Yoel 3:2 - AHYERƐLƐ KRONGRON

² ngɔboaboa maen maen amukoraa bɛ noa, ngɔfa bɛ ngɔwa Yehosafate bɔnza ne anu, na berɛ yeɛ ngɔbɔ bɛ kwaadu ɔ, ɔnate me maen ne m’agyapadeɛ Yisrael bɔ babɔ bɛ basande maen maen mɔ so, ɔne m’aseɛ bɔ bahyɛ ne ati.

Yoel 3:2 Iomraidhean Croise

2 Aberɛso Dwirɛ 20:26

Ye ɛlɛnna ne aso, bɛbɔle dwaa wɔ Beraka bɔnza ne anu, ofikyɛ berɛ yeɛ bɛyele AWURADE ayɛ ɔ. Yiti bafrɛ berɛ Beraka bɔnza maa waadwu ɛnɛ.

Yesaya 66:16

Ofikyɛ AWURADE kɔfa see ne ye ngrandɛ yeɛ okobua anwoɔnaen mukoraa ndɛen ɔ, na bɛ bɔ AWURADE kohũ bɛ ne, bɛkɔsone pee.

Yesaya 66:18

“Ofikyɛ mese bɛ yɔleɛ ne b’adwene: meba mebaboaboa maen mukoraa ne edwudwolɛ amukoraa noa, na bɛkɔwa bekoonwu m’animnyam ne.

Yeremia 12:14

Maen maen bɔnefoɛ bɔ me ne bɛ yɛbɔ wɛen, bɔ bɛte bɛ sa bɛkã agyapadeɛ bɔ mafa mama me maen Yisrael maa wayɛ ye deɛ ne, bɔ AWURADE kã fa bɛ nwo ole kyɛ, “Tie, ngotu bɛ bo ngofi b’aseɛ ne aso, na ngotu Yuda awuro ama bo ngofi bɛ nu.

Yeremia 25:31

Dedeyɛlɛ ne kɔtrɛ kɔɔhã aseɛ noa dɔ, ofikyɛ AWURADE abɔ maen maen mɔ kwaadu; okobua anwoɔnaen amukoraa ndɛen, na ɔkɔma bɔnefoɛ mɔ bɛkɔtotɔ ngrandɛ noa, AWURADE noa dwirɛ ɛne.’

Yeremia 49:1

Bɔ AWURADE kã fa Amonfoɛ nwo ole kyɛ, “Aso Yisrael olle mmaa mmienzua anaa? Olle sona bɔ okoli ye bia anaa? Ɔyɛle sɛɛ bɔ bɛ hene yeɛ odi Gade so, bɔ ye mmenia tete ye nguro mɔ so ye?

Yeremia 50:17

Yisrael te mmoaen kure bɔ babɔ ye basande ɔ; gyata mɔ afoa ye maa wanwati wahɔ. Bɔ oli moa ɔ, Asiria hene ahu ye, na bɔ ɔpɛ ye bo ɔ, Babilɔn hene Nebukadenesa abubu ye mmowue nu.

Hesekiel 25:8

“Yiti AWURADE Nyameɛ nwa nyoo, ‘Ɔnate kyɛ Moabo ne Sɛre bɛnwa: Yuda awuro ama bɛte kyɛ maen maen amukoraa.’

Hesekiel 34:6

Me mmoaen nemɔ bɛbɔ bɛsandele wɔ mmokaa mukoraa ne pambaa biala so. Amba, me mmoaen nemɔ bɛbɔle aya bɛhɔle aseɛ so nekaa biala, na ebiala ammisa bɛ boso, yeɛ ebiala ambena bɛ.

Hesekiel 35:10

“Na ɔnate kyɛ ɛhane kyɛ, ‘Maen nyɔ hemɔ ne aseɛ nyɔ hemɔ kɔyɛ me deɛ, na yɛkɔfa yɛkoli so,’ wɔ aberɛ bɔ né AWURADE wɔ berɛ ɔ,

Hesekiel 36:1

Na wɔ, Sona awa, hyɛ ngɔm kyire Yisrael mmokaa nemɔ, ná kã kyɛ, ‘Ɛmɔ, Yisrael mmokaa, ɛ́mɔtie AWURADE noa dwirɛ.

Hesekiel 36:5

Yiti AWURADE Nyameɛ nwa nyoo: Nahorɛ nu, nungunɛ piri paa nu yeɛ mefa medwudwo metia maen maen ngaa nemɔ ɔ, ɔne Edom amukoraa; ofikyɛ bele anigye amukoraa ne animtia piri paa bɛfale m’aseɛ bɛyɛle bɛ deɛ, kyɛbɔ ɔkɔyɛ bɔ bɛkɔfẽ so nningyein bɛkɔfa ɔ.

