bɔ ɔbɔ ɛmɔ kwaadu ne wɔ berɛ, na ye ole Mose bɔ ɛmɔafa ɛmɔ nye bato ye so ne.

Yohane 7:19

Aso Mose amva mmeraa ne wamma ɛmɔ? Nakoso ɛmɔ nu biala nni mmeraa ne aso. Nzu ati yeɛ ɛmɔpena me beku me ɔ?”

Yohane 8:32

na ɛmɔkonwu nahorɛ ne, na nahorɛ ne kɔyɛ ɛmɔ nnehyeɛ.”

Yohane 9:29

Yɛse kyɛ Nyameɛ dwudwo hyirele Mose, nakoso sɔ biaa he de, yɛnze nekaa bɔ ofi ɔ!”

Asomafoɛ 28:23

Bɛ ne Pɔɔlo hyɛle kyẽa, na kyẽa ne dwuli ne, mmeni pee wale ye berɛ wɔ nekaa bɔ ɔte ne. Ɔhane Nyameɛ ahennie ne nwo dwirɛ, na ohyirehyirele nu hyirele bɛ. Na ɔfale Mose mmeraa ne ngɔmhyɛlɛfoɛ dwirɛ ne hyirele bɛ Yesu nwo dwirɛ tonn fite ngyerɛmɔ ma aleɛ dwole.

Asomafoɛ 7:38

Mmerɛ bɔ Yisrael ɛlɔen ne yiale ɛserɛ so nen, né Mose boka bɛ so; ɔne yɛ nana mɔ yeɛ né bɛwɔ berɛ ɔ, afei koso né ɔne abɔfo bɔ odwudwo hyirele ye wɔ Sinai Bokaa ne aso ne wɔ berɛ, na olele Nyameɛ ngoa dwirɛ ne mane yɛ.

Romanfoɛ 6:14

Nnɛmɔma bɔne di ɛmɔ so hene, ofikyɛ nna mmeraa bo yeɛ ɛmɔwura ɔ, na mmom ɛmɔwura Nyameɛ adom bo.

2 Korintofoɛ 1:20

Ofikyɛ Nyameɛ bɔhyɛ bɔ ɔwɔ ye nu amukoraa te “Yoo.” Na ɔnate sɔ ne ati, ye so yeɛ yɛfa yɛkã “Amen” yɛhyɛ Nyameɛ animnyam ɔ.

Galatiafoɛ 3:17

Bɔ mekyire ɛhe: mmeraa bɔ afoɛ ɛyaa nna ne aburasa si yeɛ ɔwale ne, ɔngora mbɛ apam bɔ Nyameɛ nate Kristo so maa olili mu ne anu, na ɔmma bɔhyɛ ne nyɛ mbaen.

Deuteronomi 33:4

Mose hyɛle mmeraa mane yɛ, kyɛ ɔte Yakob badwa agyapadeɛ.

Deuteronomi 4:44

Mmeraa bɔ Mose fa tole Yisraelfoɛ nyunu ne ɛhe.

Deuteronomi 5:1

Mose mane Yisraelfoɛ amukoraati beeyiale, na osele bɛ kyɛ, “O Yisrael, ɛ́mɔtie ahyɛdeɛ ne nhyehyɛleɛ bɔ méka ma ɛmɔte ye ɛnɛ kyẽa ye. Ɔsɛ kyɛ ɛmɔsua ná ɛmɔdi so pɛpɛɛpɛ.

Hebrifoɛ 9:22

Na kyɛbɔ mmeraa ne kyire ne, ɔpena yɛ kyɛ mogya yeɛ bɛfa bɛte nningyein amukoraa nwo ɔ, na sɛ mogya angua a, bɔnefakyɛ nne berɛ.