Yohane 1:14 - AHYERƐLƐ KRONGRON

¹⁴ Na Edwirɛ ne ɔɔyɛle anwoɔnaen, na ɔne yɛ ɛɛtenane, na yɛnwuni ye animnyam kyɛ Baba n’Awa bɔ ɔwole ye komapɛ twe n’animnyam, na adom ne nahorɛ ayi ye tɛkyɛ.

Yohane 1:14 Iomraidhean Croise

Edwein 2:7

Ngɔfa AWURADE ahyɛdeɛ ne ngɔto dwaa: Osele me kyɛ, “Mma ole wɔ, ɛnɛ mawo wɔ.

Edwein 45:2

Wɔ nwo yɛ nyemene tra sona biala; wɔ noa dwirɛ yɛ fɛ, yiti Nyameɛ ayira wɔ afebɔɔ.

Edwein 85:9

Amba, ye ngoalelɛ pingye bɛ bɔ besuro ye ɔ, na ye animnyam ne kɔtena ye aseɛ ne aso.

Yesaya 40:5

Na AWURADE animnyam ne kɔla ali, na anwoɔnaen amukoraa kɔbɔ nu konwu ye, ofikyɛ AWURADE noa dwirɛ ɛne.”

Yesaya 53:2

Ofikyɛ ofifili kyɛ bakaa horɔhorɔ bie wɔ ye nyunu, kyɛ ndii bɔ wafifi wɔ aseɛ wosee nu ɔ. Wannya sue anaa animnyam bɔ ɔkɔmaa yɛkɔnea ye ɔ, yeɛ wannya anwonyemene bɔ ɔkɔmaa yɛkohuro ye dwirɛ ɔ.

Yesaya 7:14

Yiti AWURADE bɔbɔ kɔma ɛmɔ sɛngyerɛnneɛ. Ɛ́mɔtie! taluwa bie kɔnwonzɛ kɔwo baa bienzua, na ɔkɔto ye dumaa Yimanuel.

Hesekiel 37:27

Bɛ nu yeɛ m’atenaleɛ ne koso kogyina ɔ. Amba, ngɔyɛ bɛ Nyameɛ, ná bɛ wora bayɛ me maen.

Mateo 1:16

Yakob wole Yosef bɔ ɔye ole Maria bɔ ɔwole Yesu bɔ bɛfrɛ ye Kristo ne.

Luka 2:11

ofikyɛ ɛnɛ kyẽa ye, bawo Ngoadefoɛ bɔ ye ole Kristo, Awurade ne, bama ɛmɔ wɔ Dawide kuro.

Luka 2:7

Ɔwole ye bamuɛbaa bienzua, na ɔfale ɛtena kyekyele ye nwo, na ɔfale ye tole alaka bɔ nyɛmmoa didi nu ɔ nu, ɔnate kyɛ bannya ɛwɔfoɛ sua banzikye nu.

Luka 9:32

Na nnaa fale Petro ne bɛ bɔ bɛboka ye so ne, na betingyele ne, benwuni Yesu animnyam ne, ɔne mmienzua nyɔ bɔ bɛ ne ye gyi berɛ ne.

Yohane 1:1

Ahyɛaseɛ ne, né Edwirɛ ne wɔ berɛ, né Edwirɛ ne ne Nyameɛ yeɛ bɛwɔ berɛ ɔ, na Edwirɛ ne ala yeɛ ɔte Nyameɛ ɔ.

Yohane 11:40

Yeɛ Yesu sele ye kyɛ, “Manga mangyire wɔ kyɛ, sɛ ede di a ekonwu Nyameɛ animnyam?”

Yohane 14:6

Na Yesu buale ye kyɛ; “Me ole atee ne, nahorɛ ne, ɔne ngoa ne; ebiala mma Baba ne berɛ, sana ɔnate me so.

Yohane 14:9

Na Yesu buale ye kyɛ, “Filipo, me ne ɛmɔ yɛwɔ berɛ dadadada ye, aso ɛnze me? Ebiala bɔ wanwu me ne, wanwu Baba ne; na nzu ati yeɛ ɛkã kyɛ, ‘Kyire yɛ Baba ne’ ɔ?

Yohane 17:22

Na animnyam bɔ ɛfa mane me ne, mafa mama bɛ, amaa ɔnate so bayɛ ko, kyɛbɔ yɛte ko ne.

