Yoel 3:8 - AHYERƐLƐ KRONGRON

⁸ Ngɔtɔne ɛmɔ mma mmienzua ne ɛmɔ mma mmrasua nemɔ ngɔfa bɛ ngowura Yudafoɛ sa, na bɛ koso bɛkɔtɔne bɛ bɛkɔma Sabeafoɛ bɔ bɛte maen bɔ bɛwɔ dedeede ne, ofikyɛ edwirɛ bɔ AWURADE ahã hɔ ɛne.”

Yoel 3:8 Iomraidhean Croise

YOB NWOMAA NE 1:15

mvum nu, Sabeafoɛ wale bɛɛhyehyele bɛ bɛhɔle, na bafa ngrandɛ bahuhu somvoɛ nemɔ. Me ngome twe yeɛ manya me ti madidi nu bɔ mebaabɔ wɔ amaneɛ ye.”

Edwein 72:10

Tasise ahemvo ne dedeede aseɛ ahemvo nemɔ, maa betua ndɔ bɛma ye; ma Hyeba ne Seba ahemvo mɔ bɛfa akyɛdeɛ bɛbrɛ ye.

Yesaya 60:14

Na bɛ bɔ bɛhyɛle wɔ so ne, bɛ boso ama kɔwa bɛkɔɔkoto wɔ; yeɛ ebiala bɔ obuli wɔ animtia ne, okoobu ndwerɛ wɔ wɔ gya bo; bɛkɔfrɛ wɔ AWURADE Kuro, Yisrael Krongronniɛ ne, ye Sion.

Yeremia 30:16

Yiti bɛ bɔ bɛtete wɔ nu pasapasa ne amukoraa, bɛ koso ebiemɔ kɔtete bɛ nu pasapasa, na wɔ pɔfoɛ mɔ amukoraa, bɛ nu biala bɛkɔhye ye nnure bɛkɔhɔ; bɛ bɔ bɛfẽ wɔ nningyein ne, bɛ koso ebie mɔ kɔfẽ bɛ deɛ, na bɛ bɔ bɛbɔ wɔ so apaa ne, ngɔmaa ebiemɔ kɔbɔ bɛ mukoraa bɛ so apaa.

Yeremia 6:20

Ɛyɛɛ bɔ bɛ ne ye fi Hyeba bɛba, yeɛ ayirefona bɔ bɛ ne ye fi dedeede maen bie aso bɛba ne, aso bɛ nwo le mvasoɛ ma me? Me nye ngye ɛmɔ ɛyeralɛ afɔleɛ nemɔ anwo, yeɛ ɛmɔ afɔleɛ mɔ koso bɛnzɔ me nye.

Hesekiel 23:42

Né mmenia pee bɔ ɛhwee mva bɛ nwo ɔ bɛteatea nu wɔ ye nwo berɛ, yeɛ né akɔnomnzafoɛ bɔ bɛɛfale bɛ befili ɛserɛ so koso ɔ bɛwɔ berɛ bie; na bɛfale ngaa beguaguale mmrasua nemɔ bɛ sa kɔm, yeɛ bɛfale abotire nyemenenyemene koso bɛbobɔle bɛ.

Hesekiel 38:13

Na Hyeba ne Dedan, yeɛ Tasise dwadifoɛ ne ye nguraa nu ama mukoraa bekobisa wɔ kyɛ, ‘Awa kyɛ ɛbaafa koɛ nu nzesadeɛ hɔ ɔ? Aboaboa wɔ lɔen noa kyɛ ɛbaafẽ nningyein kɔ anaa, kyɛ ɛbaasesa ɛdwetɛ ne sikaa kɔkorɛ, nyɛmmoa ne nningyein, ná ɛfa koɛ nu nzesadeɛ pee ɛkɔ anaa?’

Deuteronomi 32:30

Ahaa ɔkɔyɛ sɛɛ né sona horɛ wahora wafoa mmenia apee, ná mmenia nyɔ ama mmenia apee buru banwati ɔ? Sana bɛ Nyɔbotaen ne waye ye sa wafi bɛ bo, sana AWURADE aye bɛ wama koraka.

Maenbulɛfoɛ 2:14

Yiti AWURADE fɛle Yisrael so yaa paa, na ɔfale bɛ wurale apaabɔlɛfoɛ sa maa bɛfene bɛ nningyein bɛfale. Bɛ pɔfoɛ mɔ bɔ bapɛ bɛ nwo bayia ne, ɔmaa beewurale bɛ bo bɔ bangora bɛ pɔfoɛ nemɔ nyunu gyina ko ɔ.

Maenbulɛfoɛ 4:2

Yiti AWURADE fale bɛ wurale Kanaan hene Yabin bɔ né odi hene wɔ Hasɔ ne sa. Ye safohene ole Sisera bɔ né ɔte Harosete Hagoyim ne.

Maenbulɛfoɛ 4:9

Yeɛ Debora buale kyɛ, “Amba me ne wɔ kɔhɔ; nakoso atee bɔ ɛkɔ ye, ye nwo animnyam ngɔyɛ wɔ deɛ, ofikyɛ AWURADE kɔfa Sisera kowura brasua bie sa.” Na Debora dwɔsole ɔne Barake bɛhɔle Kedese.