Yoel 3:5 - AHYERƐLƐ KRONGRON

⁵ ofikyɛ ɛmɔafa me dwetɛ ne me sikaa kɔkorɛ, na ɛmɔasoa me nningyein paa paa nyemene nemɔ baagua ɛmɔ asɔneyɛɛ sua mɔ nu.

Yoel 3:5 Iomraidhean Croise

2 Ahemvo 12:18

Yuda hene Yehoase sesale sɔ nningyein hemɔ ɔɔmane Siria hene Hasael: anohoba afɔleɛ nningyein amukoraa bɔ Yehoase ye mbanyi mɔ Yehosafate, Yehoram ne Ahasia bɔ bɛte Yuda ahemvo ne, batu basie berɛ bama AWURADE ne, ɔne ye bɔbɔ ye anohoba afɔleɛ nningyein nemɔ, yeɛ esikaa kɔkorɛ amukoraa bɔ né ɔwɔ AWURADE awuro nekaa bɔ besie nningyein ne, ɔne esikaa kɔkorɛ bɔ ɔwɔ ahemvie berɛ ne. Yiti Hasael yakyili koɛ bɔ ɔkwaafa toa Yerusalem ne.

2 Ahemvo 16:8

Afei Ahase sesale ɛdwetɛ ne esikaa kɔkorɛ bɔ ɔwɔ AWURADE awuro ne, ɔne bɔ ɔwɔ ahemvie fotoɛ nu ne, na ɔfa ɔɔhyɛle Asiria hene.

2 Ahemvo 24:13

Nebukadenesa sesale AWURADE awuro agudeɛ amukoraa, ɔne ahemvie berɛ agudeɛ ne hɔle. Esikaa kɔkorɛ kulie amukoraa bɔ Yisrael hene Solomon maa bɛyɔle beguale AWURADE asɔneyɛɛ sua ne anu ne, ɔbobɔle bɛ. Ɛhe amukoraa sili kyɛbɔ AWURADE hane ne ala.

Yesaya 11:11

Na ɔkɔwa kyɛ, sɔ kyẽa ne, AWURADE kɔtengyɛ ye sa ye pɛen nyɔ so kole ye mmenia bɔ baha ne kofi Asiria, Misraim, Patrose, Yitiopia, Elam, Sinari, Hamate nu, yeɛ mboanoa supɔ mɔ so.

Yeremia 23:7

“Yiti tie, mmerɛ bie ɔ́ba, bɔ bɛngɔhã ye ko kyɛ, ‘AWURADE bɔ ɔyele Yisraelfoɛ fili Misraim aseɛ so wale ne, kyɛ ɔte ase ye,’

Yeremia 50:28

“Ɛ́mɔtie oo, kyɛ, bɛ bɔ bɛ́nwati bɛpena bɛ ti bedidi nu befi Babilɔn aseɛ so ne, bɛ́ba bɛbabɔ AWURADE yɛ Nyameɛ wereɛtɔlɛ, ye asɔneyɛɛ sua nwo wereɛtɔlɛ nwo dawure wɔ Sion ɔ.

Yeremia 51:11

“Ɛ́mɔsi agyaen nemɔ noa! Ɛ́mɔma akokyɛm nemɔ aso! AWURADE akanyane Medese ahemvo mɔ sunzum, ofikyɛ wanya Babilɔn nwo adwene kyɛ ɔkɔsɛkye ye, AWURADE wereɛtɔlɛ ne, ye ɛne; ye asɔneyɛɛ sua nwo wereɛtɔlɛ ne, yɛ ɛne.

Hesekiel 37:12

Yiti hyɛ ngɔm ná se bɛ kyɛ, ‘AWURADE Nyameɛ nwa nyoo: O me maen, ɛ́mɔtie, mebaabukyebukye ɛmɔ asieleɛ nemɔ aso, ngɔye ɛmɔ ngofi ɛmɔ asieleɛ nemɔ anu, na ngɔfa ɛmɔ ngɔhɔ Yisrael aseɛ so.

Daniel 11:38

Ɔkɔfa anidie kɔma nyameɛ bie bɔ ɔbɔ nguro mɔ nwo waen ɔ mmom okosi bɛ gya nu. Na nyameɛ bie bɔ ye nana mɔ bɛnze ye ne, ɔkɔfa sikaa kɔkorɛ ne ɛdwetɛ, nyɔboɛ bɔ ye nyɔboɛ yɛ se ɔ, ɔne mbembenanneɛ yeɛ okoli ye ni ɔ.

Obadia 1:17

Nakoso Sion bokaa so yeɛ bɛ bɔ banya bɛ ti badidi nu ne bɛkɔtena ɔ; berɛ kɔyɛ krongron, na Yakob boso ama bɛ sa kɔhã b’agyapadeɛ.