Yohane 1:10 - AHYERƐLƐ KRONGRON

¹⁰ Né ɔwɔ wiase dada, na ɔnate ye so yeɛ bɛbɔle wiase ɔ, nakoso wiase annwu ye

Yohane 1:10 Iomraidhean Croise

Gyenesise 16:13

Yiti Hagar frɛle AWURADE bɔ odwudwo hyirele ye ne kyɛ, “Ɛte Nyameɛ bɔ enwu nikye ɔ”, na Hagar hane kyɛ, “Aso manwu AWURADE yeɛ ndɛ te ase ye?”

Gyenesise 17:1

Mmerɛ bɔ Abram lili afoɛ aburahona ne ngona ne, AWURADE yele ye nwo ali hyirele ye, na osele ye kyɛ, “Me ole Tuminiɛ Nyameɛ, di me dwirɛ so, ná ma wɔ bra yɛ sannwuu.

Gyenesise 18:33

Na AWURADE ne Abraham bedwudwole beyiele nen, ofili berɛ hɔle; na Abraham koso osa hɔle ye awuro.

Yesaya 53:3

Mmenia buli ye animtia, na bɛpole ye; ɔte sona bɔ ɔfale aworabɔlɛ nu ná onwuni yealɛ ɔ, bebuli ye animtia kyɛ sona bɔ mmenia nwu ye a bɛye bɛ nye bɛto buro ɔ, yeɛ yamva ye yanyɛ huu.

Mateo 11:27

Me Baba afa nningyein amukoraa awura me sa; na ebiala nze Baa ne, sana Baba ne; yeɛ ebiala nze Baba ne, sana Baa ne ne ebiala bɔ Baa ne kuro kyɛ ɔda ye adi kyire ye ɔ.

Yohane 1:11

Ɔwale ye bɔbɔ ye deɛ nu, nakoso ye bɔbɔ ye mmenia banne ye bando nu.

Yohane 1:18

Ebiala nnwuni Nyameɛ le; sana Baa komapɛ twe ne, bɔ ɔla Baba n’ahone nwo ne, na ye yeɛ wala ye ali wahyire ɔ.

Yohane 1:3

Ɔnate ye so yeɛ bɛyɔle nningyein amukoraa ɔ, na bangwati ye banyɔ nikyee biala bɔ bɛyɔle ɔ.

Yohane 1:5

Na kanea ne ta awosii nu, na awosii ne angora angye kanea ne.

Yohane 17:25

O Baba Teneneeniɛ, wiase annwu wɔ, na me de, manwu wɔ; na ɛhemɔ banwu kyɛ wɔ yeɛ ɛsomane me ɔ.

Yohane 5:17

Na Yesu buale bɛ kyɛ, “Me Baba gu so ɔyɔ adwuma maa waadwu bekye, na me koso méyɔ adwuma.”

Asomafoɛ 14:17

nakoso wanyakyi ye nwo adanzeɛlilɛ, ofikyɛ ɔyɛle paa, na ɔmane yɛ nzue fili nyameɛso, ɔne mmerɛ bɔ aleɛ ba ɔ, ɔmane ɛmɔ aleɛ, na ɔmaa yɛnya aleɛ ne anigye ma yɛ kunu dwo yɛ fɔnn.”

1 Korintofoɛ 1:21

Ɔnate Nyameɛ nworɛ (nhyehyɛleɛ) ne ati, adasammaa bangora bamva bɛ nworɛ so bannwu Nyameɛ. Yiti ɔsɔle Nyameɛ nye kyɛ ɔkɔfa edwirɛ bɔ yɛkã, bɔ bebu ye ngwaseasɛm ne aso kole bɛ bɔ bede bedi ne ngoa.

1 Korintofoɛ 2:8

Ewiase atumifoɛ biala ande nworɛ he abo, ofikyɛ sɛ bɛtele ye bo a, ahaa bammɔ animnyam Hene ne mmeamudua nu.

1 Korintofoɛ 8:6

yɛ de, yɛse kyɛ Nyameɛ komapɛ twe yeɛ ɔwɔ berɛ ɔ. Ye ole Baba ne bɔ ɔbɔle nningyein mukoraa ná yɛ koso yɛte ase yɛma ye ne; yeɛ Awurade komapɛ twe yeɛ ɔwɔ berɛ ɔ, ye ole Yesu Kristo, bɔ ɔnate ye so bɛbɔle nningyein mukoraa ne, na yɛ koso ɔnate ye so yeɛ yɛte ase ɔ.

Kolosefoɛ 1:16

Ofikyɛ ye nu yeɛ bɛbɔle nningyein amukoraa, bɔ ɔwɔ nyameɛso ne aseɛ so ɔ; bɔ benwu ye ɔ ne bɔ bennwu ye ɔ; ahennie oo, meneɛ oo, mbanyililɛ oo, tumililɛ oo, nningyein mukoraa bɛnate ye so yeɛ bɛbɔle ɔ, na bɛbɔle bɛ bɛmane ye.

Hebrifoɛ 11:3

Ɔnate gyidie so yɛnya ndeaseɛ kyɛ Nyameɛ noa dwirɛ yeɛ ɔfa bɔle aleɛ ɔ, yiti nningyein bɔ anyeɛ nwu bɛ ne, bammɔ bɛ bamvi nningyein bɔ anyeɛ nwu bɛ ɔ nu.

1 Yohane 3:1

Ɛ́mɔnea ɔdɔ sonongo bɔ Baba ne wafa walo yɛ ɔ, bɔ ɔmaa bɛfrɛ yɛ Nyameɛ mma ɔ, na yɛte ye mma koso amba. Na ɔnate ɛhe ati ewiase nze yɛ, ofikyɛ onnwuni ye.