Yohane 17:24

“Baba, bɛ bɔ afa bɛ ama me ne, mekuro kyɛ nekaa bɔ nwɔ ne, bɛ koso bɛbaboka me so wɔ berɛ, amaa ɔnate so banwu m’animnyam bɔ ɛfa mane me ne; ofikyɛ ehurole me dwirɛ koraka yeɛ ewiase ahyɛaseɛ ɔba ɔ.

Yohane 18:37

Yeɛ Pilato bisale ye kyɛ, “Yiti ɛte ɛhene ɛne?” Na Yesu buale kyɛ, “Wɔ yeɛ ɛkã kyɛ nde ɛhene ɔ. Me de, ɛhe ati yeɛ bɛwole me ɔ, na ɛhe ati yeɛ mawa wiase ɔ, kyɛ mebaali nahorɛ ne nwo adanzeɛ. Na ebiala bɔ ofi nahorɛ ne anu ne, otie me dwirɛ.”

Yohane 2:11

Yesu nzɛngyerɛnneɛ nemɔ anu bɔ oli moa hɔ ɛne, na ɔyɔle ye wɔ Kana bɔ ɔwɔ Galilea; na ɔyele ye animnyam hyirele, na ye asuafoɛ nemɔ lele ye lili.

Yohane 3:16

Na kyɛbɔ Nyameɛ si hurole wiase dwirɛ nen, yiti yeɛ ɔmaa ɔfale Ɔwa komapɛ [bɔ ɔwole ye] ne mane ɔ, amaa ɔnate so ebiala bɔ okole ye koli ne wammini, na mmom wanya daa ngoa.

Yohane 3:18

Ebiala bɔ ode ye di ne, bemmua ye foɛ; nakoso bɔ onne nni ne de, babua ye foɛ dada, ofikyɛ onne Nyameɛ Awa komapɛ ne dumaa nni.

Yohane 6:51

Me ole ngoa paanoo bɔ ofi nyameɛso wale ase ne; na sɛ ebie di paanoo he bie a, ɔkɔtena ase daa; na paanoo bɔ ngɔfa ngɔma wiase ngoa ne, ye ole me nwonaen.”

Yohane 8:32

na ɛmɔkonwu nahorɛ ne, na nahorɛ ne kɔyɛ ɛmɔ nnehyeɛ.”

Asomafoɛ 13:33

kyɛ anohoba bɔ Nyameɛ bɔle yɛ nana mɔ ne, ɔnate Yesu bɔ otingyele ye ne aso wamaa wawa nu wama yɛ mɔ bɔ yɛte bɛ bosofoɛ ne, kyɛbɔ bahyerɛ ye wɔ Edwein bɔ ɔtɔ so nyɔ ne anu kyɛ, ‘Ɛte Mma; ɛnɛ mayɛ wɔ Baba.’

Romanfoɛ 8:3

Na bɔ mmeraa ne wangora wanyɔ, bɔ ɔnate kyɛ anwoɔnaen ne maa ɔyɛle mmerɛ ne ati, Nyameɛ ayɔ. Ɔsomane Ɔwa komapɛ ne maa ɔyɛle ye nwo kyɛ kuro sona, bɔ ole bɔne nwonaen ɔ, na ɔfa buale bɔne foɛ wɔ anwoɔnaen nu,

Romanfoɛ 9:5

Bɛ yeɛ yɛ nana mbanyi mɔ bɛte bɛ deɛ ɔ; na anwoɔnaen nu, bɛ bosoniɛ ole Kristo bɔ ɔte nningyein mukoraa so Nyameɛ bɔ bayira ye afebɔɔ ne. Amen.

1 Korintofoɛ 15:47

Bele nnɛterɛ yeɛ bɛbɔle sona bɔ oli moa ne ɔ, ofi nnɛterɛ nu. Sona bɔ ɔtɔ so nyɔ ne ole Awurade bɔ ofi nyameɛso ne.

2 Korintofoɛ 12:9

Nakoso obuale me kyɛ, “M’adom ne ala sone ma wɔ, ofikyɛ sona mmerɛyɛlɛ nu yeɛ me tumi ne ye ye nwo ali paa paa ɔ.” Yiti ngɔfa anika piri paa ngɔhoahoa me nwo wɔ me mmerɛyɛlɛ nu, amaa Kristo tumi ne wawura me nu.

