Yoel 3:9 - AHYERƐLƐ KRONGRON

⁹ “Ɛ́mɔbɔ ɛhe dawure wɔ Amaenmaensofoɛ mɔ nu kyɛ, Ɛ́mɔhyehyɛ koɛ, ɛ́mɔkanyane koɛhonɛfoɛ nemɔ. Ɛ́mɔma koɛhonɛfoɛ nemɔ amukoraa bɛbɔ bepingye; ɛ́mɔma bɛfo bɛbra.

Yoel 3:9 Iomraidhean Croise

Edwein 96:10

Ɛmɔhã ye wɔ maen maen amukoraa nu kyɛ, “AWURADE di hene! Amba, wiase timu berɛ pindinn, ye bo ngotutu le. Ɔkɔfa pɛpɛɛpɛyɛlɛ kobua maen maen nemɔ ndɛen.”

Yesaya 34:1

O maen maen mɔ, ɛmɔhwe bepingye me beetie, O mmenia, ɛ́mɔyɛ asoɛ betie! Ma aseɛ ne so nningyein amukoraa betie, ma ewiase, yeɛ nikyee biala bɔ ofi nu ba ɔ koso betie.

Yeremia 31:10

“Ao maen maen mɔ, ɛ́mɔtie AWURADE noa dwirɛ, ná ɛ́mɔbɔ ye dawure wɔ supɔ mɔ bɔ bɛwɔ dedeede ɔ so, ná ɛmɔhã kyɛ, ‘Bɔ ɔbɔle Yisrael sandene ne, okosa kɔboaboa bɛ noa kɔnea bɛ so kyɛbɔ mmoaenneafoɛ nea ye mmoaen kure so ɔ.’

Yeremia 50:2

“Ɛ́mɔbɔ ye dawure wɔ maen maen mɔ so, ɛ́mɔfa bɛto dwaa, ɛ́mɔfa frangaa bɛpena berɛ, ɛ́mɔfa bɛto dwaa; nnɛma ɛmɔkata so, na mmom ɛmɔhã kyɛ, ‘Bali Babilɔn so ngonim, Bel nyunu agua ase, babubu Merodake nu pasapasa, ye mmosoen mɔ nyunu agua ase, babubu ye amoen mɔ nu pasapasa.’

Yeremia 51:11

“Ɛ́mɔsi agyaen nemɔ noa! Ɛ́mɔma akokyɛm nemɔ aso! AWURADE akanyane Medese ahemvo mɔ sunzum, ofikyɛ wanya Babilɔn nwo adwene kyɛ ɔkɔsɛkye ye, AWURADE wereɛtɔlɛ ne, ye ɛne; ye asɔneyɛɛ sua nwo wereɛtɔlɛ ne, yɛ ɛne.

Yeremia 51:27

Ɛ́mɔfa frangaa bɛpena aseɛ ne aso, ɛ́mɔhu totorobɛndo wɔ maen maen mɔ nu; ɛ́mɔboaboa maen maen mɔ noa maa bɛɛfa koɛ bɛtoa ye, ɛ́mɔfrɛfrɛ ahennie hemɔ maa bɛɛfa koɛ bɛtoa ye: Ararate, Mini ne Asekenase; ɛ́mɔye safohene maa ɔfa koɛ ɔtoa ye, ɛ́mɔma mbɔngɔ bɛbra maa bɛyɛ mitimiti kyɛ mmɛbɛ.

Yeremia 6:4

“Ɛ́mɔfa koɛ bɛɛteta ye; ɛ́mɔdwɔso maa yɛfa koɛ yɛɛtoa ye eyiagyina!” “Yawu oo, aleɛ pena sa, nɔsoa wawoɛ mɔ bayɛ ndendenn!”

Hesekiel 38:17

“AWURADE Nyameɛ nwa nyoo: Aso wɔ ole bɔ mvale me somvoɛ mɔ bɔ bɛte Yisrael ngɔmhyɛlɛfoɛ so ngane ye nwo dwirɛ daa tete ne, bɔ bɛhyɛle ngɔm sɔ mmerɛ ne afoɛ pee, kyɛ ngɔfa wɔ ngɔwa maa ɛkɔɔfa koɛ kɔtoa bɛ ne anaa?

Hesekiel 38:7

“Boaboa wɔ nwo ná te gyina, ɛne wɔ lɔen amukoraa bɔ aboaboa bɛ noa wɔ wɔ nwo berɛ ne, ná yɛ bɛ so neafoɛ.

Mika 3:5

Ngɔmhyɛlɛfoɛ bɔ bɛma me maen di makyebu, bɔ ɛma bɛ aleɛ maa bedi a bɛkekã kyɛ, “Asomdwee oo, asomdwee oo”, nakoso sɛ ebie amma bɛ aleɛ maa banni a, bɛfa koɛ bɛtoa ye ne, bɔ AWURADE kã fa bɛ nwo ɛne.

Hagae 2:7

ngɔwoso maen maen mukoraa; na maen maen mukoraa b’anwonya kɔwa wa, na ngɔfa animnyam ngoyi awuro he tɛkyɛ, Asafo AWURADE noa dwirɛ ɛne.

Sakaria 14:2

Ofikyɛ ngɔboaboa maen maen mukoraa bɛ noa maa bɛkɔfa koɛ bɛkɔteta Yerusalem, bɛkɔho bɛkɔfa kuro ne, bɛkɔfẽ awuro nemɔ anu nningyein, ná bato mmrasua nemɔ mmɔnaa. Kuro ne anu ama ne, bɛkɔhye nu bue nnure bɛkɔhɔ, nakoso maen ne ngaa de, bengohu bɛ ngofi kuro ne anu.

Sakaria 14:3

Na afei AWURADE kotu kɔtengyɛ ɔne sɔ maen maen nemɔ bɛkɔɔho, kyɛbɔ ɔhone koɛ wɔ koɛ kyẽa ne ala.