Hesekiel 38:22

Ngɔfa ewue anwonyerɛ ne mogya yeɛ ngɔtea ye ɔ; na ngɔtɔ esue kandinga paa, asukɔtwea kungumaboɔ, see ne sɔfe yeɛ ngogua ye ne ye lɔen ɔne ye maen worawora bɔ bɛboka ye so ne aso ɔ.

Hesekiel 39:11

“Na ɔkɔwa kyɛ, sɔ kyẽa ne, ngɔma Gɔgo aseɛ bɔ bekosie ye so ɔ wɔ Yisrael, wɔ Akwandufoɛ Bɔnza bɔ ɔwɔ ɛpo eyia afiteleɛ ne anu, bɔnza bɔ osi akwandufoɛ atee ne. Berɛ yeɛ bekosie Gɔgo ne ye lɔen worawora ne amukoraa ɔ, na bɛkɔfrɛ berɛ Hamon Gɔgo Bɔnza.

Yoel 3:12

Odi kyɛ maen maen mɔ bɛkanyane bɛ nwo bɛba Yehosafate bɔnza ne anu, ofikyɛ berɛ yeɛ ngɔtena ngobua maen maen amukoraa bɔ bapɛ ye nwo bayia ne ndɛen ɔ.

Yoel 3:14

Ɛlɔen, ɛlɔen wɔ ndɛenbualɛ bɔnza ne anu; ofikyɛ AWURADE kyẽa ne apingye wɔ ndɛenbualɛ bɔnza ne anu.

Amose 1:11

AWURADE nwa nyoo, “Ɔnate Edom ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ ɔfale ngrandɛ guli oliɛma so. Wanyɛ ye anwumvo, ɔmane ye ahone hɔle so huli, na ɔmane ye yaafɛlɛ piri ne hɔle so afebɔɔ.

Mika 4:12

Nakoso bɛ de, bɛnze AWURADE adwene, yeɛ bɛnde ye nhyehyɛleɛ bo, ofikyɛ ɔkɔboaboa bɛ noa kyɛ ɛmo bɔ bakyekye ye tire tire bagua nekaa bɔ bɛboro ɛmo ɔ.

Sefania 3:8

“Yiti odi kyɛ ɛmɔnea me ate maa okodwu kyẽa bɔ ngodwɔso ngɔɔbɔ kwaadu ne, ofikyɛ ɔte me nhyehyɛleɛ kyɛ ngɔboaboa maen maen mɔ noa, kyɛ ngɔboaboa ahennie mɔ noa, ná ngɔma me yaafɛlɛ ne m’ahonehulɛ amukoraa kɔwa bɛ so ɔ; ofikyɛ me nungunɛ see ne, ɔkɔyera aseɛ amukoraa motoo,” AWURADE noa dwirɛ ɛne.

Nyekyire 11:18

Maen maen mɔ fɛle yaa, na w’ahonehulɛ ne adwɔso, na mmerɛ adwu kyɛ ebua awufoɛ ndɛen, ná ɛma wɔ ngoaa, ngɔmhyɛlɛfoɛ ne anwoteefoɛ ne bɛ bɔ besuro wɔ dumaa, kwahweabaa mɔ ne atitirefoɛ akatuaa ɔ, ɔne kyɛ ɛkɔsɛkye bɛ bɔ bɛsɛkye aseɛ ɔ.”

Nyekyire 16:14

Bɛte sunzummɔne sunzum mɔ bɔ bɛyɔ nzɛngyerɛnneɛ, bɔ bɛkɔ wiase amukoraa ahemvo mɔ so aporɔ bɛboaboa bɛ noa bɛma koɛ wɔ Tuminiɛ Nyameɛ ye kyẽa piri ne ɔ.

Nyekyire 16:16

Na bɛboaboale bɛ noa wɔ nekaa bie bɔ Hebri dwudwolɛ nu bɛfrɛ berɛ Amagedon.

Nyekyire 16:6

Na ɔnate kyɛ bahwie anwoteefoɛ ne ngɔmhyɛlɛfoɛ mogya bagua ne ati, wɔ koso ama bɛ mogya maa bano, na bɔ ɔfata bɛ hɔ ɛne.”

Nyekyire 20:8

na okofite kɔwa kɔɔlakalaka maen maen mɔ bɔ bɛwɔ aseɛ ndweasoɛ nna ne aso: Gɔgo ne Magɔgo, kyɛ ɔboaboa bɛ noa maa bɛkɔ koɛ; na bɛ somaa te kyɛ mboanoa anweaa.