Yoel 3:4 - AHYERƐLƐ KRONGRON

⁴ Ɛmɔ, Tiro ne Sidon ne Filistia mboanoa amukoraa, nzikyɛ dwirɛ yeɛ ɛmɔafa bali me e? Aso ɛmɔtua me nikyee bie so kerɛ anaa? Na sɛ ɛmɔtua me so kerɛ a, ye de ngɔma ɛmɔ yɔleɛ ne kɔbɔ ɛmɔ ti so ndɛndɛ so ne amirika so,

Yoel 3:4 Iomraidhean Croise

2 Aberɛso Dwirɛ 21:16

AWURADE kanyane Filistifoɛ ne Arabofoɛ bɔ bɛte bepingye Kusefoɛ ne maa bedwɔso betiale Yehoram.

Yesaya 14:29

Filistia amukoraa, nnɛdi ahurusi, kyɛ mbire bɔ ofini wɔ ne, nu abubu ɔ, ofikyɛ ewoo ne, ye ndii nu yeɛ ɛkyenebene kofi kɔwa ɔ, na ɔwa ne kɔyɛ see ewoo bɔ otu ɔ.

Yesaya 34:8

Ofikyɛ ɔte AWURADE wereɛtɔlɛ kyẽa, ɔne afoɛ bɔ ɔkɔma Sion kosa konya bɔ wafi ye sa ne ɔ.

Yesaya 59:18

Okotua bɛ kerɛ kyɛbɔ bɛ yɔleɛ te ɔ, ye ahone kohu bɛ bɔ bekyi ye ɔ so, yeɛ okotua ye pɔfoɛ mɔ so kerɛ, yeɛ supɔ mɔ koso, okotua bɛ so kerɛ.

Yeremia 47:1

AWURADE dwirɛ bɔ ɔlale ye ali hyirele ngɔmhyɛlɛniɛ Yeremia fale Filistifoɛ nwo, koraka yeɛ Faro ɔkwaali Gasa so ngonim ne, ye ɛhe:

Yeremia 47:4

ɔnate kyẽa bɔ ɔbaahũhũ Filistifoɛ amukoraa ne ati, ɔne kyɛ ɔbaanua bokafoɛ biala bɔ waha wɔ Tiro ne Sidon ɔ, bɛ bo. Ofikyɛ AWURADE kohũhũ Filistifoɛ bɔ bɛ ole Kafito supɔ ngaa nemɔ ne.

Yeremia 51:6

“Ɛ́mɔnwati béfi Babilɔn, ɛ́mɔma ebiala ɔpepɛ ole ye kra; nnɛmɔmaa ɔnate ye amumuyɛɛ ti ɛmɔ boso nua, ofikyɛ AWURADE ye wereɛtɔlɛ mmerɛ ne ɛhe, na okotua ye so kerɛ.

Yoel 2:10

Aseɛ woso wɔ bɛ nyunu, anwuro kekã; eyia ne ɛsraen yɛ tunn, na nzramaa yakyi talɛ.

Yoel 2:2

Ɔte awosii ne (ewienu) kusuuyɛlɛ kyẽa, munungum ne awosii kabii kyẽa; koɛhonɛfoɛ anwoserɛfoɛ pee bɛkɔwa, bɔ ɔte kyɛ awosii bɔ wakata mmokaa nemɔ aso ɔ; bɛ sɛso ɔwwale le, ná bɛ si koso, ebie ngɔwa ko, wɔ aworɛ ndoatoasoɛ pee bɛ mmerɛ so.

Mateo 11:21

“Wɔ, Korasin, wɔ yaakɔ! Wɔ, Betesaeda, wɔ yaakɔ! Ofikyɛ, nnwumaa mbiri mbiri bɔ bɛyɔle ye wɔ ɛmɔ nu ne, sɛ bɛyɔle bɛ wɔ Tiro ne Sidon a, ahaa bahera ɛsɛen tena bafa nzoen bayɛ bɛ nwo basakyera b’adwene dada.

Mateo 11:22

Yiti mekã mekyire ɛmɔ kyɛ, ndɛenbualɛ kyẽa ne, amaneɛ bɔ ɔkɔto Tiro Sidon nen, ongodwu bɔ ɔkɔto ɛmɔ ne.

Luka 10:13

“Wɔ, Korasin, wɔ yaakɔ! Wɔ, Betesaeda, wɔ yaakɔ! Ofikyɛ, nnwumaa mbiri mbiri bɔ bɛyɔle ye wɔ ɛmɔ nu ne, sɛ bɛyɔle bɛ wɔ Tiro ne Sidon a, ahaa bahera ɛsɛen tena batena nzoen nu basakyera b’adwene dada.

Luka 10:14

Na ndɛenbualɛ ne anu, amaneɛ bɔ ɔkɔto Tiro ne Sidon nen, ongodwu bɔ ɔkɔto ɛmɔ ne.

Luka 18:7

Na bɛ bɔ Nyameɛ aneanea nu waye bɛ, bɔ besu bɛfrɛ ye eyia ne kɔngɔen ne, sɛ ɔto ye bo ase ɔkyɛ kãa wɔ bɛ nwo a, aso ongoli bɛ dwirɛ ngɔma bɛ anaa?

Asomafoɛ 9:4

Ɔpɛ fini, na ɔtele edwudwolɛ bie kyɛ, “Sɔɔlo, Sɔɔlo! Nzu ati yeɛ ɛtane me nye ye?”

Deuteronomi 32:35

Wereɛtɔlɛ ne akatuaa te me deɛ, ɔngɔhyɛ biala, bekosoti; ofikyɛ b’amaneɛnwunɛ kyẽa ne apingye, na b’ayieleɛ ɔ́ba ndɛndɛ.

2 Tɛsalonika 1:6

Ofikyɛ ɔtengyɛ wɔ Nyameɛ nyunu kyɛ okotua bɛ bɔ bɛma ɛmɔnwu amaneɛ ne so kerɛ ɔ,

Maenbulɛfoɛ 11:12

Afei Yɛfeta tuli ɛbɔfoɛ maa bɛhɔle Amonfoɛ hene berɛ beesele ye kyɛ, “Nzikyɛ dwirɛ yeɛ ɔwɔ me ne wɔ yɛ afia bɔ ye ti yeɛ ɛbaafa koɛ ɛtoa me maen ye?”