Galatiafoɛ 4:4

Nakoso mmerɛ bɔ Nyameɛ ahyehyɛ ato berɛ ne dwuli ne, ɔsomane Ɔwa ne maa ɔwale. Brasua yeɛ ɔwole ye ɔ, na bɛwole ye bewurale mmeraa ne abo,

Ɛfesofoɛ 3:8

Ɔwɔ nu kyɛ me yeɛ nde kãa paa wɔ anwoteefoɛ ne amukoraa nu ɔ, nakoso Nyameɛ amaa manya sɔ adom he, kyɛ mmɔ Kristo anwonya bɔ ɔbo sona ndeaseɛ so ne dawure ngyire Amaenmaensofoɛ;

Kolosefoɛ 1:19

Na ɔsɔle Nyameɛ nye kyɛ ye sue ne amukoraa kɔtena Kristo nu ɔ.

Kolosefoɛ 2:3

Na ye nu yeɛ bafa nworɛ ne nimdeɛ agyapadeɛ mukoraa basie ɔ.

Kolosefoɛ 2:9

Ofikyɛ ye nu yeɛ Nyameɛ sue mumua ne amukoraa ɔte ɔ wɔ nipadua nu ɔ.

1 Timoteo 3:16

Aporowaa biala nne ye nwo kyɛ nyamesom nu mvealeɛ nu dwirɛ ne ɔte piri: Nyameɛ lale ye nwo ali anwoɔnaen nu, olili be wɔ Sunzum nu; abɔfo mɔ nwuni ye, bɛbɔle ye nwo dawure wɔ maen maen nu; belele ye belili wɔ wiase, na bɛfale ye bɛhɔle nyameɛso animnyam nu.

Hebrifoɛ 1:3

Ye yeɛ ɔte Nyameɛ animnyam hyireinn ne, ɔne ye sue kaenn, na ole ye tumi dwirɛ ne yeɛ otira nningyein mukoraa nu ɔ. Na ɔtele yɛ nwo fili yɛ bɔne nwo yiele nen, ɔɔtenane Tuminiɛ Nyameɛ sa famaa so wɔ nyameɛso.

Hebrifoɛ 1:5

Ɔnate kyɛ, abɔfo mɔ nu beni yeɛ Nyameɛ ahã ahyire ye le kyɛ, “Ɛte Mma, na ɛnɛ mayɛ wɔ Baba” ɔ? Anaakyɛ, “Ngɔyɛ ye Baba, na ye wora wayɛ Mma” ɔ?

Hebrifoɛ 10:5

Yiti mmerɛ bɔ Kristo wale wiase nen, osele kyɛ, “Anguro afɔleɛ ne ayɛyɛdeɛ, na mmom asiesie nipadua ama me.

Hebrifoɛ 2:11

Na bɔ ɔte mmenia nwo fi bɛ bɔne nwo ne, ɔne mmenia bɔ ɔte bɛ nwo ne amukoraa bɛ Baba te ko; na ɔnate sɔ ne ati, ɔnyɛ ye nya kyɛ ɔkɔfrɛ bɛ oliɛma mɔ ɔ.

Hebrifoɛ 5:5

Sɔ ala koso yeɛ Kristo amva sɔ dibea ne wando ye nwo so kyɛ ɔte sɔfo panyi paa ɔ, na mmom Nyameɛ bɔbɔ hã hyirele ye kyɛ, “Ɛte Mma, ɛnɛ mayɛ wɔ Baba.”

1 Yohane 4:14

Yanwu ye, na yɛdi adanzeɛ kyɛ Baba ne somane Baa ne maa ɔɔyɛle wiase Ngoadefoɛ.

1 Yohane 4:9

Kyɛbɔ Nyameɛ yele ye dɔ ne ali wɔ yɛ nu ɛhe: Nyameɛ somane Ɔwa komapɛ twe ne maa ɔwale wiase, amaa ɔnate ye so yanya ngoa.

2 Yohane 1:7

Ofikyɛ nnakannakafoɛ pee bawa wiase, na bɛ yeɛ benne bɛndo nu kyɛ Yesu Kristo awa anwoɔnaen nu waayɛ kuro sona ɔ. Na sona biala bɔ ɔyɔ sɔ ne, ɔte ngondomboniɛ ne antikristo.

Nyekyire 19:13

Né owura ataadeɛ bie bɔ bafa bawura mogya nu ɔ, na ye dumaa li “Nyameɛ Dwirɛ.”

Nyekyire 21:3

Na ndele kyɛ komviɛ piri bie fi ahennie bia ne anu ɔkã kyɛ, “Tie, Nyameɛ ɛtena sua ne ɔwɔ adasa mmaa nu, na ɔkɔtena nu wɔ bɛ nu, bɛkɔyɛ ye maen, na Nyameɛ bɔbɔ ɔne bɛ kɔtena, [ná wayɛ bɛ Nyameɛ.]”