Yohane 1:12 - AHYERƐLƐ KRONGRON

¹² Nakoso mmeni soma bɔ belele ye bɛtole nu, bɛ bɔ belele ye dumaa belili ne, ɔmane bɛ tumi maa bɛɛyɛle Nyameɛ mma;

Yohane 1:12 Iomraidhean Croise

2 Samuel 7:24

Afa wɔ maen Yisrael ayɛ wɔ bɔbɔ deinn wɔ maen afebɔɔ, na wɔ, AWURADE, ayɛ bɛ Nyameɛ.

Yesaya 56:5

ngɔma bɛ ngayeɛ nikyee ne dumaa wɔ m’awuro ɔne me fasue ne akunu, na sɔ nningyein nemɔ bedi mu bɛtra mmaa mmienzua ne mmaa mmrasua. Ngɔma bɛ dumaa afebɔɔ bɔ ongomini le ɔ.

Yeremia 3:19

“ ‘Ndwenene kyɛ ngɔmaa ɛkɔyɛ titire paa wɔ me mma mɔ anu, na ngɔma wɔ aseɛ bɔ ɔkye aleɛ ɔ, bɔ ɔte maen mɔ b’agyapadeɛ paa paa ɔ. Na né medwene kyɛ ɛkɔfrɛ me ‘Me Baba’ bɔ ɛngɔyakyi me si lilɛ ɔ.

Hosea 1:10

Nakoso Yisraelfoɛ bɛ somaa kɔyɛ kyɛ mboanoa anweaa, bɔ bɛngora ye susu anaa bɛngora ye ka ɔ. Na nekaa bɔ bɛhã behyirele bɛ kyɛ, “Nna me maen ole ɛmɔ” nen, berɛ yeɛ bɛkɔhã bekohyire bɛ kyɛ, “Nyameɛ teasefoɛ mma ole ɛmɔ” ɔ.

Mateo 10:40

“Bɔ ode ɛmɔ to nu nen, ode me koso to nu; yeɛ bɔ ode me to nu nen, ode bɔ ɔsomane me ne koso to nu.

Mateo 12:21

na ye dumaa nu yeɛ maen maen mɔ bekonya anyelasoɛ ɔ.”

Mateo 18:5

Na ebiala bɔ okole akwadaa bɔ ɔte kyɛ he kɔto nu wɔ me dumaa nu nen, né wale me wato nu.”

Yohane 1:11

Ɔwale ye bɔbɔ ye deɛ nu, nakoso ye bɔbɔ ye mmenia banne ye bando nu.

Yohane 1:7

Ye yeɛ ɔwale adanzeɛlilɛ, kyɛ ɔbaali kanea ne nwo adanzeɛ, amaa ɔnate ye so mmenia mukoraa bale bali.

Yohane 11:52

nna kyɛ maen ne ngome, na mmom kyɛ ɔkɔboaboa Nyameɛ mma bɔ bato bapete aseɛ mɔ so noa ɔkɔyɛ bɛ mmenia ko ɔ.

Yohane 2:23

Mmerɛ bɔ Yesu wɔ Yerusalem bɔ né bedi Abɔtra aluolue nen, mmeni pee lele ye dumaa lili, ɔnate nzɛngyerɛnneɛ bɔ benwuni kyɛ ɔyɔ ne ati.

Yohane 20:31

Nakoso ɛhemɔ yeɛ bahyerɛ ɔ, kyɛbɔ ɛmɔkole bekoli kyɛ Yesu ole Kristo ne, Nyameɛ Awa ne, na ɛmɔde bedi a, ɛmɔanya ngoa wɔ ye dumaa nu.

Yohane 3:18

Ebiala bɔ ode ye di ne, bemmua ye foɛ; nakoso bɔ onne nni ne de, babua ye foɛ dada, ofikyɛ onne Nyameɛ Awa komapɛ ne dumaa nni.

Asomafoɛ 3:16

Na ɔnate ye dumaa nu, ye dumaa nu gyidie so, yeɛ wama sɔ bubuaniɛ he bɔ ɛmɔnwu ye ná ɛmɔse ye ne wanya anwoserɛ ɔ. Amba, gyidie bɔ ɔnate Yesu so yeɛ wamaa wate apɔ bɔkɔɔ wɔ ɛmɔ amukoraa bɛ nyunu wa ye.

Romanfoɛ 8:14

Ɔnate kyɛ sona biala bɔ Nyameɛ Sunzum ne ɔyɛ ye taataa ne, ɔte Nyameɛ awa.

Romanfoɛ 8:16

Sunzum ne bɔbɔ ɔne yɛ sunzum bedi adanzeɛ kyɛ yɛte Nyameɛ mma.

Romanfoɛ 8:19

Na abɔdeɛ ɔnwondɛ serɛserɛ kyɛ bɛkɔla Nyameɛ mma nemɔ ali ɔ.

Galatiafoɛ 3:26

Ofikyɛ ɛmɔ amukoraa bɛnate gyidie so bɛte Nyameɛ mma wɔ Kristo Yesu nu.

Galatiafoɛ 4:6

Na ɔnate kyɛ ɛmɔte mmaa ne ati, Nyameɛ asoma Ɔwa ne Sunzum maa waatena ɛmɔ ahone nu, bɔ ɔtea nu kyɛ “Abba! Baba!”

Kolosefoɛ 2:6

Yiti kyɛbɔ ɛmɔale Awurade Kristo Yesu bato nu nen, ɛmɔhɔ so bɛnate wɔ yde nu.

2 Petro 1:4

Na ɔnate ɛhemɔ aso yeɛ wafa ye bɔhyɛ mbiri mbiri bɔ odi mu ne wahyɛ yɛ ɔ; amaa ɔnate ɛhemɔ aso ɛmɔanwati bafi prɔlowaa bɔ ɔwɔ wiase bɔ ɔnate akɔnnɔ so yeɛ ɔba ne anu, ná ɛmɔanya Nyameɛ sue ne bie.

1 Yohane 3:1

Ɛ́mɔnea ɔdɔ sonongo bɔ Baba ne wafa walo yɛ ɔ, bɔ ɔmaa bɛfrɛ yɛ Nyameɛ mma ɔ, na yɛte ye mma koso amba. Na ɔnate ɛhe ati ewiase nze yɛ, ofikyɛ onnwuni ye.

1 Yohane 3:10

Na ɛhe yeɛ ɔmaa yɛnwu nzonzoleɛ bɔ ɔla abɔnzam ne Nyameɛ mma b’afia ɔ: ebiala bɔ ɔyɔ bɔ ɔndengyɛ anaa bɔ onguro oliɛma dwirɛ ne, ɔtte Nyameɛ awa.

1 Yohane 3:2

Aliɛmaa mɔ, kekesaala ye yɛte Nyameɛ mma, na kyɛbɔ kyẽa bie yɛkosi yɛkɔyɛ ne de, onnya ɔllale ali. Nakoso yɛse kyɛ sɛ ɔye ye nwo ali a, yɛkɔyɛ kyɛ ye ala, ofikyɛ yɛkonwu ye kyɛbɔ ɔte ɔ.

1 Yohane 3:23

Na ye ahyɛdeɛ ne kyire kyɛ yɛle ɔwa Yesu Kristo dumaa ne yɛli, ná yɛhurohuro yɛ nwo dwirɛ kyɛbɔ wafa ahyɛdeɛ wama yɛ ne.